ފޮނަދޫ މަސްޖިދުލް ޢުލާގައި އިމާމުވެ ހުކުރެއްވީ މަޖިލީހުގެ ރައީސް އަބްދުއްރަހީމް
ލ. ފޮނަދޫ މަސްޖިދުލް ޢުލާގައި މަޖިލީހުގެ ރައީސް އަބްދުއްރަހީމް އަބްދުﷲ މިއަދު އިމާމުވެ ހުކުރު ކުރައްވައިފި އެވެ.
ފޮނަދޫއަކީ އަބްދުއްރަހީމް ވެސް ނިސްބަތްވެވަޑައިގަންނަވާ ރަށެވެ. އަބްދުއްރަހީމަކީ އިމާމުވެ ހުކުރު ކުރެއްވުމުގެ ހުއްދަ އޮތް ބޭފުޅެކެވެ. ބަހަށް ވަރަށް ފަރިތަ ހުށައެޅުންތެރިއެކެވެ. ނަމަވެސް އާދަކޮށް އިމާމުވެ ހުކުރުނުކުރައްވަ އެވެ.
ބައެއް ބޭފުޅުން ވިދާޅުވާ ގޮތުގައި މަޖިލީހުގެ ރައީސް ކަމުގެ މަގާމުގައި ހުންނަވާ އިމާމުވެ މީގެ ކުރީން ހުކުރު ކުރެއްވީ އަބްދުﷲ ހަމީދު އެވެ. އެހެން ކަމުން އަބްދުއްރަހީމް ހިމެނިވަޑައިގަންނަވަނީ މަޖިލީހުގެ ރައީސް ކަމުގެ މަގާމުގައި ހުންނަވާ އިމާމުވެ ހުކުރު ކުރެއްވި ދެވަނަ ބޭފުޅެއްގެ ގޮތުގަ އެވެ.
މަޖިލީހުގެ ރައީސް ކަމަށް ވަޑައިގެންނެވުމަށް ފަހު ވެސް އަބްދުއްރަހީމް ވަރަށް ގިނައިން ފޮނަދޫއަށް ވަޑައިގަންނަަވަ އެވެ.
އަބްދުއްރަހީމް ފާހަގަކުރެވުނީ ރައީސް މުއިއްޒުގެ އެންމެ އަރިސް ބޭފުޅާގެ ގޮތުގަ އެވެ. ނަމަވެސް ދެ ބޭފުޅުންގެ މެދުގައި ކުރީން އޮތް ގުޅުމެއް މިހާރަކު ނެތެވެ. ގުޅުން ވަރަށް ގޯސް ކަމަށް އަޑުތައް އޮވެ އެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
