ރައީސް ޖަލްސާގައި ވާހަކަދައްކަވަނީ..
ރައީސް ޖަލްސާގައި ވާހަކަދައްކަވަނީ..
ހަބަރު 18 Apr 2026 | 21:37

މޮޅާ އެއްވަރަށް ނާކާމިޔާބީ ވެސް ލިބިއްޖެ، ހުރިހާ ކަމެއް ބަލައިގަނެ ދާނީ ކުރިއަށް: ރައީސް

ނިމިގެންދިޔަ އިންތިހާބުތަކުގައި މޮޅާ އެއްވަރަށް ނާކާމިޔާބީވެސް ލިބިއްޖެ ކަމަށާއި، ހުރިހާ ކަމެއް ބަލައިގަނެ ކުރިއަށް އޮތްތަނުގައިވެސް ދާނީ ކުރިއަށްކަމަށް ރައީސުލްޖުމްހޫރިއްޔާ ޑރ.މުހައްމަދު މުއިއްޒު ވިދާޅުވެއްޖެއެވެ.

ކައުންސިލް ތިންތިހާބާއި، އަންހެނުންގެ ތަރައްޤީއަށް މަސައްކަތްކުރާ ކޮމިޓީ އިންތިހާބުގައި ރަސްދޫ، އުކުޅަސް އަދި ތުއްޑޫއިން ވެރިކަންކުރާ ޕީއެންސީއަށް ލިބުނު ކާމިޔާބީ ފާހަގަކުރުމަށް މިރޭ ބޭއްވި ޖަލްސާގައި ވާހަކަދައްކަވަމުން ރައީސް ޑރ.މުއިއްޒު ވިދާޅުވީ، މިއީ ޕާޓީ ވަރުގަދަކޮށް ޕާޓީއާގެ ކުރިއަށްދާންވީ އެންމެ ރަނގަޅު ވަގުތު ކަމަށާއި، އަޅުގަނޑުމެންނަކީ އިހްލާސްތެރިކަމާއެކު ރައްޔިތުންނަށް ހިދުމަތްކުރަން ތިބި ބަޔަކަށް ވަނީކަމަ ދިމާވާ ކަންކަމުގެ ހަގީގަތް ގަބޫލުކުރަން ޖެހޭނެ ކަމަށެވެ.

ކުރިމަތިވާ ކަންކަމުން އަރައިގަތުމުގެ ހިތްވަރު ހުންނަން ޖެހޭނޭކަން ފާހަގަކުރައްވަމުން ރައީސް ވިދާޅުވީ، އެއްވެސް ކަމެއް ގަބޫލުނުކޮށް މުޅިން އިންތިހާބު އޮޅުވާލި ކަމަށް ހަދާ ލޯމަރާލާފަ ދިއުމަކީ އެއީ އެމަނިކްފާނު ކުރާނެ ކަމެއް ނޫންކަމަށެވެ. ނިމިގެންދިޔަ އިންތިހާބުގެ ނަތީޖާތަކަށް އިޝާރާތް ކުރައްވައި ރައީސް ޑރ.މުއިއްޒު ވިދާޅުވީ އިންތިހާބުގައި ލިބުނު މޮޅާ އެއްވަރަށް ނާކާމިޔާބީވެސް ލިބިއްޖެކަމަށެވެ. އެ ހުރިހާކަމެއް ޤަބޫލުކުރާ ހާލު ދާނީ ކުރިއަށްކަމަށް މި ޖަލްސާގައި ރައީސް ވިދާޅުވިއެވެ.

ވަރަށް މޮޅުވި، ވަރަށް ބޮޑެތި މޮޅުތައް ލިބިއްޖެ މި ދާއިރާ އާ މިކަހަލަ ބައެއް ދާއިރާތަކުން. އެހެންނަމަވެސް ވަރަށް ބޮޑެތި ނާކާމިޔާބީ ވެއްޖެ. އެހެންވީމާ ކާމިޔާބާ ނާކާމިޔާބީ ހިމެނޭ މި އިންތިހާބުގެ ރައްޔިތުންގެ ނިންމުން އަޅުގަނޑު ފުރިހަމައަށް ބަލައިގަންނަން. އަދި އެ ނާކާމިޔާބީތަކުން ޚާއްޞަކޮށް ފިލާވަޅު ލިބިގެން، ރައްޔިތުން އެ ވިދާޅުވާ ކަންކަން އިރާދަކުރެއްވިއްޔާ އިޞްލާޙު ކުރުމުގަ ކުރެވެން އޮތް ހުރިހާ ކަމެއް ކުރާނެ ވާހަކަ ދަންނަވަން

