އިމާމުންނާއި ހަތީބުންނަށް ހާއްސަ ހެދުމުގެ ނަކަލެެއް; ހިޔާލަށް ހުޅުވާލައިފި
ރާއްޖޭގެ އިމާމުން ނަމާދު ކުރާއިރުލާނެ ހެދުމެެއްގެ ނަކަލެއް އާންމުކޮށް އާންމުންގެ ހިޔާލަށް ހުޅުވާލައިފި އެވެ.
އިސްލާމިކް މިނިސްޓަރު ޑރ. މުހައްމަދު ޝަހީމް އަލީ ސައީދު މިރޭ ވަނީ އިމާމުންނާއި ހަތީބުންނަށް ހާއްސަ ހެދުމުގެ ނަކަލެއް އާންމުކޮށްފަ އެވެ. މިނިސްޓަރު ވިދާޅުވީ މިއީ ނަކަލެއް ކަަމަށާ އާންމުންގެ ހިޔާލަށް ހުޅުވާލާފައިވާ ކަމަށެވެ.
މިނިސްޓަރު ވިދާޅުވީ މިއީ އަދި ފުރަތަމަ ސްޓޭޖުގައިވާ ކަމެއް ކަމަށާ މިކަން ނިމިގެންދާން ބޭނުންވަނީ ވީހާވެސް ގިނަ ހިޔާލުތަކާއިއެކު އުފެދޭ ނަތީޖާއެއްގެ މައްޗަށް ކަމަށެވެ.
އަދި ވިދާޅުވީ އިމާމުންނާއި ހަތީބުންނަށް ހާއްސަކޮށް ތައްޔާރުކުރާ ހެދުމަކީ ރާއްޖޭގެ ތާރީހާއި ސަގާފަތުގެ އަސަރު ހިމެނޭ ހެދުމަކަށް ވާނެ ކަމަށެވެ.
މިނިސްޓަރު ވިދާޅުވި ގޮތުގައި އިމާމުންގެ ހެދުން ފަރުމާކުރުމުގައި ބަލާނީ އާސާރީ މިސްކިތްތަކާއި ތާރީހުން ފެންނަން ހުރި ދިވެހިވަންތަ އިސްލާމީ ހަޝާރަތުގެ ބަހާތަކުގެ މައްޗަށް ކަމަށެވެ.
މިނިސްޓްރީގެ އަމާޒަކީ އަންނަ ރޯދަމަހަށް ތަންފީޒުވާ ގޮތަށް މިކަން ނިންމުން ކަމުގައިވެސް ވިދާޅުވި އެވެ.
އިމާމުވެ ނަމާދުކުރާއިރު ތާކިހާ ހިމެނޭހެން އަޅާނެ ހެދުމެއް ދިވެހި އިމާމުންނަށް އޮތުމަކީ ރަނގަޅު ކަމެއްގެ ގޮތުގައި މިނިސްޓަރު ފާހަގަ ކުރެއްވި އެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
