ދާރުއްނޫރު ކޮންސެޕްޓް ޑިޒައިންކުރުމުގެ ބައްދަލުވުމުގައި ވަޒީރު ބައިވެރިވެވަޑައިގަންނަވަނީ
ދާރުއްނޫރު ކޮންސެޕްޓް ޑިޒައިންކުރުމުގެ ބައްދަލުވުމުގައި ވަޒީރު ބައިވެރިވެވަޑައިގަންނަވަނީ
ހަބަރު 09 Aug 2026 | 15:54

ނޫރު ބިލްޑިންގެ ތަފްސީލީ ކުރެހުން އަންނަ މަހުގައި ނިމޭނެ

ނޫރު ބިލްޑިންގެ ތަފްސީލީ ކުރެހުން އަންނަ މަހުގައި ނިމޭނެ ކަމަށް އިސްލާމީ ކަންތައްތަކާއި ބެހޭ ވުޒާރާ އިން ބުނެފި އެވެ.

މި ބިލްޑިން އަކީ ގުރްއާނަށް ހާއްސަ ވަގްފު ބިލްޑިންނެވެ.

ދާރުއްނޫރު ކޮންސެޕްޓް ޑިޒައިންކުރުމުގެ ބައްދަލުވުމުގެ ބައްދަލްވުމަށް ފަހު ވަޒީރު ޑރ. މުހައްމަދު ޝަހީމް އަލީ ސައީދު ވިދާޅުވީ އަމާޒަކީ މި އަހަރު ނިމުމުގެ ކުރިން، ނުވަތަ އަންނަ އަހަރު ކުރީކޮޅުގައި ނޫރު ބިލްޑިންގުގެ ޢަމަލީ މަސައްކަތް ފެށުން ކަމަށެވެ.

މި ބިލްޑިންގަކީ ގުރްއާނަށް ހާއްސަ ވަގްފެއް ގޮތުގައި 15 ބުރިއަށް މާލެގައި ބިނާކުރެވޭ ބިލްޑިންގެކެވެ. މިތާނގެ 3 ފްލޯ ހާއްސަ ކުރެވިފައި ހުންނާނީ އިސްލާމީ މިނިސްޓްރީގެ އިދާރާއަށެވެ.

މިނިސްޓްރީގެ އަމާޒަކީ ބިލްޑިންގެ ނިމުމުން މިނިސްޓްރީގެ މަރުކަޒީ އިދާރާ އެތަނުގެ ބަޔަކަށް ބަދަލުކޮށް، އިސްލާމީ މަރުކަޒު އެތަނުގެ އަސްލަށް ރުޖޫއަ ކުރުން ކަމަށާ ހަގީގަތީ މާނައިގައި އިސްލާމީ މަރުކަޒުގެ ދައުރު އަލުން އިއާދަ ކުރުން ކަމުގައި ވަޒީރު ވިދާޅުވި އެވެ.

އަދި ވިދާޅުވީ އެ މަރުކަޒުގައި ޒަމާނީ ވަސީލަތްތައް ޤާއިމްކޮށް، އިސްލާމް ދީނާ ބެހޭ މަޢުލޫމާތު އެކި ޢުމުރުފުރާތަކަށް ލިބޭނެ ގޮތް ހަދާ، ސްކޫލްތަކުގެ ދަރިވަރުން ޒިޔާރަތް ކުރެވޭ ތަނަކަށް ހެދުން ކަމަށެވެ.

".. މީގެ އިތުރުން އިސްލާމީ މަރުކަޒު ހުޅުވި އިރު އެތަނުގެ ހުރި ލައިބްރަރީ އަލުން އިޢާދަކޮށް، ޒަމާނީ ފެންވަރުގެ ލައިބްރަރީއެއް ގާއިމްކުރުން. އަދި އެކަށީގެންވާ ވަރުގެ މަރާމާތެއް ކޮށް، އިސްލާމީ މަރުކަޒު ހެޔޮ ގޮތުގައި ބެލެހެއްޓުން," ވަޒީރު ވިދާޅުވި އެވެ.

ނޫރު ބިލްޑިންގަކީ ދިވެހިރާއްޖޭގައި ގުރްއާނުގެ ހާފިޒުން ބިނާކުރުމާއި، ގުރްއާނުގެ އިލްމު ފެތުރުމަށް ބޭނުންވާ މާލީ އެހީ ހޯދުމަށްޓަކައި ބިނާކުރެވޭ ހާއްސަ ވަގްފު ބިނާއެކެވެ. އެތަނުން ލިބޭ ކުލި ހަރަދުކުރެވޭނީ މި މަގްސަދަށެވެ. މިވަގުތު މާލެއާއި ހުޅުމާލޭގައި ދެ އިމާރާތެއްގެ އަމަލީ މަސައްކަތް ކުރިއަށް އެބަދެ އެވެ.

