މިއަދުގެ ނޫސްވެރިންގެ ބައްދަލުވުމުގެ ތެރެއިން- ފޮޓޯ/ ރައީސް އޮފީސް
މިއަދުގެ ނޫސްވެރިންގެ ބައްދަލުވުމުގެ ތެރެއިން- ފޮޓޯ/ ރައީސް އޮފީސް
ހަބަރު 24 Aug 2026 | 13:08

ޑޮލަރުން މުސާރަދިނުން ހުއްޓުވައި، ހުރިހާ މުޢާމަލާތެއް ރުފިޔާއިން ކުރާގޮތް ހަދަނީ

ރާއްޖޭގެ އެތެރޭގައި ޑޮލަރުން މުސާރަ ދިނުމާއި ޚިދުމަތްތަކަށް ޑޮލަރުން އަގު ނެގުން ހުއްޓުވައި 2030 ވަނަ އަހަރާ ހަމައަށް އެންމެހައި މުއާމަލާތްތައް ދިވެހި ރުފިޔާއިން ހިންގާ ނިޒާމަކަށް ބަދަލުކުރުމަކީ މޯލްޑިވްސް މަނިޓަރީ އޮތޯރިޓީ (އެމްއެމްއޭ) ގެ އަމާޒެއް ކަމަށް ގަވަރުނަރު އަޙްމަދު މުނައްވަރު މިއަދު ވިދާޅުވެއްޖެއެވެ.

ކަޅުބާޒާރުގައި ބޮޑު އަގުގައި ޑޮލަރު ވިއްކާ މައްސަލައާ ގުޅޭ ގޮތުން ރައީސް އޮފީހުގައި ބޭއްވި ނޫސްވެރިންގެ ބައްދަލުވުމުގައި ގަވަރުނަރު ވިދާޅުވީ، ރާއްޖޭގެ އެތެރޭގެ މާކެޓުގައި ބޭރު ފައިސާ ބޭނުންކުރާ ނިސްބަތް ހުރީ %40 އިން މަތީގައި ކަމަށެވެ. އަދި އެމްއެމްއޭގެ ތަސައްވަރަކީ، ދިވެހި ރުފިޔާގެ ޑިމާންޑް އިތުރުކޮށް، ދިވެހި ރުފިޔާ އަށް ރާއްޖޭގެ އެތެރޭގެ ހުރިހާ މުއާމަލާތެއް ބަދަލުވުން ކަމަށެވެ.

"މުސާރަތައް ވެސް މިހާރު މިސާލަކަށް މި ދެނީ ޓީއެމްއޭ އަށް ބެލި ނަމަވެސް ރިސޯޓުތަކަށް ބެލި ނަމަވެސް ޑޮލަރުން. އެހެންވީމާ ޑޮލަރުން މުސާރަ ދިނުމުގެ ކަންތަކަށް ވެސް ބަދަލެއް އަންނަން ޖެހޭނެ. އޭރުން ދިވެހި ރުފިޔާ އަށް އޮންނަ ޑިމާންޑު އިތުރުވެގެން ދާނީ،"

ގަވަރުނަރު އަޙްމަދު މުނައްވަރު
ގަވަރުނަރު އަޙްމަދު މުނައްވަރު

މުނައްވަރު ވިދާޅުވީ 40 ނުވަތަ 50 އަހަރު ދެމިގެން އައި ނިޒާމަކަށް ގެންނަ މި ފެންވަރުގެ ބަދަލެއް ކުއްލިއަކަށް ތަންފީޒު ނުކުރެވޭނެ ކަމަށެވެ. ނަމަވެސް ދުރު ރާސްތާ ތަސައްވުރެއްގެ ގޮތުން 2030 އާ ހިސާބަށް ދާއިރު ރާއްޖޭގެ އެތެރޭގެ މުޢާމަލާތްތައް ފުރިހަމައަށް ރުފިޔާއަށް ބަދަލުވެ ނިމެންވާނެ ކަމަށް ވިދާޅުވިއެވެ.

"އެމްއެމްއޭގެ ވިޒަން އަކީ 2030 ހާ ހަމައަށް މި ބަދަލުތައް ގެނެވިގެން ދިޔުން."

ގަވަރުނަރު އަޙްމަދު މުނައްވަރު

މި ބަދަލުގެ ދާއިރާ ވަރަށް ފުޅާ ކަމަށް ގަވަރުނަރު ވިދާޅުވިއެވެ. އެގޮތުން، ފަތުރުވެރިކަމުގެ ދާއިރާއިން އެއާޕޯޓުތަކަށާއި ސަރުކާރަށް ކުލީގެ ގޮތުގައި ދައްކާ ޑޮލަރު ފައިސާގެ އިތުރުން ރިސޯޓުތަކާއި އަމިއްލަ ކުންފުނިތަކުން މުވައްޒަފުންނަށް ޑޮލަރުން ދެމުން އަންނަ މުސާރަތައް ވެސް ރުފިޔާއަށް ބަދަލުކުރަން ޖެހޭނެއެވެ. މި ބަދަލުތައް ނުގެނެސް ދިވެހި ރުފިޔާއަށް އޮންނަ ޑިމާންޑް އިތުރުކުރެވެން ނެތް ކަމަށް ވެސް ވިދާޅުވިއެވެ.

