ދަ ޑިމޮކްރެޓްސްގެ އިސްވެރީން -- ފޮޓޯ: ވޮއިސް
ދަ ޑިމޮކްރެޓްސްގެ އިސްވެރީން -- ފޮޓޯ: ވޮއިސް
ހަބަރު 17 Jun 2025 | 16:11

ޑިމޮކްރެޓްސް އުވާލާ، ނަޝީދު ހިމެނިވަޑައިގަންނަވާހެން ހުރިހާ މެންބަރުން އެމްޑީޕީއާ އަލުން ގުޅެނީ

ދަ ޑިމޮކްރެޓްސްގެ މެންބަރުން އަލުން ދިވެހިރައްޔިތުންގެ ޑިމޮކްރެޓިކް ޕާޓީ (އެމްޑީޕީ) އާ ގުޅުމަށް އެ ޕާޓީގެ ނެޝަނަލް އެސެމްބްލީ އިން މިއަދު ނިންމައިފި އެވެ.

މި ނިންމުން ނިންމީ މިއަދު އޮތް ޑިމޮކްރެޓްސްގެ ނެޝަނަލް އެސެމްބްލީ ބައްދަލްވުމުގައި ފާސްކުރި ގަރާރުގަ އެވެ. އެ ގަރާރު ހުށައެޅީ ޑިމޮކްރެޓްސްގެ އަންހެނުންގެ ގޮފީގެ ލީޑަރު ފާތިމަތު ހަމްދާ އެވެ.

އޭނާ ހުށައެޅި ގަރާރުގައި ބުނެފައި ވަނީ ސިޔާސީ ނިޒާމާމެދު އޮތް އިތުބާރު ގެއްލެމުންދާތީ އަލުން އެކަން އިއާދަކުރުމަށް ވަރުގަދަ އިދިކޮޅު ޕާޓީއެއް އޮތުން މުހިންމު ކަމަށެވެ. އެހެން ކަމުން އެ މަގުސަދު ހާސިލު ކުރުމަށް އެ ޕާޓީގެ މެންބަރުން އެމްޑީޕިއާ ގުޅުމަށެވެ. އެ ނިންމުމަކީ ކުރިއަށް އޮތް ލޯކަލް ކައުންސިލް އިންތިހާބު ސަރުކާރަށް ކާމިޔާބުވިޔަ ނުދިނުމަާއި ޖަވާބުދާރީ ކުރުވަނިވި ދައުލެއް ދެމި އޮތުމަށް މުހިންމު ކަމެއް ކަަމަށް ވެސް ބުނެފައިވެ އެވެ.

އެހެން ކަމުން ދަ ޑިމޮކްރެޓްސްގެ މެންބަރުން އެމްޑީޕިއާ ގުޅުމަށް އިގުރާރުވާ ކަމަށް ނެޝަނަލް އެސެމްބްލީން ފާސްކުރި ގަރާރުގައިވެ އެވެ.

ކުރިއަށް އޮތް ލޯކަލް ކައުންސިލް އިންތިހާބު ކާމިޔާބު ކުރުމަށާއި ރާއްޖޭގެ މުސްތަގުބަލު ރަނގަޅު ކުރުމަށާއި ޖަވާބުދާރީ ކުރުވަނިވި ދައުލަތެއް ދެމިއޮތުމަށާއި ގިނަ ޕާޓީތައް އެކުލެވޭ ވާދަވެރި ސިޔާސީ ނިޒާމާއި މެދު ގެއްލެމުންދާ އިތުބާރު އަބުރާ އިޔާދަކުރުމުގެ މަސައްކަތް ހިންގުމަށް އެންމެ ރަނގަޅު ގޮތަކީ ވަރުގަދަ އޮޕޮޒިޝަނެއް އޮތުން ކަމަށް ވުމާއި އެކަމަށްޓަކައި ގިނަ ބަޔަކު އެކުގައި މަސައްކަތް ކުރުން މުހިންމު ކަން ގަބޫލު ކުރެވޭ ހިނދު, މި މަގުސަދު ހާސިލުކުރުމަށް ދަ ޑިމޮކްރެޓްސްގެ މެންބަރުން އެމްޑީޕީއާ ގުޅުމަށް އިގުރާރު ވަމެވެ.

