އެމްޕީއެލްގެ ބޮޑު ވައްކަން 6.7 މިލިއަނަށް އަރާ، 5 މީހެއްގެ މައްޗަށް ދައުވާ ކުރަނީ
ދުނިޔެއަށް ކުރިމަތިވި އާލަމީވަބާ ކޮވިޑް 19 ގެ ތެރޭގައި، 2020 ވަނަ އަހަރު މާލޭ ވިޔަފާރި ބަނދަރުގައި ހިންގި ތެލުގެ ބޮޑުވައްކަމުގައި، ހިޔާނާތުގެ ގޮތުގައި 6.7 މިލިޔަން ރުފިޔާ ބޭނުންކޮށްފައިވާ ކަމަށް ދިވެހި ފުލުހުންގެ ޢިދާރާއިން ހާމަކޮށްފިއެވެ.
ދިވެހި ފުލުހުންގެ ފަރާތުން މިކަން ހާމަކޮށްފައިވަނީ މިއަދު އިސްކަންދަރު ކޮށީގައި ބޭއްވި ނޫސްވެރީންގެ ބައްދަލްވުމެއްގައި ޗީފް އިންސްޕެކްޓަރ އޮފް ޕޮލިސް ޔޫސުފް ލޫތެވެ.
ލޫތު ހާމަކުރެއްވި ގޮތުގައި މާލޭ ވިޔަފާރި ބަނދަރުގައި އެމްޕީއެލްގެ މުއައްޒަފުންތަކެއް ހިންގި މި ވައްކަށް ހިންގާފައިވަނި 2020 ވަނަ އަހަރުގެ ޖެނުއަރީ މަހުން ފެށިގެން އެއަހަރުގެ އޮކްޓޫބަރ މަހުގެ ނިޔަލަށެވެ.
މި ބޮޑު ވައްކަމުގެ ތަފުސީލް ދެއްވަމުން ލޫތު ވިދާޅުވީ މި ވައްކަމުގެ ތުހުމަތު ކުރެވެނީ ފަސް މީހަކަށް ކަމަށާއި އޭގެ ތެރޭގައި ހިމެނެނީ އެފްއެސްއެމްގެ ތިން މުވައްޒަފަކާއި އެމްޕީއެލްގެ ދެ މުއައްޒަފެއް ކަމަށެވެ. އަދި އޭގެ ތެރެއިން 4 މީހުންނަކީ ދިވެހިން ކަމަށާއި އަނެއް މީހާއަކީ ބިދޭސީއެއް ކަމަށްވެސް ލޫތު ވިދާޅުވިއެވެ.
ތަފްސީލް ދެއްވަމުން ލޫތު ވިދާޅުވީ މިކަމުގައި ތުހުމަތު ކުރެވެ ބިދޭސީ މީހާގެ އެކައުންޓަށް 2018 ވަނަ އަހަރުން ފެށިގެން 2020 ވަނަ އަހަރުގެ ނޮވެމްބަރާއި ހަމައަށް މި ހިޔާނާތާއި ގުޅުންހުރި ފައިސާ ޖަމާވެފައިވާ ކަމަށެވެ.
"އަޅުގަނޑުމެންނަށް ފާހަގަ ވަނީ އެމްޕީއެލް އަށް ޑެލިވަރީ ނުކުރާ ތެޔޮތަކެއް އެމްޕީއެލަށް ލިބިފައިވާ ކަމަށް ބަޔާންކޮށް 119 ޑެލިވަރީ އޯޑާ އަކަށް އެމްޕީއެލްގެ ފަރާތުން އެފްއެސްއެމަށް ފައިސާ ދޫކޮށް މި ފައިސާ އަށް ހިޔާނާތްތެރިވެފައިވާ ކަމަށް،"
ތަފްސީލް ދެއްވަމުން ލޫތު ވިދާޅުވިއެވެ.
މިއަދުގެ ނޫސްވެރިންގެ ބައްދަލުވުމުގައި ޗީފް އިންސްޕެކްޓަރ އޮފް ޕޮލިސް ޔޫސުފް ލޫތު ވިދާޅުވީ މި މައްސަލަ މިހާރުވަނީ ތަޙްޤީގު ނިންމުމަށް ފަހު 5 މީހެއްގެ މައްޗަށް ދަޢުވާ ކޮށްދިނުމަށް އެދި ޕީޖީ އޮފީހަށް ފޮނުވިފައެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
