މަޖީދިއްޔާގެ އައު އިމާރާތަށް ބޮޑު ބިމެއް، ޒަމާނީ އިމާރާތުގެ މަސައްކަތް ދެ މަސްތެރޭ ފަށަނީ
ލިޔުންތެރިޔާ
އަހުމަދު ހަމީދު އާދަމް
މަޖީދިއްޔާ ސުކޫލުގެ އައު އިމާރާތުގެ މަސައްކަތް ކުރިއަށް އޮތް ދެ މަސް ދުވަސްތެރޭ ފެށޭނެ ކަމަށް އެޑިއުކޭޝަން މިނިސްޓަރު ޑރ. އިސްމާއީލް ޝަފީއު ވިދާޅުވެއްޖެ އެވެ.
މަޖީދިއްޔާ ސްކޫލުގެ "ސައްތަވީ ބިނާ" އިފްތިތާހުކުރުމަށް ބޭއްވި ރަސްމިއްޔާތުގައި 2024 ވަނަ އަހަރު ރައީސުލްޖުމްހޫރިއްޔާ ޑރ. މުހައްމަދު މުޢިއްޒު ވަނީ މަޖީދިއްޔާ ސުކޫލަށް ޒަމާނީ އިމާރާތެއް ބިނާކޮށް ދެއްވާނެ ކަމަށް ވިދާޅުވެފަ އެވެ. އެ ސުކޫލު އިމާރާތް ކުރާނީ ރާއްޖޭގެ ފުރަތަމަ ސްމާޓް ކްލާސްރޫމްތަކާ އެކު އެވެ. އެގޮތުން ޖުމްލަ 40 ކުލާސް ރޫމްގެ އިމާރާތެއް ބިނާކުރާނެ ކަމަށް ރައީސް ވިދާޅުވި އެވެ.
މިނިސްޓަރު ވިދާޅުވި ގޮތުގައި މަޖީދިއްޔާ އައު އިމާރާތުގެ ކުރެހުމުގެ މަސައްކަތް ވަނީ ނިމިފަ އެވެ. އަދި ވިދާޅުވީ އިމާރާތް ކުރުމުގެ މަސައްކަތް ކުރިއަށް އޮތް ދެ މަސްތެރޭ ފެށޭނެ ކަމަށް ވިދާޅުވި އެވެ.
ފެޑޯ ޕްރައިވެޓް ލިމިޓެޑާއި ހަވާލުޮކޮށްފައިވާ މި މަޝްރޫއުގެ ދަށުން މަޖީދިއްޔާ ސުކޫލުގެ އައު އިމާރާތް އަޅާނީ ދަރުމަވަންތަ ސުކޫލު ކުރީން ހިންގި އިމާރާތް ހުރި ބިމާއި އެ ބިމާއި ޖެހިގެން އޮތް ޕާކިން ހިމެނޭ ބިިމުގަ އެވެ.
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
