މާފަންނު މެދު ދާއިރާގެ މެންބަރު އިބްރާހިމް ރަޝީދު: ފޮޓޯ/ މަޖިލިސް
މާފަންނު މެދު ދާއިރާގެ މެންބަރު އިބްރާހިމް ރަޝީދު: ފޮޓޯ/ މަޖިލިސް
ހަބަރު 29 Apr 2024 | 10:47

އިބްރާހިމް ރަޝީދު ރައްޔިތުންނަށް: 20 ވަނަ މަޖިލީހަށް ހޮވީ ވެލްފެއަރ އޮފިސަރުންތަކެއް، ގާނޫނު ހަދާނެ މީހެއް ނުހޮވި

ކުރިއަށް އޮތް 20 ވަނަ ރައްޔިތުންގެ މަޖިލީހަށް ހޮވާފައި ތިބީ ވެލް ފެއަރ އޮފިސަރުން ކަމަށާ، ގާނޫނު ހަދާނެ މީހަކު ހޮވާފައި ނުވާ ކަމަށް ބުނެ މާފަންނު މެދު ދާއިރާގެ މެންބަރު އިބްރާހިމް ރަޝީދު (ބޮންޑެ)ގެ ނުރުހުން އަނެއްކާވެސް ރައްޔިތުންނަށް އަމާޒުކުރައްވައިފިއެވެ.

ރައްޔިތުންގެ މަޖިލީހުގެ މިއަދުގެ ޖަލްސާއަށް ސަރުކާރުގެ ފަރާތުން ހުށަހަޅާފައިވާ ކޮޕީރައިޓް ގާނޫނަށް އިސްލާހު ހުށަހެޅުމުގެ ބިލަށް ބަހުސް ކުރައްވަމުން ބޮންޑެ ވިދާޅުވީ އެ ގާނޫނު ހަދާފައި ވީ ނަމަވެސް ގާނޫނު ތަންފީޒު ނުކުރެވޭ ކަމަށެވެ.

ބޮންޑެ ވިދާޅުވީ ގާނޫނެއް ހެދުމަށްފަހު އެ ގާނޫނު ތަންފީޒު ކުރުމަށް ސަރުކާރުން މަސައްކަތް ކުރަންޖެހޭނެ ކަމަށާ، އަދި ގާނޫނާއިމެދު ރައްޔިތުން ހޭލުންތެރި ކުރުމަށް ސަރުކާރާއި ކަމާ ބެހޭ މުވައްސަސާތަކުން މަސައްކަތް ކުރަންޖެހޭނެ ކަމަށެވެ.

އެއާއެކު ދިވެހި ރައްޔިތުންގެ ހޭލުންތެރިކަން ކުޑަކަން ފާހަގަ ކުރައްވައި އޭނާ ވަނީ 20 ވަނަ މަޖިލީހަށް ހޮވާފައި ތިބި މެންބަރުންގެ ގޮތުންވެސް އެކަން އެނގޭ ކަމަށް ވިދާޅުވެފައެވެ.

ގާނޫނަށް (ރައްޔިތުންގެ) ހޭލުންތެރިކަން ހުރި މިންވަރަކީ، މިފަހަރު ރައްޔިތުންގެ މަޖިލީހުގެ މެނބަރުންނަށް ހޮވީ ވެލްފެއަރ އޮފިސަރުން. އެއްގޮތަކަށްވެސް ރައްޔިތުންގެ މަޖިލީހަށް ގާނޫނު ހަދާނެ މެންބަރަކު ނުހޮވާ. އެއީ ގުޅާލީމާ ވަގުތުން ހޮޓް ލައިންތައްވެސް އެހުރީ ހަދާފައި މިހާރު. ހޮޓްލައިން ހަދާފައި އެހުރީ އިސްލާމިކް މިނިސްޓްރީގަވެސް. ޒަކާތު ފަނޑުގަވެސް. މިކަހަލަ ގޮތަކަށް ވެލްފެއަރ އޮފިސަރުން މިތިބީ މިފަހަރު މަޖިލީހަށް އައިސްފައި. ޕާލަމެންޓެއް ނެތް މިހާރު. ސަރުކާރާ ޕާލަމެންޓާ އެއްވީމާ ދެން ތިބޭނީ ވެލްފެއަރ އޮފިސަރުން.

