މިރޭގެ ޖަލްސާގައި ރައީސް މައުމޫން ތަގުރީރު ކުރައްވަނީ
މިރޭގެ ޖަލްސާގައި ރައީސް މައުމޫން ތަގުރީރު ކުރައްވަނީ
ހަބަރު 04 Mar 2026 | 02:09

އެމެރިކާއާ އިޒްރޭލްގެ އަމަލަކީ ފިނޑިކަމުގެ އެންމެ ފިނޑި އަމަލެއް: މައުމޫން

އިސްލާމިކް ރިޕަބްލިކް އޮފް އީރާނަށް ހަމަލާދީ އެ ގައުމުގެ އެންމެ އިސް ލީޑަރު ޝަހީދުކޮށްލާ އިޒްރޭލާއި އެމެރިކާއިން ހިންގި އަމަލުތަކަކީ ފިނޑިކަމުގެ ކޮޅެއްވެސް ނެތްހާ ފިނޑި އަމަލުތަކެއް ކަމަށް ކުރީގެ ރައީސް އަދި ދީނީ އިލްމުވެރިޔާ އަލްއުސްތާޛު މައުމޫން އަބްދުލްގައްޔޫމް ވިދާޅުވެއްޖެ އެވެ.

ރައީސް މައުމޫން މިހެން ވިދާޅުވީ އެމަނިކުފާނު އުފައްދަވާފައިވާ "މައުމޫން ފައުންޑޭޝަން" ގެ އިހްޔާ ސިލްސިލާގައި މިރޭ އޮތް ޖަލްސާގައި ވާހަކަފުޅު ދައްކަވަމުންނެވެ. "މުއުމިނުންނަކީ އަޚުންތަކެއް" މި މައުލޫއަށް އެމަނިކުފާނު ދެއްވި ތަޤުރީރުގައި ވިދާޅުވީ އެމެރިކާއާ އިޒްރޭލް ގުޅިގެން އީރާންގެ އެންމެ އިސް ލީޑަރު ޝަހީދުކޮށްލެއްވީ އެމަނިކުފާނުގެ އޮފީސްކޮޅުގައި މަސައްކަތްޕުޅުގައި އިންނަވަނިކޮށެވެ.

މިރޭގެ ޖަލްސާގައި ރައީސް މައުމޫން ތަގުރީރު ކުރައްވަނީ --

މިއީ ވަރަށް ނާތަހުޒީބު އަދި އެހާމެ ފިނޑި އަމަލެއް ކަމުގައި ވިދާޅުވި އެވެ.

"މިހާރު މިހިނގަމުންދާ ކަންތައްތަކަކީ [އިޒްރޭލާއި އެމެރިކާއިން އީރާނަށް ހަމަލާ ދިނުމަކީ] ފިނޑި އަމަލުތަކެއް. ފިނޑިކަމުގެ ކޮޅެއްވެސް ނެތް އަމަލުތަކެއް. ބޮޑެތި ގައުމުތަކުގެ ވެރީން ރައްކާތެރި ތަންތާންގައި ނިދާފައި ތިބެގެން މި ފޮނުވަނީ އެކިކަހަލަ ރޮކެޓްތަކާއި އަދިވެސް އެނޫންވެސް ނުރައްކާތެރި ހަތިޔާރުތައް ފޮނުވައިގެން އެހެން މީހުން ނިދާފައި ތިއްބާ ނުވަތަ މަސައްކަތުގައި ތިއްބާ މި މަރަނީ. މިއީ ވަރަށް ނުރައްކާތެރި އެއްވެސް އުސޫލެއް ނެތް ފިނޑި އަމަލުތަކެއް," ރައީސް މައުމޫން ވިދާޅުވި އެވެ.

އެމަނިކުފާނު ވިދާޅުވީ ހަނގުރާމައަކީ ސުލްހައާ ހަމަޖެހުން ނަގާލާ އެއްޗެއް ކަމަށެވެ. އަދި އެއީ ހަގީގަތުގައި ކޮށްގެން ވާނެ ކަމެއް ނޫން ކަމަށެވެ. ނަމަވެސް ކޮންމެހެން ހަނގުރާމައެއް ކުރަން ޖެހިއްޖެ ހާލަތެއްގައި ވެސް އެކަން ކުރަން ޖެހޭނީ އުސޫލެއްގެ ތެރެއިން ހަމަތަކެއްގެ މަތީގައި ކަމަށެވެ.

މިރޭގެ ޖަލްސާގައި ރައީސް މައުމޫން ތަގުރީރު ކުރައްވަނީ --

އެކަމުގެ އެންމެ ރީތި ނަމޫނާ އުންމަތުގެ ރަސޫލާ ދައްކަވައިދެއްވާފައިވާ ކަމަށް ވިދާޅުވި އެވެ. ނަމަވެސް އެމެރިކާއާ އިޒްރޭލުން މިއަދު ކުރަމުންދާ އެފަދަ ކަަމެއް ނޫން ކަމުގައި ވިދާޅުވި އެވެ.

