ތައުލީމް ފޯރުކޮށްދިނުމުގައި ތުޅާދޫ ސްކޫލްްްް ފާހަގަވެފައިވަނީ ނަމޫނާ ސްކޫލެއްގެ ގޮތުގައި: ސްޓޭޓް މިނިސްޓަރު ޑރ.އަހުމަދު

ތައުލީމް ފޯރުކޮށްދިނުމުގައި ބ.އަތޮޅު ތުޅާދޫ ސްކޫލް ފާހަގަކުރެވިފައިވަނީ ނަމޫނާ ސްކޫލެއްގެ ގޮތުގައިކަމަށް ތަޢުލީމާއި މަތީ ތަޢުލީމާއި ހުނަރުތައް ތަރައްޤީކުރުމާބެހޭ ވުޒާރާގެ ސްޓޭޓް މިނިސްޓަރ ޑރ. އަޙުމަދު މުޙައްމަދު ވިދާޅުވެއްޖެ އެވެ.

ތުޅާދޫ ސްކޫލަށް 90 އަހަރުފުރުން ފާހަގަކުރުމުގެ ގޮތުން ރޭ ބޭއްވި ޖަލްސާގައި ވާހަކަދައްކަވަމުން ޑރ.އަހުމަދު ވިދާޅުވީ، ތުޅާދޫ ސްކޫލްގެ ހިދުމަތް މިހާ ގިނަދުވަހު ދެމިއޮތުގައި އެތައްބައެއްގެ މިންނެތް މަސައްކަތް ހިމެނޭކަމަށެވެ. އެގޮތުން ބައެއް ރަށްރަށުގެ ތައުލީމް ފެށިގެން އާއިރު ބައެއް ރަށްރަށުގައި ވަކި ހިސާބަކުން އެކަން ހުއްޓި އަދި ފަހުން ފަށަން ޖެހުނު ނަމަވެސް ތުޅާދޫ ސްކޫލު މިއަދާ ހަމަޔަށް ދެމިއޮތުމަށް ކުރި މަސައްކަތްތައް މިއީ ބަޔަކު ވީ ވަރަށް މަތިވެރި ގުރުބާނީއެއްކަމަށް ވިދާޅުވިއެވެ.

ޑރ.މުހައްމަދު ވިދާޅުވީ މިއަދު ފާހަގަ ކުރަނީ ހަމައެކަނި ތުޅާދޫ ސްކޫލުގެ 90 ވަނަ އަހަރީ ދުވަސް އެކަނި ނޫން ކަމަށާއި، މި ފާހަގަ ކުރަނީ މި ސްކޫލުގެ ޚިދުމަތުގެ ތެރެއިން މިރަށާ ދިވެހި ޤައުމަށް ގެނެސްދިން ތަރައްޤީއާ ހޯދައިދިން ކާމިޔާބީތަކުގެ ހަނދާންތައް ކަމަށެވެ.

ތުޅާދޫއަކީ މިހާރުވެސް އަދި ރާއްޖެއަށް އަސާސީ ތައުލީމް ފެށިގެން އާއިރުވެސް ރަންވަނަތަކެއް ހޯދި ރަށެއްކަން ވަޒީރުގެ ވާހަކާގައި ވަނީ ވިދާޅުވެފައެވެ.

ރާއްޖޭގައި ހިންގި އެންމެ ކާމިޔާބު އެއް ތަޢުލީމީ މަޝްރޫޢަކީ އަސާސީ ތަޢުލީމުގެ މަޝްރޫޢު. އޭރުގެ ރައީސުލްޖުމްހޫރިއްޔާ އަލްއުސްތާޛު މައުމޫން ޢަބްދުލްޤައްޔޫމް 1980 ފެއްޓެވި އަސާސީ ތަޢުލީމުގެ މަޝްރޫޢުގެ ފަސްވަނަ އިމްތިޙާނުގެ ނަތީޖާ ފާޅުކުރެވިގެން ދިޔައީ 1989 ވަނަ އަހަރު. އެ އަހަރު މުޅި މަޝްރޫޢުގެ ފަސްވަނަ އިމްތިޙާނު ބާ އަތޮޅަށް ލިބުނީ ތިންވަނަ. އެހެންނަމަވެސް އަޅުގަނޑު ހަމަ ފަޚުރުވެރިކަމާއެކު މިއަދުވެސް ފާހަގަކޮށްލަން ބޭނުންވާ އެއްކަމަކީ އެ އަހަރުގެ އިމްތިޙާނު، މިދެންނެވީ ފަސްވަނަ އިމްތިޙާނުގެ ނަތީޖާއިން މުޅި ރާއްޖެއިން ރަންވަނަތަށް ހޯދަމުން ދިޔަ އިރު، 13 ރަށެއް އެއްވަނަ އަށް ދިޔަ. އޭގެ ތެރެއިން އެއް ރަށަކީ ތުޅާދޫ

ސްޓޭޓް މިނިސްޓަރ ޑރ. އަޙުމަދު

ޑރ.އަހުަމދު ވިދާޅުވީ ތައުލީމީ ދާއިރާއިން އެންމެ ކުރިންސުރެ ފެށިގެން ތުޅާދޫއިން ހީދަމުންދާ ކާމިޔާބީތަކުން ދައްކުވައިދެނީ ތަޢުލީމަށްޓަކައި މުޖްތަމަޢަކުން އެ މުޖްތަމަޢުގެ އަފްރާދުން އިސްނަގާ ކުރަންފަށާ ކޮންމެ މަސައްކަތެއްގެ އަދިކަމެއް ފެތުރިގެންދާނެ މިންވަރުކަމަށެވެ.

ތުޅާދޫ ސްކޫލަށް 90 އަހަރު ފުރުން ފާހަގަކުރުމަށް ރޭ ބޭއްވި ޖަލްސާގައި ވަނީ އެ ސްކޫލަށް ފާހަގަކޮށްލެވޭ ފަދަ ހިދުމަތްތައް ކޮށްދީފައިވާ ފަރާތްތަކަށް އެކަމުގެ އަގު ވަޒަންކުރުމުގެ ހަނދާނީ ލިޔުން ދީފައެވެ.

ތުޅާދޫ ސްކޫލަކީ ރައްޖޭގައި އެންމެ ގިނަދުވަސްވީ އެއް މަދަރުސާތަކުގެ ތެރޭގައި ހިމެނޭ މަދަރުސާއެވެ. ތުޅާދޫ ސްކޫލް ފެށިގެން މިއަދާހަމަޔަާް އާއިރު، އެ ސްކޫލް ދެމިއޮތުމުގެ އެންމެބޮޑު އެއް ބާރަކީ ސްކޫލް ފަށައިގެން އައި ދުވަސްވަރު ރަށުގެ މަސްވެރިންގެ ފަރާތުން ލިބުނު އެއްބަރާރުލުމެވެ. ތުޅާދޫ ސްކޫލްގެ 90 އަހަރުވީ އަހަރީ ދުވަސް ފާހަގަކުރުމަށް ސިލްސިލާ ހަރަކާތްތަކެއް ފަށާފައިވާއިރު، މިއަދު މަސްވެރިންނަށް ދޭ ހާއްސަ ޖާފަތެއް އޮންނާނޭކަމަށް ސްކޫލުން ވަނީ ބުނެފައެވެ.