ބޭންކް އޮފް ސިލޯން- ރާއްޖެ- ފޮޓޯ/ ބޭންކް އޮފް ސިލޯން
ބޭންކް އޮފް ސިލޯން- ރާއްޖެ- ފޮޓޯ/ ބޭންކް އޮފް ސިލޯން
ހަބަރު 09 Oct 2026 | 12:43

ވަގު ލިޔުން ހަދައިގެން ކަސްޓަމަރެއްގެ އެކައުންޓުން ޑޮލަރު ވަގަށް ނެގި ބޭންކް އޮފް ސިލޯން-ރާއްޖޭގެ ކުރީގެ ވެރިޔަކު ޖަލަށްލާން ހުކުމްކޮށްފި

ބޭންކް އޮފް ސިލޯން (ބީއޯސީ) ގެ މާލޭ ބްރާންޗުގެ ކަސްޓަމަރެއްގެ އެކައުންޓުން، އޭނާއަށް ނޭނގި ސައްހަނޫން ލިޔެކިޔުން ތައްޔާރުކޮށްގެން ގިނަ އަދަދެއްގެ ފައިސާ ވަގަށް ނެގި މައްސަލާގައި އެ ބޭންކުގެ ކުރީގެ އިސް ވެރިއަކު ޖަލަށް ލުމަށާއި ޖޫރިމަނާ ކުރުމަށް ކްރިމިނަލް ކޯޓުން ހުކުމްކޮށްފިއެވެ.

ކްރިމިނަލް ކޯޓުގެ ގާޟީ ޢަލީ ނަދީމް އިއްޔެ މި ހުކުމް އިއްވަވާފައިވަނީ، ބީއޯސީގެ ކުރީގެ ޑެޕިއުޓީ ކަންޓްރީ މެނޭޖަރު އަދި ކޮމްޕްލަޔަންސް އޮފިސަރުގެ މަގާމުގައި ހުރި މާލެ، މ. މާހިންނެ، ޙަސަން ވަޙީދުގެ މައްޗަށެވެ. މިއީ 2019 ވަނަ އަހަރުން ފެށިގެން ކޯޓުގައި ހިނގަމުންދިޔަ މައްސަލައެކެވެ.

މި މައްސަލައިގައި ދައުލަތުން ޙަސަން ވަޙީދުގެ މައްޗަށް ދެ ދައުވާއެއް އުފުލިއިރު، އެ ދެ ދައުވާވެސް އެކަށީގެންވާ ޝައްކެއްނެތް މިންވަރަށް ސާބިތުވާ ކަމަށް ކޯޓުން ވަނީ ކަނޑައަޅާފައެވެ. އަދި ގާނޫނުލްއުގޫބާތުގެ ދަށުން އަދަބުގެ ދަރަޖަ ދަށްކުރުމަށްފަހު، އޭނާގެ މައްޗަށް އިއްވި ހުކުމްތަކަކީ:

އެހެން މީހެއްގެ މުދަލެއްގެ މައްޗަށް ހުއްދަނޫން ގޮތެއްގައި ބާރު ހިންގުމުގެ ކުށަށް: ދެ އަހަރާއި ނުވަ މަހާއި 11 ދުވަހުގެ ޖަލު ހުކުމެއްގެ އިތުރުން 144،000 ރުފިޔާގެ ޖޫރިމަނާއެއް.

އެނގިހުރެ ސައްހަނޫން ލިޔުމެއް އުފެއްދުމުގެ ކުށަށް: ހަ މަހާއި 18 ދުވަހުގެ ޖަލު ހުކުމެއްގެ އިތުރުން 18،000 ރުފިޔާގެ ޖޫރިމަނާއެއް.

ފައިސާ ވަގަށް ނެގި ގޮތާއި ދައުރުވި ގޮތް

ޝަރީއަތުން ނިންމެވި ނިންމެވުމުގައި ބަޔާންކޮށްފައިވާ ގޮތުގައި، 9 ޖޫން 2019 ގައި ޙަސަން ވަޙީދު ވަނީ ބީއޯސީގެ ދިވެހި އަންހެން ކަސްޓަމަރަކަށް ނޭނގި، އޭނާގެ އެކައުންޓުން 150،000 އެމެރިކާ ޑޮލަރު ޓްރާންސްފާ ކުރުމަށް ވަގު ޓްރާންސްފާ ރިކުއެސްޓެއް އަމިއްލައަށް ހަދާފައެވެ. އަދި ބޭންކުގެ މުވައްޒަފަކު މެދުވެރިކޮށް އެ ލިޔުން ޕްރޮސެސްކުރުވައި، އަބްދުالله ނަފީޤް ޕާޝާ ކިޔާ މީހެއްގެ އެކައުންޓަށް ފައިސާ ޖަމާކުރުވިއެވެ.

