ނަޝީދު، ޕްރައިމަރީގައިވެސް ރިޔާސީ އިންތިހާބުގައިވެސް ވާދައެއް ނުކުރައްވާނެ: ހަސަން
ކުރީގެ ރައީސް މުހައްމަދު ނަޝީދު، އެމްޑީޕީގެ ރިޔާސީ ޕްރައިމަރީގައިވެސް އަދި 2028 ގެ ރިޔާސީ އިންތިހާބުގައި ވެސް ވާދަ ނުކުރައްވާނެ ކަމަށް, ނަޝީދުގެ ސަރުކާރުގައި ޔޫތު މިނިސްޓަރުކަން ކުރެއްވި ހަސަން ލަތީފް ވިދާޅުވެއްޖެ އެވެ.
އަދަދު ނޫހުގެ ޕްރަގްރާމެއްގައި ވާހަކަ ދައްކަވަމުން ހަސަން ވިދާޅުވީ އެމްޑީޕީގެ ރިޔާސީ ޕްރައިމަރީގައިވެސް އަދި 2028 ގެ ރިޔާސީ އިންތިހާބުގައި ވެސް ވާދަ ނުކުރައްވާނެ ކަމުގެ ޔަގީންކަން އެބައޮތް ކަމަށެވެ. ތަކުރާރުކޮށް އެހެން ވިދާޅުވި އެވެ.
ވިދާޅުވީ އޭނާ ދަންނަ ރައީސް ނަޝީދެއް މި ފަހަރުގެ ރިޔާސީ ރޭހަށް ނިކުމެވަޑައިނުގަންނަވާނެ ކަމަށެވެ.
"އަޅުގަނޑު ދަންނަ ރައީސް ނަޝީދެއް މި ފަހަރު ރިޔާސީ އިންތިހާބުގައި ވާދަކުރައްވާކަށް ޕްރައިމަރީއަކަށް ނުނިކުންނަވާނެ," ހަސަން ވިދާޅުވި އެވެ.
އަދި ނަޝީދުގެ ތާއީދު އޮތް އެމްޑީޕީގެ ކުރީގެ ޗެއާޕާސަނަށް "ލަނޑެއް" ދެއްވާފާނެ ކަމަށް ގަބޫލުނުކުރައްވާ ކަމަށް ވެސް ވިދާޅުވި އެވެ.
އެމްޑީޕީގެ ރިޔާސީ ޕްރައިމަރީގެ ފޯރި ވަނީ ގަދަވެފަ އެވެ. ޕްރައިމަރީއަށް އެމްޑީޕީގެ ކުރީގެ ރައީސް ޝާހިދާއި ކުރީގެ ރައީސް ސޯލިހާއި ކުރީގެ ޗެއާޕާސަން ފައްޔާޒު ވަނީ ޝައުގުވެރިކަން ފާޅުކުރައްވާފަ އެވެ. އަދި ކުރީގެ ނާއިބު ރައީސް ފައިސަލް އާއި މޭޔަރު އާޒިމްގެ ޝައުގުވެރިކަން ވެސް އޮތް ކަމަށް ވެ އެވެ. ފައިސަލް ވަނީ އެ މޭރުމުން ވާހަކަ ދައްކަވާފަ އެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