އިބްރާހިމް ރަޝީދު (ބޮންޑެ)

މަޖިލީހަށް ވެލްފެއަރ އޮފިސަރުން ހޮވި ކަމަށް ބުނެ ބޮންޑެގެ ނުރުހުން ރައްޔިތުންނަށް މިއަދު އަމާޒު ކުރެއްވި އިރު، އެންމެ ފަހުން ވޭއްވުނު މަޖިލީހުގެ ޖަލްސާގައުވެސް އޭނާ ވަނީ، މި ނިމޭ 19ވަނަ ރައްޔިތުންގެ މަޖިލީހުގައި އިޚުލާސްތެރިކަމާއެކު ބުރަ މަސައްކަތް ކުރުމަށްފަހު އިތުރު ދައުރަކަށް ކުރިމަތިލެއްވީމާ އެ މެމްބަރުންގެ މޫނުފުޅުމަތީ ރައްޔިތުން ޖެހީ ތަފާއްޔަކުން ކަމަށް ވިދާޅުވެ، މެމްބަރުން އިންތިޚާބުކުރުމުގައި ރައްޔިތުން އަމަލުކުރި ގޮތާމެދު ނުރުހުން ފާޅުކުރައްވާފައެވެ.

ބޮންޑޭ ވަނީ މި ފަހަރު ވެސް މާފަންނު މެދަށް ރައްޔިތުންގެ މަޖިލިސް އިންތިޚާބުގައި ވާދަކުރައްވާފައެވެ. އެގޮތުން ދަ ޑިމޮކްރެޓްސްގެ ޓިކެޓުގައި ބޮންޑޭ ވާދަކުރެއްވިއިރު، އޭނާއަށް އިންތިޚާބުގައި ކުރިމަތިވެވަޑައިގަތީ ނާކާމިޔާބާއެވެ.

މާފަންނު މެދު ދާއިރާއަށް ހޮވުނީ ސަރުކާރު ހިންގާ މައި ޕާޓީ ޕީއެންސީގެ ކެންޑިޑޭޓު އަސްމާ ރަޝީދު (އަސްމާއްތަ) އެވެ.

މި ލިޔުން ކަމުދިޔަނަމަ، ލައިކެއް ދެއްވާ

ކޮމެންޓް ކުރޭ

ކޮމެންޓްތައް މޮޑަރޭޓް ކުރެވޭނެއެވެ.

ކޮމެންޓްސް

މިހާތަނަށް ކޮމެންޓެއް ނެތް

ގުޅޭ ލިޔުންތައް

އުމްރާއަށް ގެންދާނެ ކަމަށް ބުނެ އަސްކޮއެ ގުރޫޕުން 109 މީހަކަށް ލަނޑުދިން މައްސަލަ: ދައުވާކޮށްދޭން އެދިއްޖެ
22 Nov 2026 ހަބަރު

އުމްރާއަށް ގެންދާނެ ކަމަށް ބުނެ އަސްކޮއެ ގުރޫޕުން 109 މީހަކަށް ލަނޑުދިން މައްސަލަ: ދައުވާކޮށްދޭން އެދިއްޖެ

އެ ފައިސާގެ އަދަދު 2،660،300ރ (ދެމިލިއަން ހަލައްކަ ފަސްދޮޅަސް ހާސް ތިންސަތޭކަ ރުފިޔާ) އަށް އަރަ އެވެ.

ކަސްޓަމްސްގެ އޮޕަރޭޝަންތަކުގައި ސަވައިލަންސް ޑްރޯން އާއި ބޮޑީވޯން ކެމެރާ ބޭނުންކުރަން ފަށައިފި
22 Nov 2026 ހަބަރު

ކަސްޓަމްސްގެ އޮޕަރޭޝަންތަކުގައި ސަވައިލަންސް ޑްރޯން އާއި ބޮޑީވޯން ކެމެރާ ބޭނުންކުރަން ފަށައިފި

މި އޮޕަރޭޝަންތަކުގައި ބޭނުންކުރުމަށް ހަމަޖެހިފައިވާ ބޮޑީވޯން ކެމެރާއަކީ އެމެރިކާއިން ހަދިޔާކޮށްފައިވާ ވަސީލަތެކެވެ.

އެފްޑީސީއަށް ހުށަހެޅުނު މައްސަލަތަކުގެ 87 އިންސައްތަ ހައްލުކޮށްފި
22 Nov 2026 ހަބަރު

އެފްޑީސީއަށް ހުށަހެޅުނު މައްސަލަތަކުގެ 87 އިންސައްތަ ހައްލުކޮށްފި

ފަހި ދިރިއުޅުން ކޯޕަރޭޝަން (އެފްޑީސީ) އިން ހުޅުމާލޭގައި ތަރައްޤީކޮށްފައިވާ "އަމާން އުދަރެސް" އަދި "އަމާން ދޯދި" ޓަވަރުތަކުގައި ދިރިއުޅޭ ރައްޔިތުން ހުށަހެޅި ޝަކުވާތަކާއި މައްސަލަތަކުގެ 87 އިންސައްތަ ހައްލުކޮށްދީފިއެވެ.

