ސްޓެލްކޯއިން އދ.ފެންފުށި އިންޖީނުގޭގެ ޕެނަލްބޯޑު އަޕްގްރޭޑުކޮށްފި
އދ. ފެންފުށިން ކަރަންޓު ކެނޑުމުގެ މައްސަލަ ޙައްލުކުރުމަށް، ސްޓެލްކޯއިން، އެ ރަށު އިންޖީނުގޭގެ ޕެނަލް ބޯޑު އަޕްގްރޭޑްކޮށްފިއެވެ.
މިއަދު ސްޓެލްކޯއިން ހާމަކުރެއްވި ގޮތުގައި އދ. ފެންފުށްޓަށް ދިމާވެފައިވާ ކަރަންޓުގެ މައްސަލަ ޙައްލުކުރުމަށް، އިންޖީނުގޭގެ ޕެނަލް ބޯޑު އަޕްގްރޭޑްކޮށް މިހާރު ވަނީ ބޭނުން ކުރަންފަށާފައެވެ.
އަދި، މިއާއެކު، ފެންފުށީގައި ސްޓެލްކޯއިން ދެމުންގެންދާ ޚިދުމަތުގެ ފެންވަރު އިތުރަށް ރަނގަޅުކުރެވި، އެކަމުގެ ފަސޭހަތައް ފެންފުށީ ރައްޔިތުންނަށް ލިބެމުން ދާ ކަމަށްވެސް ސްޓެލްކޯއިން ބުނެއެވެ.
ކަރަންޓުގެ މައްސަލަ ދިމާވާ ރަށްރަށަށް އެ މައްސަލަ ޙައްލުކޮށްދިނުމަށް ސްޓެލްކޯއިން ދަނީ ގިނަ މަސައްކަތްތަކެއް ކުރަމުންނެވެ. އެގޮތުން ސްޓެލްކޯއިން ދަނީ ގިނަ ރަށްތަކަކަށް އައު ޖަނަރޭޓަރު ހޯދައިދީ، ޓްރާންސްފޯމަރ ސަބްސްޓޭޝަންތައް ޤާއިމުކުރަމުންނެވެ. އަދި ރައްޔިތުންނަށް ލުއިކޮށްދިނުމުގެ ގޮތުން، މީހުން ދިރިއުޅޭ ހިސާބުތަކުގަިއ ޤާއިމުކުރެވިފައިވާ އިންޖީނުގެތައް ދުރަށް ބަދަލުކުރުމުގެ މަސައްކަތް ކުރަމުންދާކަމަށް ސްޓެލްކޯގެ މެނޭޖިން ޑިރެކްޓަރ ހުސައިން ފަހުމީ ވަނީ ވިދާޅުވެފައެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