އިސްލާމީ ކަންތައްތަކާއި ބެހޭ ވުޒާރާއިން ބުނި ގޮތުގައި މާލެގައި ހުރި ދާރުލް އީމާން ވަގްފު ބިނާއިން އަހަރަކު ފަސް މިލިއަނަށް ވުރެ ގިނަ ރުފިޔާ ލިބެ އެވެ. އެއީ މިސްކިތްތަކަށް ހާއްސަ ބިނާ އެކެވެ. މި ބިނާގެ މަސައްކަތް ފެށީ 2014 ވަނަ އަހަރު އެވެ. އޭރުވެސް ވަޒީރަކަށް ހުންނެވީ ޑރ. ޝަހީމް އެވެ.

"ތިން އަހަރު ފަހުން މިފަދަ މަސައްކަތްތަކަށް މިނިސްޓްރީން ދައުލަތުގެ ބަޖެޓަށް ބަރޯސާއެއް ނުވާނެ. މިނިސްޓްރީގެ ފަރާތުން ކުރަންޖެހޭ ދީނީ ކަންކަންކަން ކުރެވޭ ވަރަށް އިސްލާމީ ވަޤުފު ފަންޑު މި ބިލްޑިނގތަކުގެ ސަބަބުން ހުންނާނީ ތަނަވަސްވެފައި," ވަޒީރު ވިދާޅުވި އެވެ.

މި ލިޔުން ކަމުދިޔަނަމަ، ލައިކެއް ދެއްވާ

ކޮމެންޓް ކުރޭ

ކޮމެންޓްތައް މޮޑަރޭޓް ކުރެވޭނެއެވެ.

ކޮމެންޓްސް

މިހާތަނަށް ކޮމެންޓެއް ނެތް

ގުޅޭ ލިޔުންތައް

އުމްރާއަށް ގެންދާނެ ކަމަށް ބުނެ އަސްކޮއެ ގުރޫޕުން 109 މީހަކަށް ލަނޑުދިން މައްސަލަ: ދައުވާކޮށްދޭން އެދިއްޖެ
22 Nov 2026 ހަބަރު

އުމްރާއަށް ގެންދާނެ ކަމަށް ބުނެ އަސްކޮއެ ގުރޫޕުން 109 މީހަކަށް ލަނޑުދިން މައްސަލަ: ދައުވާކޮށްދޭން އެދިއްޖެ

އެ ފައިސާގެ އަދަދު 2،660،300ރ (ދެމިލިއަން ހަލައްކަ ފަސްދޮޅަސް ހާސް ތިންސަތޭކަ ރުފިޔާ) އަށް އަރަ އެވެ.

ކަސްޓަމްސްގެ އޮޕަރޭޝަންތަކުގައި ސަވައިލަންސް ޑްރޯން އާއި ބޮޑީވޯން ކެމެރާ ބޭނުންކުރަން ފަށައިފި
22 Nov 2026 ހަބަރު

ކަސްޓަމްސްގެ އޮޕަރޭޝަންތަކުގައި ސަވައިލަންސް ޑްރޯން އާއި ބޮޑީވޯން ކެމެރާ ބޭނުންކުރަން ފަށައިފި

މި އޮޕަރޭޝަންތަކުގައި ބޭނުންކުރުމަށް ހަމަޖެހިފައިވާ ބޮޑީވޯން ކެމެރާއަކީ އެމެރިކާއިން ހަދިޔާކޮށްފައިވާ ވަސީލަތެކެވެ.

އެފްޑީސީއަށް ހުށަހެޅުނު މައްސަލަތަކުގެ 87 އިންސައްތަ ހައްލުކޮށްފި
22 Nov 2026 ހަބަރު

އެފްޑީސީއަށް ހުށަހެޅުނު މައްސަލަތަކުގެ 87 އިންސައްތަ ހައްލުކޮށްފި

ފަހި ދިރިއުޅުން ކޯޕަރޭޝަން (އެފްޑީސީ) އިން ހުޅުމާލޭގައި ތަރައްޤީކޮށްފައިވާ "އަމާން އުދަރެސް" އަދި "އަމާން ދޯދި" ޓަވަރުތަކުގައި ދިރިއުޅޭ ރައްޔިތުން ހުށަހެޅި ޝަކުވާތަކާއި މައްސަލަތަކުގެ 87 އިންސައްތަ ހައްލުކޮށްދީފިއެވެ.