"ހަނގުރާމައަކީ ވެސް އަސްލު ކުރަން ނުޖެހޭ އެއްޗެއް. އެކަމަކު ކުރަން ޖެހޭ ހާލަތެއްގައި ވެސް ވަކި އުސޫލަކުން ކުރަން ޖެހޭ އެއްޗެއް. އެއްގޮތަކަށްވެސް ހަމަ ބޭނުންވިހާ ގޮތަކަށް މީހުންތައް މަރާ ތަންތަން ސުންނާފަތިކޮށް މިހެން ހަދައިގެން ނުވާނެ,"

ރައީސް މައުމޫންގެ ތަގުރީރުގައި ވިދާޅުވީ "މުއުމިނުން ވާކަން ކަށަވަރީ އަޚުންތަކެއް ކަމުގައި" ކަމަށް މާތްالله އަންގާފައިވާ ކަމަށެވެ. އެހެން ކަމުން މުސްލިމަަކަށް ނުވަތަ މުސްލިމު ގައުމަކަށް ދަތިކަމެއް ދިމާވެއްޖެނަމަ އެހެން ހުރިހާ މުސްލިމުން އެބަޔަކަށް އެހީތެރިވާން ޖެހޭނެ ކަމަށެވެ.

މިރޭގެ ޖަލްސާގައި ރައީސް މައުމޫން ބައިވެރިވެވަޑައިގަންނަވަނީ

އަދި މުސްލިމުންނަކީ އެކަކަށް ލިބޭ އަނިޔާއަކުން އެ މީހަކު ރައްކާތެރިކޮށްދޭން މަސައްކަތް ކުރާ ބަޔަކަށް ވާން ޖެހޭ ކަމަށެވެ. މުސްލިމުންނަކީ އަދުއްވުންގެ ހަމަލާތަކަށް ކުޅަދާނަވީ ވަރަކުން ތައްޔާރަށް ތިބެން ޖެހޭ ބަޔަކަށް ވާން ޖެހޭ ކަމުގައި ވިދާޅުވި އެވެ.

އަދި މުސްލިމުން ވާން ޖެހޭނީ ދީނުގައި އަންގާފައިވާ ރީތި އުސޫލުން ކަންކަން ކުރަން އިސްކަންދޭ ބަޔަކަށް ކަމަށް ވިދާޅުވި އެވެ.

މި ލިޔުން ކަމުދިޔަނަމަ، ލައިކެއް ދެއްވާ

ކޮމެންޓް ކުރޭ

ކޮމެންޓްތައް މޮޑަރޭޓް ކުރެވޭނެއެވެ.

ކޮމެންޓްސް

މިހާތަނަށް ކޮމެންޓެއް ނެތް

ގުޅޭ ލިޔުންތައް

އުމްރާއަށް ގެންދާނެ ކަމަށް ބުނެ އަސްކޮއެ ގުރޫޕުން 109 މީހަކަށް ލަނޑުދިން މައްސަލަ: ދައުވާކޮށްދޭން އެދިއްޖެ
22 Nov 2026 ހަބަރު

އުމްރާއަށް ގެންދާނެ ކަމަށް ބުނެ އަސްކޮއެ ގުރޫޕުން 109 މީހަކަށް ލަނޑުދިން މައްސަލަ: ދައުވާކޮށްދޭން އެދިއްޖެ

އެ ފައިސާގެ އަދަދު 2،660،300ރ (ދެމިލިއަން ހަލައްކަ ފަސްދޮޅަސް ހާސް ތިންސަތޭކަ ރުފިޔާ) އަށް އަރަ އެވެ.

ކަސްޓަމްސްގެ އޮޕަރޭޝަންތަކުގައި ސަވައިލަންސް ޑްރޯން އާއި ބޮޑީވޯން ކެމެރާ ބޭނުންކުރަން ފަށައިފި
22 Nov 2026 ހަބަރު

ކަސްޓަމްސްގެ އޮޕަރޭޝަންތަކުގައި ސަވައިލަންސް ޑްރޯން އާއި ބޮޑީވޯން ކެމެރާ ބޭނުންކުރަން ފަށައިފި

މި އޮޕަރޭޝަންތަކުގައި ބޭނުންކުރުމަށް ހަމަޖެހިފައިވާ ބޮޑީވޯން ކެމެރާއަކީ އެމެރިކާއިން ހަދިޔާކޮށްފައިވާ ވަސީލަތެކެވެ.

އެފްޑީސީއަށް ހުށަހެޅުނު މައްސަލަތަކުގެ 87 އިންސައްތަ ހައްލުކޮށްފި
22 Nov 2026 ހަބަރު

އެފްޑީސީއަށް ހުށަހެޅުނު މައްސަލަތަކުގެ 87 އިންސައްތަ ހައްލުކޮށްފި

ފަހި ދިރިއުޅުން ކޯޕަރޭޝަން (އެފްޑީސީ) އިން ހުޅުމާލޭގައި ތަރައްޤީކޮށްފައިވާ "އަމާން އުދަރެސް" އަދި "އަމާން ދޯދި" ޓަވަރުތަކުގައި ދިރިއުޅޭ ރައްޔިތުން ހުށަހެޅި ޝަކުވާތަކާއި މައްސަލަތަކުގެ 87 އިންސައްތަ ހައްލުކޮށްދީފިއެވެ.