ރައީސް ޑރ.މުއިއްޒު

ރައީސް ވިދާޅުވީ އިންތިހާބުގެ ނަތީޖާ ކޮންމެ ގޮތަކަށް ނިކުތަސް ރައްޔިތުންނަށް ކޮށްދިނުމަށް ވީ ވައުދުތައް ފުއްދުމަށް ދާނީ ކުރިއަށްކަމަށާއި، އެކަންކަން ކުރުމަށް ރައްޔިތުންގެ އެއްބާރުލުން އެދޭކަމަށެވެ. ދެ އިންތިހާބު އެއްދުވަހެއްގައި ބޭއްވުމަށް ނެގި ވޯޓު ނާކާމިޔާބުވީ، އެކި ސަބަބުތަކާ ހެދިކަމަށާއި، އޭގެ ތެރޭގައި ޕީއެންސީގެ ފަރާތުން ރައްޔިތުންނަށް އެކަން ރަނގަޅަށް އޮޅުންފިލުވައި ދެވިފައިނުވުމަކީވެސް އެއް ކަންތައްކަމަށެވެ. މިއީ ލިބިގެންދިޔަ ރަނގަޅު ފިލާވަޅެއްކަމަށްވެސް ރައީސްގެ ވާހަކަފުޅުގައި ފާހަގަކުރެއްވިއެވެ.

ރައީސް ވިދާޅުވީ ކުރިއަށްއޮތީ ކާމިޔާބީތަކުންވެސް ފިލާވަޅު ލިބިގެން، އެ ކާމިޔާބީތައް ދެމެހެއްޓުމަށްޓަކައި އެ ކާމިޔާބީތައް އިތުރަށް އިތުރަށް ވަރުގަދަކޮށް ކުރިއަށް އޮތް ތަނަށް ވިސްނައިގެން ކުރިއަށްދިއުންކަމަށެވެ.

މި ލިޔުން ކަމުދިޔަނަމަ، ލައިކެއް ދެއްވާ

ކޮމެންޓް ކުރޭ

ކޮމެންޓްތައް މޮޑަރޭޓް ކުރެވޭނެއެވެ.

ކޮމެންޓްސް

މިހާތަނަށް ކޮމެންޓެއް ނެތް

ގުޅޭ ލިޔުންތައް

އުމްރާއަށް ގެންދާނެ ކަމަށް ބުނެ އަސްކޮއެ ގުރޫޕުން 109 މީހަކަށް ލަނޑުދިން މައްސަލަ: ދައުވާކޮށްދޭން އެދިއްޖެ
22 Nov 2026 ހަބަރު

އުމްރާއަށް ގެންދާނެ ކަމަށް ބުނެ އަސްކޮއެ ގުރޫޕުން 109 މީހަކަށް ލަނޑުދިން މައްސަލަ: ދައުވާކޮށްދޭން އެދިއްޖެ

އެ ފައިސާގެ އަދަދު 2،660،300ރ (ދެމިލިއަން ހަލައްކަ ފަސްދޮޅަސް ހާސް ތިންސަތޭކަ ރުފިޔާ) އަށް އަރަ އެވެ.

ކަސްޓަމްސްގެ އޮޕަރޭޝަންތަކުގައި ސަވައިލަންސް ޑްރޯން އާއި ބޮޑީވޯން ކެމެރާ ބޭނުންކުރަން ފަށައިފި
22 Nov 2026 ހަބަރު

ކަސްޓަމްސްގެ އޮޕަރޭޝަންތަކުގައި ސަވައިލަންސް ޑްރޯން އާއި ބޮޑީވޯން ކެމެރާ ބޭނުންކުރަން ފަށައިފި

މި އޮޕަރޭޝަންތަކުގައި ބޭނުންކުރުމަށް ހަމަޖެހިފައިވާ ބޮޑީވޯން ކެމެރާއަކީ އެމެރިކާއިން ހަދިޔާކޮށްފައިވާ ވަސީލަތެކެވެ.

އެފްޑީސީއަށް ހުށަހެޅުނު މައްސަލަތަކުގެ 87 އިންސައްތަ ހައްލުކޮށްފި
22 Nov 2026 ހަބަރު

އެފްޑީސީއަށް ހުށަހެޅުނު މައްސަލަތަކުގެ 87 އިންސައްތަ ހައްލުކޮށްފި

ފަހި ދިރިއުޅުން ކޯޕަރޭޝަން (އެފްޑީސީ) އިން ހުޅުމާލޭގައި ތަރައްޤީކޮށްފައިވާ "އަމާން އުދަރެސް" އަދި "އަމާން ދޯދި" ޓަވަރުތަކުގައި ދިރިއުޅޭ ރައްޔިތުން ހުށަހެޅި ޝަކުވާތަކާއި މައްސަލަތަކުގެ 87 އިންސައްތަ ހައްލުކޮށްދީފިއެވެ.