ނެޝަނަލް އެސެންބްލީގައި ޑިމޮކްރެޓްސް އިން ފާސްކުރި ގަރާރު

މި ނިންމުމާމެދު ޑިމޮކްރެޓްސްގެ މެންބަރުންގެ މެދުގައި ހިޔާލުތަފާތުވުން އުފެދޭނެ ކަމަށް ބެލެވެ އެވެ. މި ނިންމުމަކީ ޑިމޮކްރެޓްސް އުވާލާ އެ ޕާޓީގެ ހުރިހާ މެންބަރުން އަލުން އެމްޑީޕީއާ ގުޅުމަށް ނިންމި ނިންމުމެއް ނަމަވެސް ޑިމޮކްރެޓްސް އުވާލުމާއި ގުޅޭގޮތުން މިއަދުގެ ބައްދަލްވުމުގައި ގޮތެއް ނިންމާފައެއް ނުވެ އެވެ.

ޑިމޮކްރެޓްސް އުފެއްދީ އެމްޑީޕީ ރޫޅާލަން

ކުރީގެ ރައީސް އިބްރާހިމް މުހައްމަދު ސޯލިހާއި ރައީސް މުހައްމަދު ނަޝީދުގެ މެދުގައި އޮތް ގުޅުން ހީނަރުވެ ދެ ބޭފުޅުންގެ ވަފާތެރި ސަޕޯޓަރުންގެ މެދުގައި ހިޔާލުތަފާތުވުން ބޮޑުވެ އެމްޑީޕީއާ ރައީސް ސޯލިހަށް އެންމެ މުހިންމު ވަގުތު ރައީސް ނަޝީދުގެ އަރިސް ބޭފުޅުން ވަނީ އެ ޕާޓީން ވަކިވެވަޑައިގެންފަ އެވެ.

އަދި ދަ ޑިމޮކްރެޓްސް ނަމުގައި ޕާޓީއެއް އުފެއްދެވި އެވެ. ރައީސް ނަޝީދު ވެސް ވަނީ އެ ޕާޓީއާ ގުޅިވަޑައިގެންފަ އެވެ. ނަޝީދު, ޑިމޮކްރެޓްސްއާ ގުޅިވަޑައިގަތުމަށް އާޓިފިޝަލް ބީޗުގައި އޮތް ޖަލްސާގައި އެމަނިކުފާނު ވިދާޅުވީ އެމްޑީޕީ "ރޫޅާލައްވާނެ" ކަމަށެވެ.

ނަމަވެސް އެމަނިކުފާނާއި ޑިމޮކްރެޓްސްގެ ވެރީން އުންމީދު ކުރި ގޮތަށް އެެ ޕާޓީއާ ގިނަ ބަޔަކު ނުގުޅުނެވެ. އަދި އެމްޑީޕީ ބަލިކަށި ކޮށްނުލެވުނެވެ. އެކަމަކު ރައީސް ނަޝީދުގެ ތާއީދު ގެއްލުމުން އެމްޑީޕީއަށް ވެރިކަން ދެމެހެއްޓޭ ގޮތް ނުވެ ސަރުކާރު ހިންގާ ޕާޓީން އިދިކޮޅު ޕާޓީއަކަށް އެމްޑީޕީ ބަދަލުވި އެވެ.

ވާދަ އޮތީ އެމްޑީޕީގެ ރިޔާސީ ޓިކެޓަށް

ދަ ޑިމޮކްރެޓްސްގެ މެންބަރުން އަލުން އެމްޑީޕީއާ ގުޅުމަށް ނިންމިއިރު ކުރިއަށް އޮތް 2028 ވަނަ އަހަރުގެ ރިޔާސީ އިންތިހާބަށް އެމްޑީޕީގެ ރިޔާސީ ޓިކެޓަށް އޮތީ ބޮޑު ވާދައެއް އުފެދިފަ އެވެ.

ރިޔާސީ ޓިކެޓަށް އެމްޑީޕީގެ ޗެއާޕާސަން ފައްޔާޒު އިސްމާއީލް ޝައުުގުވެރިކަން ފާޅުކުރައްވާއިރު ރައީސް އިބްރާހިމް މުހައްމަދު ސޯލިހަށް ޓިކެޓް ހޯއްދައިދިނުމަށް އެމަނިކުފާނުގެ ވަފާތެރި މެންބަރުން ދަނީ މަސައްކަތް ކުރަމުންނެވެ.

ކުރީގެ ފޮރިން މިނިސްޓަރު ޝާހިދު ވެސް އެމްޑީޕީގެ ރިޔާސީ ޓިކެޓަށް ޝައުގުވެރިކަމުގައި އަޑުތައް ފެތުރިފައިވެ އެވެ.

