އަހްމަދަށް ރެކޯޑެއް; ކިނޮޅަސް ރައީސް ކަމުގެ ފަސްވަނަ ދައުރަށް އިންތިހާބުވެއްޖެ
އިއްޔެ އޮތް ލޯކަލް ކައުންސިލް އިންތިހާބުގައި ރ. ކިނޮޅަސް ކައުންސިލްގެ ރައީސްގެ މަގާމަށް އަހްމަދު ހަސަން އިންތިހާބު ވެއްޖެ އެވެ.
މިއީ އެ ރަށު ކައުންސިލްގެ ރައީސްގެ މަގާމަށް އޭނާ އިންތިހާބުވި ފަސް ވަނަ ފަހަރެވެ. މިއީ ރާާއްޖޭގެ ރެކޯޑެކެވެ. މި ފަހަރުގެ އިންތިހާބަށް އޭނާ ނިކުތީ ސަރުކާރު ހިންގާ ޕީއެންސީގެ ޓިކެޓްގަ އެވެ. އޭގެ ކުރީން އޭނާ ކައުންސިލްގެ ރައީސް ކަމަށް އިންތިހާބުވީ އަދާލަތު ޕާޓީގެ ޓިކެޓްގަ އެވެ.
އަހްމަދުގެ މަސައްކަތާއެކު އޭނާ ވަނީ ޕީއެންސީގެ ޓިކެޓް ހޯދާ އަދާލަތުގެ ތާއީދު ވެސް ހޯދާފަ އެވެ. ދެ ޕާޓީގެ ތާއީދާއެކު ނިކުމެ އޭނާ ވަނީ ޖެހިޖެހިގެން ފަސްވަނަ ދައުރަކަށް ކިނޮޅަސް ކައުންސިލްގެ ރައީސް ކަމުގެ މަގާމަށް އިންތިހާބުވެފަ އެވެ.
އޭނާ ވަނީ އިއްޔެގެ އިންތިހާބުގައި 231 ވޯޓް ހޯދާފަ އެވެ. އަމިއްލަ ގޮތުން ވާދަކުރި ނައުފަލް އަބްދުލްހަންނާނަށް ލިބުނީ 200 ވޯޓެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
