”ބޮޑު ބަދަލު" އޮފީސް އުފައްދައިފި، ވެރިއަކީ ހަސަން ލަތީފް

ދިވެހި ރައްޔިތުންގެ ޑިމޮކްރެޓިކް ޕާޓީ (އެމްޑީޕީ) ގެ "ބޮޑު ބަދަލު" އޮފީސް އެ ޕާޓީގެ ގައުމީ ސެކްރެޓޭރިއަޓުގައި މިއަދު އުފައްދައިފިއެވެ.

އެމްޑީޕީން ކުރި އިއުލާނެއްގައި ބުނެފައިވަނީ މި އޮފީހަކީ 2026 ވަނަ އަހަރު ބޭއްވުނު އެ ޕާޓީގެ 4 ވަނަ ދައުރުގެ 35 ވަނަ ގައުމީ މަޖިލީހުގެ ޖަލްސާގައި ރިޔާސަތުން ހުށަހަޅުއްވައި، މެންބަރުންގެ އަޣުލަބިއްޔަތުން ފާސްކޮށްފައިވާ ނިންމުމަކަށް އަމަލުކުރުމުގެ ގޮތުން ގާއިމުކުރި އޮފީހެއް ކަމަށެވެ.

މި އޮފީހުގެ އެންމެ އިސްވެރިއެއްގެ ގޮތުން "ޑައިރެކްޓަރ ޖެނެރަލް" ގެ މަގާމަށް އައްޔަންކުރައްވާފައިވަނީ ޙަސަން ލަޠީފެވެ.

"ބޮޑު ބަދަލު" އަކީ ކުރީގެ ރައީސް އަދި މިހާރު އެމްޑީޕީގެ ޗެއާޕާސަން މުޙައްމަދު ނަޝީދާއި ކުރީގެ އިކޮނޮމިކް މިނިސްޓަރު ފައްޔާޒް އިސްމާއީލް އިސްވެ ތިއްބަވައިގެން އެކުލަވާލާފައިވާ މެނިފެސްޓޯއެކެވެ.

އެ މެނިފެސްޓޯގެ ދަށުން ގާނޫނު އަސާސީ އަށާއި ވެރިކަމުގެ ނިޒާމަށް ބަދަލުތަކެއް ގެންނަން ވަނީ ހުށަހަޅާފައެވެ. އެ ގޮތުން ދައުލަތާއި ސަރުކާރު ވަކިކުރުން ހިމެނެއެވެ.

އެމްޑީޕީ ޗެއާޕާސަން ކަމުގެ ކެންޕެއިން ވެސް ރައީސް ނަޝީދު ކުރެއްވީ "ބޮޑު ބަދަލު" ސްލޯގަންގެ ދަށުންނެވެ.