ޢީދު ފާހަގަކުރަން މިރޭ ވިލިމާލެ ބޭރުގައި ހަވާއަރުވަނީ

އަޟްހާ ޢީދު ފާހަގަކުރުމަށް މިރޭ ހަވާ އެރުވުމަށް ނިންމާފައިވާކަމަށް މޯލްޑިވްސް ނެޝަނަލް ޑިފެންސް ފޯސް އެމްއެންޑިއެފުން ބުނެފިއެވެ.

އެމްއެންޑީއެފުން ބުނީ، މިރޭ ހަވާ އެރުވުމަށް ހަމަޖެހިފައިވަނީ ވިލިމާލެ ބޭރާ ދިމާލުންކަމަށެވެ. ހަވާ އަރުވާނީ، 21:15 އާއި 22:15 އާ ދެމެދުގެ ވަގުތެއްގައެވެ. ހަވާ އެރުވުން ކުރިއަށްދާނީ ގާތްގަނޑަކަށް 5 މިނެޓެއް ހާއިރުކަމަށްވެސް އެމްއެންޑީއެފުން ބުންޏެވެ.

ތަފާތު އެކި މުނާށަބަތްތައް ފާހަގަކުރުމަށް ރާއްޖޭގެ އެކި ސަރަހައްދުތަކުގައި ހަވާ އަރުވައެވެ. މީގެ ތެރޭގައި ޤައުމީ އެކި މުނާސަބަތްތަކާއި އަމިއްލަ ފަރާތްތަކުގެ އެކިއެކި މުނާސަބާތައް ހިމެނެއެވެ.

އީދު ފާހަގަކުރުމުގެ ގޮތުން މިރޭ ހަވާއެރުވުމަށް ހަމަޖެހިފައިވާއިރު، އީދު ފާހަގަކުރުމުގެ ގޮތުން މާލެ އާއި އަތޮޅުގެ ރަށްތަކުގައި ކުޅިވަރުތައް ކުރިއަށްދާކަން ފާހަގަކޮށްލެވެއެވެ.