ޔުމްނު ވެއްޓުނު ހާދިސާއާ ގުޅޭ ތަހުގީގު ރިޕޯޓް އާއްމު ކުރަން ރައީސް މުޢިއްޒު އަންގަވައިފި
އޭޕްރީލް 18 ވަނަ ދުވަހު ހ. ފެންޓެނޯއީ ގެއިން, ގުދަނެއްގެ ފުރާޅު މައްޗަށް ވެއްޓިފައި އޮއްވައި ފެނުނު ހައްވާ ޔުމްނު ރަޝީދު ނަމަކަށް ކިޔާ އަންހެންމީހާ ވެއްޓުނު ހާދިސާއާ ގުޅޭ ރިޕޯޓް އާއްމު ކުރައްވަން ރައީސުލްޖުމްހޫރިއްޔާ ޑރ. މުހައްމަދު މުއިއްޒުއަށް އަންގަވައިފިއެވެ.
މި މައްސަލައާ ގުޅޭ ތަހުގީގު ހިންގުމަށް އުފެއްދި އިންކުއަރީ ކޮމިޝަނުން، އެ މަސައްކަތް ނިންމައި، އޭގެ ފައިނަލް ރިޕޯޓް ރައީސް މުއިއްޒަށް މިއަދު ވަނީ އަރުވައިފައެވެ.
ޔުމްނު ވެއްޓުނު މައްސަލަ ބަލައި، އެ މައްސަލައާ ގުޅިގެން މިނިވަން، މުސްތަގިއްލު އަދި އިތުބާރު ހިފޭ ތަހުގީގެއްކުރުމަށް ކުރުމަށް ރައީސުލްޖުމްހޫރިއްޔާ މި ކޮމިޝަނު އެކުލަވާލާފައިވަނީ، އޭޕްރިލްމަހުގެ 27 ވަނަ ދުވަހުއެވެ. މި ކޮމިޝަނުގެ ރައީސްއަކީ ކުރީގެ ބަންޑާރަނައިބު ޑރ.މުހައްމަދު މުނައްވަރެވެ.
އެ ކޮމިޝަނުންވަނީ މި މައްސަލާގައި ހިމެނޭ ރައުދު އަހުމަދު ޒިލާލް އާވެސް ވަނީ ސުވާލު ކޮށްފައެވެ. ރައުދު އަކީ ޔުމްނު ވެއްޓުމާ ޖެހެންދެން ފަހުވަގުތާ ހަމައަށް އޭނާއާއެކު އުޅުނު މީހާއެވެ.
މީގެ އިތުރުން، އެ ކޮމިޝަނުން ވަނީ މި މައްސަލައާއި ގުޅުން ހުރި ތަންތަނަށްވެސް ޒިޔާރަތް ކޮށްފައެވެ.
މީގެ އިތުރުން، އެ ކޮމިޝަނުން ވަނީ، ޔުމްނު ވެއްޓުނު ހާދިސާއާ ގުޅޭގޮތުން، މަޢުލޫމާތާއި، ފޮޓޯ/ވީޑިއޯ ނުވަތަ އެނޫންވެސް ލިޔުންތައް އެ ކޮމިޝަނާ ޙިއްސާކުރުމަށާ، އެ ކޮމިޝަނުގެ މަސައްކަތާ ގުޅޭގޮތުން ސުވާލު ކުރަން ޚާއްސަ ޕޯޓަލެއްވެސް ޤާއިމް ކޮށްގެން މައުލޫމާތު އެއްކޮށްފައެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