ޝާހިދު ބަންދުކުރަން ކުރި އަމުރަށް ހައިކޯޓުން ތާއީދު ކޮށްފި
22 Nov 2026 ހަބަރު

ޝާހިދު ބަންދުކުރަން ކުރި އަމުރަށް ހައިކޯޓުން ތާއީދު ކޮށްފި

18 އަހަރުން ދަށުގެ ކުޑަކުއްޖަކަށް ޖިންސީ ގޯނާކުރިކަމުގެ ތުހުމަތުގައި، ދިވެހިރާއްޖޭގެ ކުރީގެ ފޮރިން މިނިސްޓަރު އަދި އެމްޑީޕީގެ ކުރީގެ ރައީސް އަބްދުﷲ ޝާހިދު ހައްޔަރުކުރުމަށް ކްރިމިނަލް ކޯޓުން ނެރުނު އަމުރަށް ހައިކޯޓުން ތާއީދު ކޮށްފިއެވެ.

ރާއްޖެއިން ފުރަތަމަ ފަހަރަށް "ރުފަސް-ޓެއިލްޑް ރޮކް ތުރަޝް" ދޫނި ފެނިއްޖެ
22 Nov 2026 ހަބަރު

ރާއްޖެއިން ފުރަތަމަ ފަހަރަށް "ރުފަސް-ޓެއިލްޑް ރޮކް ތުރަޝް" ދޫނި ފެނިއްޖެ

ދިވެހިރާއްޖެއިން މީގެ ކުރިން ދުވަހަކުވެސް ފެނިފައިނުވާ ދޫނީގެ ބާވަތެއް ކަމަށްވާ "ރުފަސް-ޓެއިލްޑް ރޮކް ތުރަޝް" މ. މުލި އިން ފެނިއްޖެއެވެ.

އަލިފާން ނިއްވުމާ ގުޅޭ އަސްކަރީ ތަމްރީންތަކެއް މާލެ ސަރަހައްދުގައި ފަށައިފި
22 Nov 2026 ހަބަރު

އަލިފާން ނިއްވުމާ ގުޅޭ އަސްކަރީ ތަމްރީންތަކެއް މާލެ ސަރަހައްދުގައި ފަށައިފި

ކުއްލި ނުރައްކަލުގެ ހާލަތްތަކުގައި އިދާރާތައް ގުޅިގެން ހަރަކާތްތެރިވުމުގެ ގާބިލުކަން އިތުރުކުރުމުގެ ގޮތުން، އެމްއެންޑީއެފުން މާލެ ސަރަހައްދުގައި ކުރިއަށްގެންދާ އަސްކަރީ ތަމްރީނުތަކުގެ ތެރެއިން އަލިފާން ނިއްވުމުގެ ހާއްސަ ހަރަކާތްތަކެއް މިއަދު ފަށައިފިއެވެ.

ދައުލަތުގެ އިމާރާތްތަކުގައި ހުޅުޖެހުމަށް ހިތްވަރުދިން ޒިހާންގެ ބަންދަށް އިތުރު 16 ދުވަސް
22 Nov 2026 ހަބަރު

ދައުލަތުގެ އިމާރާތްތަކުގައި ހުޅުޖެހުމަށް ހިތްވަރުދިން ޒިހާންގެ ބަންދަށް އިތުރު 16 ދުވަސް

ދައުލަތުގެ އިމާރާތްތަކުގައި ހުޅުޖެހުމަށް ހިތްވަރުދިން މައްސަލައިގައި ހައްޔަރުކޮށްފައިވާ ޒިހާން ހަސަންގެ ބަންދަށް އިތުރު 16 ދުވަސް ކޯޓުން ޖަހައި، ޖުމްލަ 45 ދުވަހަށް ބަންދުގެ މުއްދަތު އިތުރުވެއްޖެއެވެ.

އީރާނުގެ އަސްކަރިއްޔާއަށް މާލީ އެހީތެރިކަން ފޯރުކޮށްދިނުމުން، ދަތިކުރުމުގެ ފިޔަވަޅު އަޅައިފި
21 Nov 2026 ދުނިޔެ

އީރާނުގެ އަސްކަރިއްޔާއަށް މާލީ އެހީތެރިކަން ފޯރުކޮށްދިނުމުން، ދަތިކުރުމުގެ ފިޔަވަޅު އަޅައިފި

އީރާނުގެ އަސްކަރިއްޔާއަށް މާލީ އެހީތެރިކަން ފޯރުކޮށްދިނުމުގައި ބައިވެރިވި ކަމުގެ ތުހުމަތުގައި، އީރާނުގެ ބައެއް ރައްޔިތުންނާ ދެކޮޅަށް އެމެރިކާއިން ދަތިކުރުމުގެ ފިޔަވަޅު އަޅައިފިއެވެ. މިކަން ހާމަކޮށްފައިވަނީ އެމެރިކާގެ ސްޓޭޓް ޑިޕާޓްމަންޓުން ނެރުނު ބަޔާނެއްގައެވެ.