އެމްޑީޕީ ކޮންގްރެސްގައި ޞާލިޙް ވާހަކަދައްކަވަނީ- ފޮޓޯ/ އެމްޑީޕީ
އެމްޑީޕީ ކޮންގްރެސްގައި ޞާލިޙް ވާހަކަދައްކަވަނީ- ފޮޓޯ/ އެމްޑީޕީ
ހަބަރު 02 Oct 2026 | 07:26

ރަސްމާލެ ޕްރޮޖެކްޓާ ގުޅިގެން ރައީސް ޞާލިޙް: އެފަދަ މަޝްރޫޢުއެއް ކުރިއަށް ދިއުމަށް އެމްޑީޕީ ސަރުކާރެއްގައި ޖާގަވެސް ދީގެން ނުވާނެ

ރައީސް ޑރ. މުޙައްމަދު މުޢިއްޒުގެ ސަރުކާރުން ކުރިއަށްގެންދާ ރަސްމާލެ (ފުށިދިއްގަރުފަޅު) މަޝްރޫޢަކީ ސިއްރު އެއްބަސްވުމެއްގެ ދަށުން ހިންގާ ކަމެއް ކަމަށާއި، ކުރިއަށް އޮތް ތަނުގައި އުފެދޭ އެމްޑީޕީގެ ސަރުކާރެއްގައި އެ މަޝްރޫޢު ކުރިއަށްގެންދަން އެއްވެސް ޖާގައެއް ދީގެން ނުވާނެ ކަމަށް ކުރީގެ ރައީސް އިބްރާހީމް މުޙައްމަދު ޞާލިޙް ވިދާޅުވެއްޖެއެވެ.

އެމަނިކުފާނު މިހެން ވިދާޅުވީ ރޭ ބޭއްވި އެމްޑީޕީގެ ކޮންގްރެސް ފެށުމުގެ ޖަލްސާގައި ވާހަކަފުޅު ދައްކަވަމުންނެވެ.

ރައީސް ޞާލިޙް ވިދާޅުވީ، މިހާރު އެންމެ ބާރަށް އިވެމުންދަނީ ފުށިދިއްގަރު ފަޅުން ބޮޑު ބައެއް ބޭރުގެ ބަޔަކަށް ހިލޭ ދޫކޮށްލާ ވާހަކަ ކަމަށެވެ. އެގޮތުން ފުށިދިއްގަރު ފަޅުން 1,150 ހެކްޓަރުގެ ބިން ހިއްކަނީ ދިވެހި ރައްޔިތުންގެ ފައިސާއިން ގާތްގަނޑަކަށް 700 މިލިއަން ޑޮލަރު ހޭދަކޮށްގެން ކަން އެމަނިކުފާނު ފާހަގަކުރެއްވިއެވެ.

"އޭގެ ތެރެއިން 500 ހެކްޓަރު، މުޅި މާލޭގެ ދެމާލެއެއްވަރު ބޮޑު ބިމެއް ހިލޭ ބޭރުގެ ބަޔަކަށް ދޭ ވާހަކަ އަޅުގަނޑުމެންނަށް މިހާރު މި އަޑުއިވެނީ. ސުވާލަކީ ރައްޔިތުންނަށް މީގެން ވަނީ ކޮން ފައިދާއެއްތޯ؟ ސަރުކާރަށް މީގެން ލިބެނީ ކޯޗެއްތޯ؟"

ރައީސް ޞާލިޙް
އެމްޑީޕީ ކޮންގްރެސްގައި ޞާލިޙް ވާހަކަދައްކަވަނީ- ފޮޓޯ/ ވޮއިސް

ޞާލިޙް ވިދާޅުވީ، އެމްޑީޕީން ފޮރިން އިންވެސްޓްމަންޓްތަކަށް އަދި އުސޫލުގެ ތެރެއިން ރެސިޑެންސް ވިސާ ދިނުމަކަށް ދެކޮޅު ނުހަދާ ކަމަށެވެ. ނަމަވެސް ސުވާލު އުފެދެނީ މި މަޝްރޫޢުގެ ތެރޭގައި ގިނަ ކަންތައްތަކެއް ސިއްރުވެފައި އޮތުމުން ކަމަށާއި، މި ސަރުކާރަށާއި އީގަލް ހިލްސް ކުންފުންޏަށް މިކަމުގެ މައުލޫމާތު ހާމަކުރުމަށް އެމްޑީޕީގެ މި ކޮންގްރެސްއިން ގޮވާލަންޖެހޭ ކަމަށް ވިދާޅުވިއެވެ.