އެ ފައިސާ ޖަމާވިތާ އެންމެ ފަސް މިނެޓުގެ ތެރޭގައި (ހެނދުނު 10:44 ގައި) ނަފީޤް ޕާޝާގެ އެކައުންޓުން ވަނީ "ސީނިއާ އިންޓާނޭޝަނަލް ޕްރައިވެޓް ލިމިޓެޑް" ގެ އެކައުންޓަށް ފޮނުވާފައެވެ. އެ ކުންފުނިން މި ފައިސާ ބޭނުންކޮށްފައިވަނީ ރާއްޖެއިން ބޭރުގެ ހަތަރު ކުންފުންޏެއްގެ އިންވޮއިސްތަކަށް ފައިސާ ދެއްކުމަށެވެ. އަދި މި އިންވޮއިސްތަކަށް ފައިސާ ދެއްކުމަށް ސްވިފްޓް އެޕްލިކޭޝަން ހުށަހަޅާފައިވަނީ ފައިސާ ވަގަށް ނެގުމުގެ ހަ ދުވަސް ކުރިން، 2 ޖޫން 2019 ގައެވެ.

މީގެއިތުރުން، 18 ޖުލައި 2018 ގައިވެސް ހަމަ މި އުސޫލުން އެ އަންހެން މީހާގެ އެކައުންޓުން 110،000 ޑޮލަރު ނަފީޤް ޕާޝާ މެދުވެރިކޮށް ސީނިއާ އިންޓާނޭޝަނަލްއަށް ފޮނުވާފައިވާކަން އޯޑިޓް ރިޕޯޓުން ހާމަވެއެވެ.

ފޮރެންސިކް އަދި ސީސީޓީވީ ހެކިތައް

މި މައްސަލައިގައި ކުށް ސާބިތުކުރުމަށް މުހިންމު ބުރަދަނެއް ލިބުނީ ފޮރެންސިކް ހެކިތަކުންނެވެ. އެގޮތުން، ޙަސަން ވަޙީދު އޮފީހުގައި ބޭނުންކުރި ސީޕީޔޫއިން އަންހެން މީހާގެ ނަމުގައި ހެދި ވަގު ޓްރާންސްފާ ރިކުއެސްޓުގެ ވޯޑް ޓެމްޕަރަރީ ފައިލް ފެނިފައިވެއެވެ. އަދި އެ ފައިލް ޕްރިންޓުވި ވަގުތާއި، އޭނާ ކެބިންގައި އިނދެ އެ ކަރުދާސް ނެގި ވަގުތު ސީސީޓީވީ ފުޓޭޖާ ސީދާ ދިމާވެއެވެ.

ހަމައެއާއެކު، އޭނާގެ ކެބިން ތެރެއިން އެ އަންހެން މީހާގެ ސޮއި ފަރިތަކޮށްފައިވާ ކަރުދާސްކޮޅުތަކެއް ފެނިފައިވާއިރު، ފޮރެންސިކް ޑޮކިއުމަންޓް އެގްޒަމިނޭޝަން ރިޕޯޓުން ދައްކާގޮތުގައި ޓްރާންސްފާ ރިކުއެސްޓުގައިވަނީ 'ސިމިއުލޭޓެޑް މެތަޑް' ބޭނުންކޮށްގެން ފޯޖުކޮށްފައިވާ ވަގު ސޮޔެކެވެ.

މާލީ މަންފާއާއި ގުޅުންތައް

މައްސަލައިގައި ޝާމިލުވާ ފަރާތްތަކުގެ ގުޅުމަށް ބަލާއިރު، ސީނިއާ އިންޓާނޭޝަނަލްގެ މެނޭޖިން ޑިރެކްޓަރު އިބްރާހީމް ޒައިނަލް ޢާރިފަކީ ޙަސަން ވަޙީދުގެ އެންމެ ގާތް އެކުވެރިޔާ، އެކުގައި ދިރިއުޅުނު މީހާ އަދި ވިޔަފާރި ބައިވެރިޔާއެވެ. އަދި ފައިސާ ޖަމާކުރި ނަފީޤް ޕާޝާއަކީ ޒައިނަލްގެ ދޮންބައްޕައެވެ. މީގެއިތުރުން، ނޮވެމްބަރު 2018 އިން ފެށިގެން ސީނިއާ އިންޓަރނޭޝަނަލް އިން ކޮންމެ މަހަކު 52،500 ރުފިޔާގެ މަގުން ޖުމްލަ 367،500 ރުފިޔާ ޙަސަން ވަޙީދުގެ އެކައުންޓަށް ޖަމާކޮށްފައިވާކަންވެސް ތަހުގީގަށް ވަނީ އެނގިފައެވެ.