ޝާހިދު ބަންދުކުރަން ކުރި އަމުރަށް ހައިކޯޓުން ތާއީދު ކޮށްފި
22 Nov 2026 ހަބަރު

ޝާހިދު ބަންދުކުރަން ކުރި އަމުރަށް ހައިކޯޓުން ތާއީދު ކޮށްފި

18 އަހަރުން ދަށުގެ ކުޑަކުއްޖަކަށް ޖިންސީ ގޯނާކުރިކަމުގެ ތުހުމަތުގައި، ދިވެހިރާއްޖޭގެ ކުރީގެ ފޮރިން މިނިސްޓަރު އަދި އެމްޑީޕީގެ ކުރީގެ ރައީސް އަބްދުﷲ ޝާހިދު ހައްޔަރުކުރުމަށް ކްރިމިނަލް ކޯޓުން ނެރުނު އަމުރަށް ހައިކޯޓުން ތާއީދު ކޮށްފިއެވެ.

ރާއްޖެއިން ފުރަތަމަ ފަހަރަށް "ރުފަސް-ޓެއިލްޑް ރޮކް ތުރަޝް" ދޫނި ފެނިއްޖެ
22 Nov 2026 ހަބަރު

ރާއްޖެއިން ފުރަތަމަ ފަހަރަށް "ރުފަސް-ޓެއިލްޑް ރޮކް ތުރަޝް" ދޫނި ފެނިއްޖެ

ދިވެހިރާއްޖެއިން މީގެ ކުރިން ދުވަހަކުވެސް ފެނިފައިނުވާ ދޫނީގެ ބާވަތެއް ކަމަށްވާ "ރުފަސް-ޓެއިލްޑް ރޮކް ތުރަޝް" މ. މުލި އިން ފެނިއްޖެއެވެ.

އަލިފާން ނިއްވުމާ ގުޅޭ އަސްކަރީ ތަމްރީންތަކެއް މާލެ ސަރަހައްދުގައި ފަށައިފި
22 Nov 2026 ހަބަރު

އަލިފާން ނިއްވުމާ ގުޅޭ އަސްކަރީ ތަމްރީންތަކެއް މާލެ ސަރަހައްދުގައި ފަށައިފި

ކުއްލި ނުރައްކަލުގެ ހާލަތްތަކުގައި އިދާރާތައް ގުޅިގެން ހަރަކާތްތެރިވުމުގެ ގާބިލުކަން އިތުރުކުރުމުގެ ގޮތުން، އެމްއެންޑީއެފުން މާލެ ސަރަހައްދުގައި ކުރިއަށްގެންދާ އަސްކަރީ ތަމްރީނުތަކުގެ ތެރެއިން އަލިފާން ނިއްވުމުގެ ހާއްސަ ހަރަކާތްތަކެއް މިއަދު ފަށައިފިއެވެ.

ދައުލަތުގެ އިމާރާތްތަކުގައި ހުޅުޖެހުމަށް ހިތްވަރުދިން ޒިހާންގެ ބަންދަށް އިތުރު 16 ދުވަސް
22 Nov 2026 ހަބަރު

ދައުލަތުގެ އިމާރާތްތަކުގައި ހުޅުޖެހުމަށް ހިތްވަރުދިން ޒިހާންގެ ބަންދަށް އިތުރު 16 ދުވަސް

ދައުލަތުގެ އިމާރާތްތަކުގައި ހުޅުޖެހުމަށް ހިތްވަރުދިން މައްސަލައިގައި ހައްޔަރުކޮށްފައިވާ ޒިހާން ހަސަންގެ ބަންދަށް އިތުރު 16 ދުވަސް ކޯޓުން ޖަހައި، ޖުމްލަ 45 ދުވަހަށް ބަންދުގެ މުއްދަތު އިތުރުވެއްޖެއެވެ.

ކީރިތި ޤުރްއާނާއި ބެހޭ ވަޤްފު ބިލްޑިން ދާރުއްނޫރު މަޝްރޫޢު އިފްތިތާޙްކޮށްފި
17 Nov 2026 ހަބަރު

ކީރިތި ޤުރްއާނާއި ބެހޭ ވަޤްފު ބިލްޑިން ދާރުއްނޫރު މަޝްރޫޢު އިފްތިތާޙްކޮށްފި

ކީރިތި ޤުރްއާނާއި ބެހޭ ވަޤްފު ބިލްޑިންގ 'ދާރުއްނޫރު' މަޝްރޫޢު އިފްތިތާޙްކޮށްފި އެވެ.