މި ކޮންގްރެސްއިންމި ސަރުކާރަކަށް އީގަލް ހިލްސްއަށް ގޮވާލަންޖެހޭ މައުލޫމާތުތައް ހާމަކުރުމަށް. ސިއްރި އެއްބަސްވުމުގެ ދަށުން ހިންގާ އެއްވެސް ކަމަކަށް އަޅުގަނޑުމެން އާއެކޭއެއް ބުނެގެން ނުވާނެ.އަދި އެފަދަ މަސައްކަތެއް އަޅުގަނޑުމެންގެ ސަރުކާރެއްގައި ކުރިއަށް ގެންދިއުމަށް ޖާގައެއްވެސް ދީގެން ނުވާނެ.

ރައީސް ޞާލިޙް
އެމްޑީޕީ ކޮންގްރެސްގައި ޞާލިޙް ވާހަކަދައްކަވަނީ- ފޮޓޯ/ ވޮއިސް

ރައީސް ޞާލިޙް އިތުރަށް ވިދާޅުވީ މި ސަރުކާރުން ކުރާ ކަންކަމަކީ ރަނގަޅު ކަންތައްތަކެއްގެ ގޮތުގައި ދެއްކުމަށްޓަކައި ވ. ފޮއްތެޔޮފަޅު އެ ސަރުކާރުން ހިލޭ ދޫކޮށްލި ކަމަށް ބުނެ ވަޒީރަކު ވާހަކަދެއްކެވި ކަމަށެވެ. އެއަށް ރައްދުދެއްވަމުން އެމަނިކުފާނު ވިދާޅުވީ އެ އެއްބަސްވުމުގެ ދަށުން ސަރުކާރަށް 43 މިލިއަން ޑޮލަރު ލިބިފައިވާ ކަމަށެވެ. އަދި އިންވެސްޓަރުގެ އަމިއްލަ ޚަރަދުގައި ބިން ހިއްކައިގެން އެތަނުގައި ޑޮމެސްޓިކް އެއާޕޯޓެއް އެޅުމަށް ހަވާލުކުރީ، ރާއްޖޭގެ ކޮންމެ އަތޮޅަކަށް ވައިގެ މަގުން ދަތުރުކުރެވޭނެ ނިޒާމު ފުރިހަމަކުރުމުގެ ބޭނުމުގައި ކަމަށް ވިދާޅުވިއެވެ.

މީގެއިތުރުން، ނ. އަތޮޅުން އެމަނިކުފާނުގެ ސަރުކާރުގައި ފަޅެއް ދޫކުރީ އެޑްވާންސްގެ ގޮތުގައި ދައުލަތަށް 27 މިލިއަން ޑޮލަރު ލިބޭ ގޮތަށް ކަމަށާއި، ނަމަވެސް މި ސަރުކާރު ވެރިކަމާ ހަވާލުވުމަށްފަހު އެ ޕްރޮޖެކްޓް އެސްއީޒެޑް (ސްޕެޝަލް އިކޮނޮމިކް ޒޯން) ގެ ދަށަށް ބަދަލުކޮށްފައިވާ ކަމަށް ޞާލިޙް ފާހަގަކުރެއްވިއެވެ. އޭގެ ސަބަބުން ޓޫރިޒަމް ޤާނޫނުގެ ދަށުން ދައުލަތަށް ލިބެން އޮތް ބޮޑު އާމްދަނީ ގެއްލި، ހުރިހާ ޓެކްސްތަކަކުން ލުއިދީގެން ދައުލަތަށް ލިބެން އޮތް އެތައް ފައިސާއެއް މި ސަރުކާރުން ގެއްލުވާލާފައިވާ ކަމަށް ވިދާޅުވެ ރައީސް ޞާލިޙް ވަނީ ސަރުކާރަށް ވަރަށް ބޮޑަށް ފާޑުވިދާޅުވެފައެވެ.