ޝާހިދު ބަންދުކުރަން ކުރި އަމުރަށް ހައިކޯޓުން ތާއީދު ކޮށްފި
22 Nov 2026 ހަބަރު

ޝާހިދު ބަންދުކުރަން ކުރި އަމުރަށް ހައިކޯޓުން ތާއީދު ކޮށްފި

18 އަހަރުން ދަށުގެ ކުޑަކުއްޖަކަށް ޖިންސީ ގޯނާކުރިކަމުގެ ތުހުމަތުގައި، ދިވެހިރާއްޖޭގެ ކުރީގެ ފޮރިން މިނިސްޓަރު އަދި އެމްޑީޕީގެ ކުރީގެ ރައީސް އަބްދުﷲ ޝާހިދު ހައްޔަރުކުރުމަށް ކްރިމިނަލް ކޯޓުން ނެރުނު އަމުރަށް ހައިކޯޓުން ތާއީދު ކޮށްފިއެވެ.

ރާއްޖެއިން ފުރަތަމަ ފަހަރަށް "ރުފަސް-ޓެއިލްޑް ރޮކް ތުރަޝް" ދޫނި ފެނިއްޖެ
22 Nov 2026 ހަބަރު

ރާއްޖެއިން ފުރަތަމަ ފަހަރަށް "ރުފަސް-ޓެއިލްޑް ރޮކް ތުރަޝް" ދޫނި ފެނިއްޖެ

ދިވެހިރާއްޖެއިން މީގެ ކުރިން ދުވަހަކުވެސް ފެނިފައިނުވާ ދޫނީގެ ބާވަތެއް ކަމަށްވާ "ރުފަސް-ޓެއިލްޑް ރޮކް ތުރަޝް" މ. މުލި އިން ފެނިއްޖެއެވެ.

އަލިފާން ނިއްވުމާ ގުޅޭ އަސްކަރީ ތަމްރީންތަކެއް މާލެ ސަރަހައްދުގައި ފަށައިފި
22 Nov 2026 ހަބަރު

އަލިފާން ނިއްވުމާ ގުޅޭ އަސްކަރީ ތަމްރީންތަކެއް މާލެ ސަރަހައްދުގައި ފަށައިފި

ކުއްލި ނުރައްކަލުގެ ހާލަތްތަކުގައި އިދާރާތައް ގުޅިގެން ހަރަކާތްތެރިވުމުގެ ގާބިލުކަން އިތުރުކުރުމުގެ ގޮތުން، އެމްއެންޑީއެފުން މާލެ ސަރަހައްދުގައި ކުރިއަށްގެންދާ އަސްކަރީ ތަމްރީނުތަކުގެ ތެރެއިން އަލިފާން ނިއްވުމުގެ ހާއްސަ ހަރަކާތްތަކެއް މިއަދު ފަށައިފިއެވެ.

ދައުލަތުގެ އިމާރާތްތަކުގައި ހުޅުޖެހުމަށް ހިތްވަރުދިން ޒިހާންގެ ބަންދަށް އިތުރު 16 ދުވަސް
22 Nov 2026 ހަބަރު

ދައުލަތުގެ އިމާރާތްތަކުގައި ހުޅުޖެހުމަށް ހިތްވަރުދިން ޒިހާންގެ ބަންދަށް އިތުރު 16 ދުވަސް

ދައުލަތުގެ އިމާރާތްތަކުގައި ހުޅުޖެހުމަށް ހިތްވަރުދިން މައްސަލައިގައި ހައްޔަރުކޮށްފައިވާ ޒިހާން ހަސަންގެ ބަންދަށް އިތުރު 16 ދުވަސް ކޯޓުން ޖަހައި، ޖުމްލަ 45 ދުވަހަށް ބަންދުގެ މުއްދަތު އިތުރުވެއްޖެއެވެ.

ދުންފަތް ކޮންޓްރޯލް ކުރުމާއި ޑިޖިޓަލް ރައްކާތެރިކަމުގެ ފިޔަވަޅުތަކަކީ ކުޑަކުދިންގެ ޙައްޤުގައި އެޅި މުހިންމު ފިޔަވަޅުތަކެއް: ރައީސް މުޢިއްޒު
20 Nov 2026 ހަބަރު

ދުންފަތް ކޮންޓްރޯލް ކުރުމާއި ޑިޖިޓަލް ރައްކާތެރިކަމުގެ ފިޔަވަޅުތަކަކީ ކުޑަކުދިންގެ ޙައްޤުގައި އެޅި މުހިންމު ފިޔަވަޅުތަކެއް: ރައީސް މުޢިއްޒު

ދުންފަތް ކޮންޓްރޯލް ކުރުމަށް ސަރުކާރުން ގެންނަ އިޞްލާޙުތަކާއި، ޑިޖިޓަލް ދުނިޔޭގައި ކުދިންގެ ރައްކާތެރިކަން ކަށަވަރުކުރުމަށް އަޅަމުންދާ ފިޔަވަޅުތަކަކީ، ކުޑަކުދިންގެ ދުޅަހެޔޮކަމަށް ކުރިމަތިވާ އާ ގޮންޖެހުންތަކުން އެކުދިން ސަލާމަތްކުރުމަށް ސަރުކާރުން ދޭ އަހައްމިއްޔަތުކަން ހާމަކޮށްދޭ ކަމެއް ކަމަށް ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ވިދާޅުވެއްޖެއެވެ.