ފައިސާ ގެއްލިގެން 10 ޖޫން 2019 ގައި އެ އަންހެން މީހާ ބޭންކަށް ގޮސް މައްސަލަ ޖެއްސުމުން، މިއީ ފްރޯޑެއް ކަމަށް އޭނާ ގާތު ބުނުމަށްފަހު، ބޭންކުގެ އެހެން މުވައްޒަފުން ކައިރީ މައްސަލަ ހައްލުވެއްޖެ ކަމަށާއި އަންހެން މީހާ ހަނދާންނެތުނީ ކަމަށް ބުނެ ޙަސަން ވަޙީދު މައްސަލަ އޮޅުވާލަން މަސައްކަތްކުރި ކަމަށްވެސް ކޯޓު ހުކުމުގައި ފާހަގަކޮށްފައިވެއެވެ.

މި ލިޔުން ކަމުދިޔަނަމަ، ލައިކެއް ދެއްވާ

ކޮމެންޓް ކުރޭ

ކޮމެންޓްތައް މޮޑަރޭޓް ކުރެވޭނެއެވެ.

ކޮމެންޓްސް

މިހާތަނަށް ކޮމެންޓެއް ނެތް

ގުޅޭ ލިޔުންތައް

އުމްރާއަށް ގެންދާނެ ކަމަށް ބުނެ އަސްކޮއެ ގުރޫޕުން 109 މީހަކަށް ލަނޑުދިން މައްސަލަ: ދައުވާކޮށްދޭން އެދިއްޖެ
22 Nov 2026 ހަބަރު

އުމްރާއަށް ގެންދާނެ ކަމަށް ބުނެ އަސްކޮއެ ގުރޫޕުން 109 މީހަކަށް ލަނޑުދިން މައްސަލަ: ދައުވާކޮށްދޭން އެދިއްޖެ

އެ ފައިސާގެ އަދަދު 2،660،300ރ (ދެމިލިއަން ހަލައްކަ ފަސްދޮޅަސް ހާސް ތިންސަތޭކަ ރުފިޔާ) އަށް އަރަ އެވެ.

ކަސްޓަމްސްގެ އޮޕަރޭޝަންތަކުގައި ސަވައިލަންސް ޑްރޯން އާއި ބޮޑީވޯން ކެމެރާ ބޭނުންކުރަން ފަށައިފި
22 Nov 2026 ހަބަރު

ކަސްޓަމްސްގެ އޮޕަރޭޝަންތަކުގައި ސަވައިލަންސް ޑްރޯން އާއި ބޮޑީވޯން ކެމެރާ ބޭނުންކުރަން ފަށައިފި

މި އޮޕަރޭޝަންތަކުގައި ބޭނުންކުރުމަށް ހަމަޖެހިފައިވާ ބޮޑީވޯން ކެމެރާއަކީ އެމެރިކާއިން ހަދިޔާކޮށްފައިވާ ވަސީލަތެކެވެ.

އެފްޑީސީއަށް ހުށަހެޅުނު މައްސަލަތަކުގެ 87 އިންސައްތަ ހައްލުކޮށްފި
22 Nov 2026 ހަބަރު

އެފްޑީސީއަށް ހުށަހެޅުނު މައްސަލަތަކުގެ 87 އިންސައްތަ ހައްލުކޮށްފި

ފަހި ދިރިއުޅުން ކޯޕަރޭޝަން (އެފްޑީސީ) އިން ހުޅުމާލޭގައި ތަރައްޤީކޮށްފައިވާ "އަމާން އުދަރެސް" އަދި "އަމާން ދޯދި" ޓަވަރުތަކުގައި ދިރިއުޅޭ ރައްޔިތުން ހުށަހެޅި ޝަކުވާތަކާއި މައްސަލަތަކުގެ 87 އިންސައްތަ ހައްލުކޮށްދީފިއެވެ.