އެކަން އެހެން އޮއްވާ ރައީސް ނަޝީދު ވަނީ އެމްޑީޕީއާ ޑިމޮކްރެޓްސްގެ ބައެއް އިސް ބޭފުޅުންނަށް މެސެޖެއް ކުރައްވާ ރިޔާސީ އިންތިހާބު ގައި ވާދަ ކުރައްވަން ޝައުގުވެރިވެވަޑައިގަންނަވާކަން ހާމަ ކުރައްވާފަ އެވެ. އެކަމާމެދު ދެކޭ ގޮތެއް އަންގައި ދިނުމަށް ވެސް އެމަނިކުފާނު އެދިވަޑައިގެންފައިވެ އެވެ.

މި ލިޔުން ކަމުދިޔަނަމަ، ލައިކެއް ދެއްވާ

ކޮމެންޓް ކުރޭ

ކޮމެންޓްތައް މޮޑަރޭޓް ކުރެވޭނެއެވެ.

ކޮމެންޓްސް

މިހާތަނަށް ކޮމެންޓެއް ނެތް

ގުޅޭ ލިޔުންތައް

އުމްރާއަށް ގެންދާނެ ކަމަށް ބުނެ އަސްކޮއެ ގުރޫޕުން 109 މީހަކަށް ލަނޑުދިން މައްސަލަ: ދައުވާކޮށްދޭން އެދިއްޖެ
22 Nov 2026 ހަބަރު

އުމްރާއަށް ގެންދާނެ ކަމަށް ބުނެ އަސްކޮއެ ގުރޫޕުން 109 މީހަކަށް ލަނޑުދިން މައްސަލަ: ދައުވާކޮށްދޭން އެދިއްޖެ

އެ ފައިސާގެ އަދަދު 2،660،300ރ (ދެމިލިއަން ހަލައްކަ ފަސްދޮޅަސް ހާސް ތިންސަތޭކަ ރުފިޔާ) އަށް އަރަ އެވެ.

ކަސްޓަމްސްގެ އޮޕަރޭޝަންތަކުގައި ސަވައިލަންސް ޑްރޯން އާއި ބޮޑީވޯން ކެމެރާ ބޭނުންކުރަން ފަށައިފި
22 Nov 2026 ހަބަރު

ކަސްޓަމްސްގެ އޮޕަރޭޝަންތަކުގައި ސަވައިލަންސް ޑްރޯން އާއި ބޮޑީވޯން ކެމެރާ ބޭނުންކުރަން ފަށައިފި

މި އޮޕަރޭޝަންތަކުގައި ބޭނުންކުރުމަށް ހަމަޖެހިފައިވާ ބޮޑީވޯން ކެމެރާއަކީ އެމެރިކާއިން ހަދިޔާކޮށްފައިވާ ވަސީލަތެކެވެ.

އެފްޑީސީއަށް ހުށަހެޅުނު މައްސަލަތަކުގެ 87 އިންސައްތަ ހައްލުކޮށްފި
22 Nov 2026 ހަބަރު

އެފްޑީސީއަށް ހުށަހެޅުނު މައްސަލަތަކުގެ 87 އިންސައްތަ ހައްލުކޮށްފި

ފަހި ދިރިއުޅުން ކޯޕަރޭޝަން (އެފްޑީސީ) އިން ހުޅުމާލޭގައި ތަރައްޤީކޮށްފައިވާ "އަމާން އުދަރެސް" އަދި "އަމާން ދޯދި" ޓަވަރުތަކުގައި ދިރިއުޅޭ ރައްޔިތުން ހުށަހެޅި ޝަކުވާތަކާއި މައްސަލަތަކުގެ 87 އިންސައްތަ ހައްލުކޮށްދީފިއެވެ.

ޝާހިދު ބަންދުކުރަން ކުރި އަމުރަށް ހައިކޯޓުން ތާއީދު ކޮށްފި
22 Nov 2026 ހަބަރު

ޝާހިދު ބަންދުކުރަން ކުރި އަމުރަށް ހައިކޯޓުން ތާއީދު ކޮށްފި

18 އަހަރުން ދަށުގެ ކުޑަކުއްޖަކަށް ޖިންސީ ގޯނާކުރިކަމުގެ ތުހުމަތުގައި، ދިވެހިރާއްޖޭގެ ކުރީގެ ފޮރިން މިނިސްޓަރު އަދި އެމްޑީޕީގެ ކުރީގެ ރައީސް އަބްދުﷲ ޝާހިދު ހައްޔަރުކުރުމަށް ކްރިމިނަލް ކޯޓުން ނެރުނު އަމުރަށް ހައިކޯޓުން ތާއީދު ކޮށްފިއެވެ.

