މާލެ އުތުރު ފަރާތު ބަނދަރުގެ ޖެޓީތައް ތަރައްގީކުރަނީ، އުޅަނދުތައް ނަގަން ދެ ދުވަސް
ލިޔުންތެރިޔާ
އަހުމަދު ހަމީދު އާދަމް
މާލެ އުތުރު ފަރާތު ބަނދަރުގެ ޖެޓީތައް ތަރައްގީ ކުރަން ނިންމައިފި އެވެ.
އެކަން ހާމަކޮށް މިނިސްޓްރީ އޮފް އިންފްރާސްޓްރަކްޗަރ، ހައުސިންގ އެންޑް އަރބަން ޑިވެލޮޕްމަންޓުން ބުނީ މާލެ އުތުރު ފަރާތު ބަނދަރު ބޭނުންކުރުމުގައި ދިމާވާ ދަތިތަކަށް ޙައްލެއް ހޯދައިދިނުމުގެ ގޮތުން، އެ ސަރަޙައްދުގެ ޖެޓީތައް ތަރައްގީކުރުމުގެ އަމަލީ މަސައްކަތް ފެށުމަށް ވަނީ ހަމަޖެހިފައި ކަމަށެވެ.
އެހެންކަމުން، މަސްވެރިންގެ ޕާކު ސަރަހައްދުން ފެށިގެން ނާދީ ގޯޅިއާ ހަމައަށް އަޅާފައިވާ އުޅަނދުފަހަރު، އަންނަ ހުކުރު ދުވަހުގެ ރޭގަނޑު 11:00 ގެ ކުރިން އެ ސަރަހައްދުން ނެގުމަށް ވަނީ އަންގާފަ އެވެ.
އަދި ބުނީ މި ތާރީހުގެ ފަހުން ނުނަގައި ހުންނަ އުޅަނދުފަހަރު، އެ މިނިސްޓްރީގެ ފަރާތުން ނަގާނެ ކަމަށެވެ.
މާލެ އުތުރު ފަރާތު ބަނދަރުގެ ޖެޓީތައް ވަނީ ވަރަށް ބޮޑަށް މަރާމާތަށް ބޭނުންވެފަ އެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
