ތޭރަ އަހަރަށް ފަހު އަލީ ރަމީޒުގެ ޢީދު މަދަހައެއް، ވަރަށް ހިތްގައިމު

ތޭރަ އަހަރަށް ފަހު އަލީ ރަމީޒުގެ ޢީދު މަދަހައެއް މިއަދު ސޯޝަލް މީޑިއާގައި ރިލީޒްކޮށްފި އެވެ.

މިފަހަރުގެ ޢީދު މަދަހަ ނެރެފައިވަނީ ދިވެހީންގެ ދީނީ ހޭލުންތެރިކަމަށް ފުޅާ ދާއިރާއެއްގައި މަސައްކަތް ކުރާ "މަންފާ" ގެ ޕްރޮޑަކްޝަނެއްގެ ގޮތުގަ އެވެ.

ކުޅަދާނަ ޅެންވެރިޔާ އާދަމް ޙަލީމް އަދުނާން ތައްޔާރު ކޮށްފައިވާ ޅެމަކަށް ކިޔާފައިވާ މި ޢީދު މަދަހައިގެ ނަމަކީ "ޢީދު މުބާރަކު" އެވެ.

މަދަހައިގެ މައިގަނޑު ވޯކަަލިސްޓަކީ އަލީ ރަމީޒެވެ. މަދަހަ ކިޔުމުގައި އިތުރު ކުދީންތަކެއް ވެސް ބައިވެރިވެ އެވެ.

"މަންފާ" އިން މަދަހަ ރިލީޒްކޮށްފައި ވަނީ ވަަރަށް ހިތްގައިމު ވީޑިއޯއަކާ އެކު އެވެ.

"ޢީދު މުބާރަކު" މި މަދަހަ އަކީ ތޭރަ އަހަރަށް ފަހު ރިލީޒްކުރި އަލީ ރަމީޒުގެ ފުރަތަމަ ޢީދު މަދަހަ އެވެ. މީގެ ތޭރަ އަހަރު ކުރީން އަލީ ރަމީޒު ވަނީ "ތަހާނީ" ނަމުގައި އީދު މަދަހަ އަލްބަމެއް ނެރެފަ އެވެ. އެއީ ޢީދާއި ގުޅިގެން މިހާތަނަށް ނެރެވުނު އެންމެ ކާމިޔާބު މަދަހަ އަލަބަމް އެވެ. އެ މަދަހަތައް އަދިވެސް ދިވެހީންގެ ތެރޭގައި ވަރަށް މަޝްހޫރެވެ.

ވޮއިސްއާ ވާހަކަ ދައްކަވަމުން އަލީ ރަމީޒު ވިދާޅުވީ އަންނަ އަހަރުގެ ބޮޑު ޢީދާ ދިމާކޮށް ޢީދު މަދަހަތަކެއް ނެރުމަށް ގަސްތު ކުރާ ކަމަށެވެ.

ވޮއިސްއާ ވާހަކަ ދައްކަވަމުން އަލީ ރަމީޒު ވިދާޅުވީ އަންނަ އަހަރުގެ ބޮޑު ޢީދާ ދިމާކޮށް ޢީދު މަދަހަތަކެއް ނެރުމަށް ގަސްތު ކުރާ ކަމަށެވެ. 
މަދަހައިގެ ކަވަރ -- Select an Imageދިވެހީންގެ ތެރޭގައި އެންމެ މަޝްހޫރުވި މަދަހަތައް ކިޔާފައިވަަަނީ އަލީ އެވެ. އޭގެ ތެރޭގައި "ކުޑަކުޑަ ދަރިފުޅު ރޯލުމުން" އާއި "ބައްޕަދޭ ހެޔޮހާ ނަސޭހަތް" ފަދަ މަދަހަތައް ހިމެނެ އެވެ. ބައެއް މަދަހަތައް ޔޫޓިއުބުން އެކަނިވެސް ތިން މިލިއަން ފަހަރު ބަލާފައިވެ އެވެ.