ކުޑަހުވަދޫ ބޮޑުއީދު ފުޓްސަލް ޗެލެންޖުގެ ފައިނަލުގެ ފަހު ޖާގަ ރުއްދަން ސްޕޯޓްސް އަށް

ދ. ކުޑަހުވަދޫ ބޮޑު ޢީދު ފުޓްސަލް ޗެލެންޖް 1447 ގެ ފައިނަލުގެ ފަހު ޖާގަ ރުއްދަން ސްޕޯޓްސްއިން ހޯދައިފިއެވެ.

މި މުބާރާތުގެ ފައިނަލުގެ ޖާގަ އެޓީމުން ކަށަވަރުކުރީ ރޭ ކުޅުނު ސެމީފައިނަލުގެ ދެވަނަ މެޗްގައި މައިދާން ސްޕޯޓްސް އާ ދެކޮޅަށް ކުޅުނުމެޗް ކާމިޔާބުކޮށްގެންނެވެ. މިމެޗް ރުއްދަން އިން ކާމިޔާބުކުރީ 2-3 ގެ ނަތީޖާއިންނެވެ.

ފޯރިގަދަ ކުޅުމެއް ފެނިގެންދިޔަ ސެމީ ފައިނަލް މި މެޗްގައި ދެ ޓީމުންވެސް ވާދަވެރި ކުޅުމެއް ވަނީ ފެނިގެން ގޮސްފައެވެ. މެޗްގައި ރުއްދަން އެސްސީ އިން ތިން ގޯލް ކާމިޔާބުކުރިއިރު، ހަސަން އިމްރާން ވަނީ ދެ ލަނޑު ޖަހާފައެވެ. ރުއްދަންގެ އަނެއްލަނޑު ޖަހައިދިނީ ހާރޫން އިބްރާހިމެވެ. މި މެޗުގެ މޮޅު ކުޅުންތެރިޔާގެ މަޤާމު ހޯދީ ހަސަން އިމްރާންއެވެ.

މައިދާނަށް ގޯލްތައް ޖަހައިދިނީ އަލީ އަޒްވާން އަދިި އަބްދުﷲ ޝަރުމަދެވެ. މުބާރާތުގެ ފައިނަލުގައި ރުއްދަން ނިކުންނާނީ ޑްރީމް އެފްސީއާ ދެކޮޅަށެވެ. މިމެޗް ކުޅުމަށް ތާވަލްކޮށްފައިވަނީ މާދަމާ ރޭ 21:00 ކުޑަހުވަދޫ ފުޓްސަލް ދަނޑުގައެވެ.