6 ބައި-އިލެކްޝަންގެ ވޯޓުލުން މިއަދު ފަށައިފި
މ.މަޑުއްވަރީ ކައުންސިލްގެ ރައީސާއި 3 ރަށެއްގެ ކައުންސިލެއްގެ މެންބަރާއި 2 ރަށެއްގެ ކައުންސިލެއްގެ އަންހެން މެންބަރު އިންތިޚާބުކުރުމަށް ބާއްވާ 6 ބައި-އިލެކްޝަންގެ ވޯޓުލުން މިއަދު ފަށައިފިއެވެ.
މި އިންތިހާބުގައި، މ.މަޑުއްވަރީ ކައުންސިލްގެ ރައީސާއި ހއ. އުތީމާއި، ނ.ލަންދޫއާއި، ނ. ވެލިދޫ ކައުންސިލް މެމްބަރުގެ އިތުރުން ހއ. ތަކަންދޫއާއި، ރ. އިންނަމާދޫ ކައުންސިލްގެ އަންހެން މެންބަރު ހޮވުމަށް ވަނީ ހަމަޖެހިފައެވެ.
މި ބައި-އިލެކްޝަންތަކަށް ޖުމްލަ 11 ވޯޓްފޮށި ބަހައްޓާފައިވާއިރު، އޭގެ ތެރޭގައި މާލޭގައި ވޯޓުލުމަށް ދަރުބާރުގޭގައި 3 ފޮށި ބަހައްޓާފައިވާއިރު، ނ.ވެލިދޫގައި 3 ފޮށި އަދި ބާކީ ހުރި 5 ރަށުގައި 1 ވޯޓްފޮށި ވަނީ ބަހައްޓާފައެވެ.
5،267 މީހަކަށް ވޯޓުލުމުގެ ޙައްޤު ލިބޭ މި ބައި-އިލެކްޝަންތައް މިއަދު ހެނދުނު 8 ޖެހިއިރު ފަށާފައިވާއިރު، އިލެކްޝަން ކޮމިޝަން (އީސީ) އިން ބުނީ މިއަދު ހަވީރު 4 ޖެހުމާ ހަމައަށް ވޯޓް ލެވޭނެ ކަމަށެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