މި ލިޔުން ކަމުދިޔަނަމަ، ލައިކެއް ދެއްވާ

ކޮމެންޓް ކުރޭ

ކޮމެންޓްތައް މޮޑަރޭޓް ކުރެވޭނެއެވެ.

ކޮމެންޓްސް

މިހާތަނަށް ކޮމެންޓެއް ނެތް

ގުޅޭ ލިޔުންތައް

އުމްރާއަށް ގެންދާނެ ކަމަށް ބުނެ އަސްކޮއެ ގުރޫޕުން 109 މީހަކަށް ލަނޑުދިން މައްސަލަ: ދައުވާކޮށްދޭން އެދިއްޖެ
22 Nov 2026 ހަބަރު

އުމްރާއަށް ގެންދާނެ ކަމަށް ބުނެ އަސްކޮއެ ގުރޫޕުން 109 މީހަކަށް ލަނޑުދިން މައްސަލަ: ދައުވާކޮށްދޭން އެދިއްޖެ

އެ ފައިސާގެ އަދަދު 2،660،300ރ (ދެމިލިއަން ހަލައްކަ ފަސްދޮޅަސް ހާސް ތިންސަތޭކަ ރުފިޔާ) އަށް އަރަ އެވެ.

ކަސްޓަމްސްގެ އޮޕަރޭޝަންތަކުގައި ސަވައިލަންސް ޑްރޯން އާއި ބޮޑީވޯން ކެމެރާ ބޭނުންކުރަން ފަށައިފި
22 Nov 2026 ހަބަރު

ކަސްޓަމްސްގެ އޮޕަރޭޝަންތަކުގައި ސަވައިލަންސް ޑްރޯން އާއި ބޮޑީވޯން ކެމެރާ ބޭނުންކުރަން ފަށައިފި

މި އޮޕަރޭޝަންތަކުގައި ބޭނުންކުރުމަށް ހަމަޖެހިފައިވާ ބޮޑީވޯން ކެމެރާއަކީ އެމެރިކާއިން ހަދިޔާކޮށްފައިވާ ވަސީލަތެކެވެ.

އެފްޑީސީއަށް ހުށަހެޅުނު މައްސަލަތަކުގެ 87 އިންސައްތަ ހައްލުކޮށްފި
22 Nov 2026 ހަބަރު

އެފްޑީސީއަށް ހުށަހެޅުނު މައްސަލަތަކުގެ 87 އިންސައްތަ ހައްލުކޮށްފި

ފަހި ދިރިއުޅުން ކޯޕަރޭޝަން (އެފްޑީސީ) އިން ހުޅުމާލޭގައި ތަރައްޤީކޮށްފައިވާ "އަމާން އުދަރެސް" އަދި "އަމާން ދޯދި" ޓަވަރުތަކުގައި ދިރިއުޅޭ ރައްޔިތުން ހުށަހެޅި ޝަކުވާތަކާއި މައްސަލަތަކުގެ 87 އިންސައްތަ ހައްލުކޮށްދީފިއެވެ.

ޝާހިދު ބަންދުކުރަން ކުރި އަމުރަށް ހައިކޯޓުން ތާއީދު ކޮށްފި
22 Nov 2026 ހަބަރު

ޝާހިދު ބަންދުކުރަން ކުރި އަމުރަށް ހައިކޯޓުން ތާއީދު ކޮށްފި

18 އަހަރުން ދަށުގެ ކުޑަކުއްޖަކަށް ޖިންސީ ގޯނާކުރިކަމުގެ ތުހުމަތުގައި، ދިވެހިރާއްޖޭގެ ކުރީގެ ފޮރިން މިނިސްޓަރު އަދި އެމްޑީޕީގެ ކުރީގެ ރައީސް އަބްދުﷲ ޝާހިދު ހައްޔަރުކުރުމަށް ކްރިމިނަލް ކޯޓުން ނެރުނު އަމުރަށް ހައިކޯޓުން ތާއީދު ކޮށްފިއެވެ.