ޝާހިދު ބަންދުކުރަން ކުރި އަމުރަށް ހައިކޯޓުން ތާއީދު ކޮށްފި
22 Nov 2026 ހަބަރު

ޝާހިދު ބަންދުކުރަން ކުރި އަމުރަށް ހައިކޯޓުން ތާއީދު ކޮށްފި

18 އަހަރުން ދަށުގެ ކުޑަކުއްޖަކަށް ޖިންސީ ގޯނާކުރިކަމުގެ ތުހުމަތުގައި، ދިވެހިރާއްޖޭގެ ކުރީގެ ފޮރިން މިނިސްޓަރު އަދި އެމްޑީޕީގެ ކުރީގެ ރައީސް އަބްދުﷲ ޝާހިދު ހައްޔަރުކުރުމަށް ކްރިމިނަލް ކޯޓުން ނެރުނު އަމުރަށް ހައިކޯޓުން ތާއީދު ކޮށްފިއެވެ.

ރާއްޖެއިން ފުރަތަމަ ފަހަރަށް "ރުފަސް-ޓެއިލްޑް ރޮކް ތުރަޝް" ދޫނި ފެނިއްޖެ
22 Nov 2026 ހަބަރު

ރާއްޖެއިން ފުރަތަމަ ފަހަރަށް "ރުފަސް-ޓެއިލްޑް ރޮކް ތުރަޝް" ދޫނި ފެނިއްޖެ

ދިވެހިރާއްޖެއިން މީގެ ކުރިން ދުވަހަކުވެސް ފެނިފައިނުވާ ދޫނީގެ ބާވަތެއް ކަމަށްވާ "ރުފަސް-ޓެއިލްޑް ރޮކް ތުރަޝް" މ. މުލި އިން ފެނިއްޖެއެވެ.

އަލިފާން ނިއްވުމާ ގުޅޭ އަސްކަރީ ތަމްރީންތަކެއް މާލެ ސަރަހައްދުގައި ފަށައިފި
22 Nov 2026 ހަބަރު

އަލިފާން ނިއްވުމާ ގުޅޭ އަސްކަރީ ތަމްރީންތަކެއް މާލެ ސަރަހައްދުގައި ފަށައިފި

ކުއްލި ނުރައްކަލުގެ ހާލަތްތަކުގައި އިދާރާތައް ގުޅިގެން ހަރަކާތްތެރިވުމުގެ ގާބިލުކަން އިތުރުކުރުމުގެ ގޮތުން، އެމްއެންޑީއެފުން މާލެ ސަރަހައްދުގައި ކުރިއަށްގެންދާ އަސްކަރީ ތަމްރީނުތަކުގެ ތެރެއިން އަލިފާން ނިއްވުމުގެ ހާއްސަ ހަރަކާތްތަކެއް މިއަދު ފަށައިފިއެވެ.

ދައުލަތުގެ އިމާރާތްތަކުގައި ހުޅުޖެހުމަށް ހިތްވަރުދިން ޒިހާންގެ ބަންދަށް އިތުރު 16 ދުވަސް
22 Nov 2026 ހަބަރު

ދައުލަތުގެ އިމާރާތްތަކުގައި ހުޅުޖެހުމަށް ހިތްވަރުދިން ޒިހާންގެ ބަންދަށް އިތުރު 16 ދުވަސް

ދައުލަތުގެ އިމާރާތްތަކުގައި ހުޅުޖެހުމަށް ހިތްވަރުދިން މައްސަލައިގައި ހައްޔަރުކޮށްފައިވާ ޒިހާން ހަސަންގެ ބަންދަށް އިތުރު 16 ދުވަސް ކޯޓުން ޖަހައި، ޖުމްލަ 45 ދުވަހަށް ބަންދުގެ މުއްދަތު އިތުރުވެއްޖެއެވެ.

ލޯބީގެ ދަލުގައި ޖައްސައިގެން ހިންގާ ސްކޭމްތަކަށް ސަމާލުވުމަށް ފުލުހުން އިލްތިމާސްކޮށްފި
15 Nov 2026 ހަބަރު

ލޯބީގެ ދަލުގައި ޖައްސައިގެން ހިންގާ ސްކޭމްތަކަށް ސަމާލުވުމަށް ފުލުހުން އިލްތިމާސްކޮށްފި

އިންޓަނެޓް މެދުވެރިކޮށް މީހުންނާ ގުޅުން ބަދަހިކޮށް، ލޯބީގެ ދަލުގައި ޖައްސައިގެން ފައިސާ ހޯދުމަށް ހިންގާ "ރޮމޭންސް ސްކޭމް" ތަކަށް ސަމާލުވުމަށް ދިވެހި ފުލުހުންގެ ޚިދުމަތުން މިއަދު އިލްތިމާސްކޮށްފިއެވެ.