ޝާހިދު ބަންދުކުރަން ކުރި އަމުރަށް ހައިކޯޓުން ތާއީދު ކޮށްފި
22 Nov 2026 ހަބަރު

ޝާހިދު ބަންދުކުރަން ކުރި އަމުރަށް ހައިކޯޓުން ތާއީދު ކޮށްފި

18 އަހަރުން ދަށުގެ ކުޑަކުއްޖަކަށް ޖިންސީ ގޯނާކުރިކަމުގެ ތުހުމަތުގައި، ދިވެހިރާއްޖޭގެ ކުރީގެ ފޮރިން މިނިސްޓަރު އަދި އެމްޑީޕީގެ ކުރީގެ ރައީސް އަބްދުﷲ ޝާހިދު ހައްޔަރުކުރުމަށް ކްރިމިނަލް ކޯޓުން ނެރުނު އަމުރަށް ހައިކޯޓުން ތާއީދު ކޮށްފިއެވެ.

ރާއްޖެއިން ފުރަތަމަ ފަހަރަށް "ރުފަސް-ޓެއިލްޑް ރޮކް ތުރަޝް" ދޫނި ފެނިއްޖެ
22 Nov 2026 ހަބަރު

ރާއްޖެއިން ފުރަތަމަ ފަހަރަށް "ރުފަސް-ޓެއިލްޑް ރޮކް ތުރަޝް" ދޫނި ފެނިއްޖެ

ދިވެހިރާއްޖެއިން މީގެ ކުރިން ދުވަހަކުވެސް ފެނިފައިނުވާ ދޫނީގެ ބާވަތެއް ކަމަށްވާ "ރުފަސް-ޓެއިލްޑް ރޮކް ތުރަޝް" މ. މުލި އިން ފެނިއްޖެއެވެ.

އަލިފާން ނިއްވުމާ ގުޅޭ އަސްކަރީ ތަމްރީންތަކެއް މާލެ ސަރަހައްދުގައި ފަށައިފި
22 Nov 2026 ހަބަރު

އަލިފާން ނިއްވުމާ ގުޅޭ އަސްކަރީ ތަމްރީންތަކެއް މާލެ ސަރަހައްދުގައި ފަށައިފި

ކުއްލި ނުރައްކަލުގެ ހާލަތްތަކުގައި އިދާރާތައް ގުޅިގެން ހަރަކާތްތެރިވުމުގެ ގާބިލުކަން އިތުރުކުރުމުގެ ގޮތުން، އެމްއެންޑީއެފުން މާލެ ސަރަހައްދުގައި ކުރިއަށްގެންދާ އަސްކަރީ ތަމްރީނުތަކުގެ ތެރެއިން އަލިފާން ނިއްވުމުގެ ހާއްސަ ހަރަކާތްތަކެއް މިއަދު ފަށައިފިއެވެ.

ދައުލަތުގެ އިމާރާތްތަކުގައި ހުޅުޖެހުމަށް ހިތްވަރުދިން ޒިހާންގެ ބަންދަށް އިތުރު 16 ދުވަސް
22 Nov 2026 ހަބަރު

ދައުލަތުގެ އިމާރާތްތަކުގައި ހުޅުޖެހުމަށް ހިތްވަރުދިން ޒިހާންގެ ބަންދަށް އިތުރު 16 ދުވަސް

ދައުލަތުގެ އިމާރާތްތަކުގައި ހުޅުޖެހުމަށް ހިތްވަރުދިން މައްސަލައިގައި ހައްޔަރުކޮށްފައިވާ ޒިހާން ހަސަންގެ ބަންދަށް އިތުރު 16 ދުވަސް ކޯޓުން ޖަހައި، ޖުމްލަ 45 ދުވަހަށް ބަންދުގެ މުއްދަތު އިތުރުވެއްޖެއެވެ.

ޓެކުހާއި ގުޅޭ ތިން ބިލެއް ރައީސް ތަސްދީގު ކުރައްވައިފި
20 Nov 2026 ހަބަރު

ޓެކުހާއި ގުޅޭ ތިން ބިލެއް ރައީސް ތަސްދީގު ކުރައްވައިފި

ޓެކުހާއި ގުޅޭ ތިން ބިލެއް ރައީސް ވަނީ ތަސްދީގު ކުރައްވައިފަ އެވެ.