ރާއްޖެއިން ފުރަތަމަ ފަހަރަށް "ރުފަސް-ޓެއިލްޑް ރޮކް ތުރަޝް" ދޫނި ފެނިއްޖެ
22 Nov 2026 ހަބަރު

ރާއްޖެއިން ފުރަތަމަ ފަހަރަށް "ރުފަސް-ޓެއިލްޑް ރޮކް ތުރަޝް" ދޫނި ފެނިއްޖެ

ދިވެހިރާއްޖެއިން މީގެ ކުރިން ދުވަހަކުވެސް ފެނިފައިނުވާ ދޫނީގެ ބާވަތެއް ކަމަށްވާ "ރުފަސް-ޓެއިލްޑް ރޮކް ތުރަޝް" މ. މުލި އިން ފެނިއްޖެއެވެ.

އަލިފާން ނިއްވުމާ ގުޅޭ އަސްކަރީ ތަމްރީންތަކެއް މާލެ ސަރަހައްދުގައި ފަށައިފި
22 Nov 2026 ހަބަރު

އަލިފާން ނިއްވުމާ ގުޅޭ އަސްކަރީ ތަމްރީންތަކެއް މާލެ ސަރަހައްދުގައި ފަށައިފި

ކުއްލި ނުރައްކަލުގެ ހާލަތްތަކުގައި އިދާރާތައް ގުޅިގެން ހަރަކާތްތެރިވުމުގެ ގާބިލުކަން އިތުރުކުރުމުގެ ގޮތުން، އެމްއެންޑީއެފުން މާލެ ސަރަހައްދުގައި ކުރިއަށްގެންދާ އަސްކަރީ ތަމްރީނުތަކުގެ ތެރެއިން އަލިފާން ނިއްވުމުގެ ހާއްސަ ހަރަކާތްތަކެއް މިއަދު ފަށައިފިއެވެ.

ދައުލަތުގެ އިމާރާތްތަކުގައި ހުޅުޖެހުމަށް ހިތްވަރުދިން ޒިހާންގެ ބަންދަށް އިތުރު 16 ދުވަސް
22 Nov 2026 ހަބަރު

ދައުލަތުގެ އިމާރާތްތަކުގައި ހުޅުޖެހުމަށް ހިތްވަރުދިން ޒިހާންގެ ބަންދަށް އިތުރު 16 ދުވަސް

ދައުލަތުގެ އިމާރާތްތަކުގައި ހުޅުޖެހުމަށް ހިތްވަރުދިން މައްސަލައިގައި ހައްޔަރުކޮށްފައިވާ ޒިހާން ހަސަންގެ ބަންދަށް އިތުރު 16 ދުވަސް ކޯޓުން ޖަހައި، ޖުމްލަ 45 ދުވަހަށް ބަންދުގެ މުއްދަތު އިތުރުވެއްޖެއެވެ.

ހަމައެކަނި ވެރިން ކޮޓަރި ކޮޓަރީގަ ތިއްބަވައިގެން ނިންމަވާ ކަންކަން ކުރިޔަށް ނުގެންދެވޭނޭކަން މި ދަނީ ފެންނަމުން: ރައީސް ނަޝީދު
21 Nov 2026 ހަބަރު

ހަމައެކަނި ވެރިން ކޮޓަރި ކޮޓަރީގަ ތިއްބަވައިގެން ނިންމަވާ ކަންކަން ކުރިޔަށް ނުގެންދެވޭނޭކަން މި ދަނީ ފެންނަމުން: ރައީސް ނަޝީދު

ރައީސް ނަޝީދު ވިދާޅުވި ގޮތުގައި އެންމެ ބޮޑު އެއް ކަންބޮޑުވުމަކީ ފުށިދިއްގަރުފަޅުގައި ސަރުކާރުން ހިންގަން ރާވާފައިވާ މަޝްރޫޢާ ގުޅޭގޮތުން ރައްޔިތުންނަށް އެއްވެސް މައުލޫމާތެއް ނުލިބި، އެކަން ދެފުށް ނުފެންނަ ގޮތަށް ހިނގަމުންދިއުމެވެ