ރާއްޖެއިން ފުރަތަމަ ފަހަރަށް "ރުފަސް-ޓެއިލްޑް ރޮކް ތުރަޝް" ދޫނި ފެނިއްޖެ
22 Nov 2026 ހަބަރު

ރާއްޖެއިން ފުރަތަމަ ފަހަރަށް "ރުފަސް-ޓެއިލްޑް ރޮކް ތުރަޝް" ދޫނި ފެނިއްޖެ

ދިވެހިރާއްޖެއިން މީގެ ކުރިން ދުވަހަކުވެސް ފެނިފައިނުވާ ދޫނީގެ ބާވަތެއް ކަމަށްވާ "ރުފަސް-ޓެއިލްޑް ރޮކް ތުރަޝް" މ. މުލި އިން ފެނިއްޖެއެވެ.

އަލިފާން ނިއްވުމާ ގުޅޭ އަސްކަރީ ތަމްރީންތަކެއް މާލެ ސަރަހައްދުގައި ފަށައިފި
22 Nov 2026 ހަބަރު

އަލިފާން ނިއްވުމާ ގުޅޭ އަސްކަރީ ތަމްރީންތަކެއް މާލެ ސަރަހައްދުގައި ފަށައިފި

ކުއްލި ނުރައްކަލުގެ ހާލަތްތަކުގައި އިދާރާތައް ގުޅިގެން ހަރަކާތްތެރިވުމުގެ ގާބިލުކަން އިތުރުކުރުމުގެ ގޮތުން، އެމްއެންޑީއެފުން މާލެ ސަރަހައްދުގައި ކުރިއަށްގެންދާ އަސްކަރީ ތަމްރީނުތަކުގެ ތެރެއިން އަލިފާން ނިއްވުމުގެ ހާއްސަ ހަރަކާތްތަކެއް މިއަދު ފަށައިފިއެވެ.

ދައުލަތުގެ އިމާރާތްތަކުގައި ހުޅުޖެހުމަށް ހިތްވަރުދިން ޒިހާންގެ ބަންދަށް އިތުރު 16 ދުވަސް
22 Nov 2026 ހަބަރު

ދައުލަތުގެ އިމާރާތްތަކުގައި ހުޅުޖެހުމަށް ހިތްވަރުދިން ޒިހާންގެ ބަންދަށް އިތުރު 16 ދުވަސް

ދައުލަތުގެ އިމާރާތްތަކުގައި ހުޅުޖެހުމަށް ހިތްވަރުދިން މައްސަލައިގައި ހައްޔަރުކޮށްފައިވާ ޒިހާން ހަސަންގެ ބަންދަށް އިތުރު 16 ދުވަސް ކޯޓުން ޖަހައި، ޖުމްލަ 45 ދުވަހަށް ބަންދުގެ މުއްދަތު އިތުރުވެއްޖެއެވެ.

ހަމައެކަނި ވެރިން ކޮޓަރި ކޮޓަރީގަ ތިއްބަވައިގެން ނިންމަވާ ކަންކަން ކުރިޔަށް ނުގެންދެވޭނޭކަން މި ދަނީ ފެންނަމުން: ރައީސް ނަޝީދު
21 Nov 2026 ހަބަރު

ހަމައެކަނި ވެރިން ކޮޓަރި ކޮޓަރީގަ ތިއްބަވައިގެން ނިންމަވާ ކަންކަން ކުރިޔަށް ނުގެންދެވޭނޭކަން މި ދަނީ ފެންނަމުން: ރައީސް ނަޝީދު

ރައީސް ނަޝީދު ވިދާޅުވި ގޮތުގައި އެންމެ ބޮޑު އެއް ކަންބޮޑުވުމަކީ ފުށިދިއްގަރުފަޅުގައި ސަރުކާރުން ހިންގަން ރާވާފައިވާ މަޝްރޫޢާ ގުޅޭގޮތުން ރައްޔިތުންނަށް އެއްވެސް މައުލޫމާތެއް ނުލިބި، އެކަން ދެފުށް ނުފެންނަ ގޮތަށް ހިނގަމުންދިއުމެވެ