އެމްޑަބްލިޔުއެސްސީ ޝޯރޫމުގެ 10 ވަނަ އަހަރީ ދުވަހާ ގުޅިގެން ޚާއްޞަ ޕްރޮމޯޝަނެއް ފަށައިފި
އެމްޑަބްލިޔުއެސްސީގެ ޝޯރޫމަށް 10 އަހަރު ފުރުމާ ގުޅިގެން ބޮޑެތި އަގުހެޔޮ ކެމްޕެއިނެއް އެ ކުންފުނިން ފަށައިފިއެވެ.
މި ޕްރޮމޯޝަން ކުރިއަށް ގެންދިއުމަށް ހަމަޖެހިފައި ވަނީ މި އަހަރުގެ ސެޕްޓެމްބަރު 29 އިން ނޮވެމްބަރު 29 ގެ ނިޔަލަށެވެ. ޕްރޮމޯޝަންގައި އަގުހެޔޮކޮށް ލިބެން ހުންނާނެ ބާވަތްތަކުގެ ތެރޭގައި ތަފާތު ވައްތަރުގެ ފެން މީޓަރާއި ޕަންޕާއި ފެން ތަހުލީލުކުރުމަށް ބޭނުންކުރާ އާލާތްތައް ހިމެނެއެވެ.
މި މުއްދަތުގައި ވިޔަފާރިކުރާ ހުރިހާ ފަރާތަކަށް ވެސް ޚާއްޞަ އަގުތަކެއް ކަނޑައަޅާފައިވާ ކަމަށް އެމްޑަބްލިޔުއެސްސީން ބުނެފައިވެއެވެ.
ޕްރޮމޯޝަނާ ގުޅޭ އިތުރު މަޢުލޫމާތު ސޭލްސް ހޮޓްލައިން 7960022 މެދުވެރިކޮށް ނުވަތަ [email protected] އީމެއިލް މެދުވެރިކޮށް ލިބޭނެ ކަމަށް ވެސް އެ ކުންފުނިން ބުނެފައިވެއެވެ. މީގެ އިތުރުން ސީދާ ޝޯރޫމަށް ޒިޔާރަތްކޮށްގެން ވެސް މަޢުލޫމާތު ހޯދޭނެއެވެ.
އެމްޑަބްލިޔުއެސްސީ ޝޯރޫމަކީ ފެނާއި ނަރުދަމާގެ މަސައްކަތްތަކަށް ބޭނުންވާ ސާމާނާއި ސްޕެއާ ޕާޓްސް އަދި ފެން ތަހުލީލުކުރުމުގެ ޚިދުމަތް ފޯރުކޮށްދިނުމަށް 2016 ވަނަ އަހަރު ހުޅުވި ޓްރޭޑް ސެންޓަރެކެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
