ހެރިސް ބަލި ގަބޫލުކުރައްވައިފި؛ ވިދާޅުވީ މިއީ އަދި ނިމުން ނޫން ކަމުގައި

އިއްޔެ ކުރިއަށްދިޔަ އެމެރިކާގެ ރިޔާސީ އިންތިހާބުގެ ނަތީޖާ ބޭނުންވާގޮތަށް ނުލިބުނު ނަމަވެސް އެ ނަތީހާ ގަބޫލުކުރައްވާކަމަށް ދަ ޑިމޮކްރެޓްސްގެ ފަރާތުން ވާދަކުރެއްވި އެގައުމުގެ ނައިބު ރައީސާ ކަމަލާ ހެރިސް ވިދާޅުވެއްޖެއެވެ.

މި އިންތިހާބުގައި އިދިކޮޅު ރިޕަބްލިކަން ކެންޑިޑޭޓް، ކުރީގެ ރައީސް ޑޮނަލްޑް ޓްރަމްޕަށް 295 އިލެކްޓޯރަލް ވޯޓު ލިބުނުއިރު ޑިމޮކްރެޓިކް ކެންޑިޑޭޓް ކަމަލާ ހެރިސްއަށް ލިބިވަޑައިގަތީ 226 އިލެކްޓޯރަލް ވޯޓެވެ.

އެގައުމުގެ ރިޔާސީ އިންތިހާބު ކާމިޔާކުރަން ބޭނުންވަނީ 270 އިލެކްޓޯރަލް ވޯޓު ބޭނުންވާއިރު، މި ނަތީޖާ އާއި އެކު ޓްރަމްޕް މި ވަނީ ދެވަނަ ފަހަރަށް އެގައުމުގެ ރައީސްކަން ކުރައްވާނެކަން ކަށަވަރުކޮށްފައެވެ.

ހެރިސް އެކަމަނާގެ ސަޕޯޓަރުންނާއި މުޚާތަބުކުރައްވާ ވިދާޅުވީ، އިންތިޚާބީ ރައީސް، ޓްރަމްޕަށް ގުޅައި މަރުހަބާ ވިދާޅުވިކަމަށާއި، ވެރިކަން ޓްރަމްޕާއި ހަވާލުކުރާއިރު، ވީހާވެސް ސުލްހަވެރިކަމާއިއެކު ކުރިއަށްގެންދާނެކަމުގެ ޔަގީންކަން އަރުވާފައިވާކަމަށެވެ.

މިއާއިއެކު ހެރިސް ބުނީ، މި އިންތިޚާބުގެ ބަލި ގަބޫލުކުރެއްވި ނަމަވެސް، އެކަމަނާގެ ކެމްޕޭނާއި ހިސާބަށް ވާސިލްވުމަށް ކުރި މަސައްކަތް ނުނިމޭކަމަށާއި، އެކަމުގެ ބަލި ގަބޫލުނުކުރައްވާކަމަށެވެ.

މިއާއިއެކު ހެރސް ވަނީ އަންހެނުންގެ ހައްގުތަކާއި ބަޑީގެ ހަމަލާތައް ދިނުމާއި ދެކޮޅަށް ވަކާލާތުކުރުމަށް އެކަމަނާގެ ސަޕޯޓަރުންނަށް ގޮވާލައްވާފައެވެ.