މި ލިޔުން ކަމުދިޔަނަމަ، ލައިކެއް ދެއްވާ

ކޮމެންޓް ކުރޭ

ކޮމެންޓްތައް މޮޑަރޭޓް ކުރެވޭނެއެވެ.

ކޮމެންޓްސް

މިހާތަނަށް ކޮމެންޓެއް ނެތް

ގުޅޭ ލިޔުންތައް

އުމްރާއަށް ގެންދާނެ ކަމަށް ބުނެ އަސްކޮއެ ގުރޫޕުން 109 މީހަކަށް ލަނޑުދިން މައްސަލަ: ދައުވާކޮށްދޭން އެދިއްޖެ
22 Nov 2026 ހަބަރު

އުމްރާއަށް ގެންދާނެ ކަމަށް ބުނެ އަސްކޮއެ ގުރޫޕުން 109 މީހަކަށް ލަނޑުދިން މައްސަލަ: ދައުވާކޮށްދޭން އެދިއްޖެ

އެ ފައިސާގެ އަދަދު 2،660،300ރ (ދެމިލިއަން ހަލައްކަ ފަސްދޮޅަސް ހާސް ތިންސަތޭކަ ރުފިޔާ) އަށް އަރަ އެވެ.

ކަސްޓަމްސްގެ އޮޕަރޭޝަންތަކުގައި ސަވައިލަންސް ޑްރޯން އާއި ބޮޑީވޯން ކެމެރާ ބޭނުންކުރަން ފަށައިފި
22 Nov 2026 ހަބަރު

ކަސްޓަމްސްގެ އޮޕަރޭޝަންތަކުގައި ސަވައިލަންސް ޑްރޯން އާއި ބޮޑީވޯން ކެމެރާ ބޭނުންކުރަން ފަށައިފި

މި އޮޕަރޭޝަންތަކުގައި ބޭނުންކުރުމަށް ހަމަޖެހިފައިވާ ބޮޑީވޯން ކެމެރާއަކީ އެމެރިކާއިން ހަދިޔާކޮށްފައިވާ ވަސީލަތެކެވެ.

އެފްޑީސީއަށް ހުށަހެޅުނު މައްސަލަތަކުގެ 87 އިންސައްތަ ހައްލުކޮށްފި
22 Nov 2026 ހަބަރު

އެފްޑީސީއަށް ހުށަހެޅުނު މައްސަލަތަކުގެ 87 އިންސައްތަ ހައްލުކޮށްފި

ފަހި ދިރިއުޅުން ކޯޕަރޭޝަން (އެފްޑީސީ) އިން ހުޅުމާލޭގައި ތަރައްޤީކޮށްފައިވާ "އަމާން އުދަރެސް" އަދި "އަމާން ދޯދި" ޓަވަރުތަކުގައި ދިރިއުޅޭ ރައްޔިތުން ހުށަހެޅި ޝަކުވާތަކާއި މައްސަލަތަކުގެ 87 އިންސައްތަ ހައްލުކޮށްދީފިއެވެ.

ޝާހިދު ބަންދުކުރަން ކުރި އަމުރަށް ހައިކޯޓުން ތާއީދު ކޮށްފި
22 Nov 2026 ހަބަރު

ޝާހިދު ބަންދުކުރަން ކުރި އަމުރަށް ހައިކޯޓުން ތާއީދު ކޮށްފި

18 އަހަރުން ދަށުގެ ކުޑަކުއްޖަކަށް ޖިންސީ ގޯނާކުރިކަމުގެ ތުހުމަތުގައި، ދިވެހިރާއްޖޭގެ ކުރީގެ ފޮރިން މިނިސްޓަރު އަދި އެމްޑީޕީގެ ކުރީގެ ރައީސް އަބްދުﷲ ޝާހިދު ހައްޔަރުކުރުމަށް ކްރިމިނަލް ކޯޓުން ނެރުނު އަމުރަށް ހައިކޯޓުން ތާއީދު ކޮށްފިއެވެ.

ރާއްޖެއިން ފުރަތަމަ ފަހަރަށް "ރުފަސް-ޓެއިލްޑް ރޮކް ތުރަޝް" ދޫނި ފެނިއްޖެ
22 Nov 2026 ހަބަރު

ރާއްޖެއިން ފުރަތަމަ ފަހަރަށް "ރުފަސް-ޓެއިލްޑް ރޮކް ތުރަޝް" ދޫނި ފެނިއްޖެ

ދިވެހިރާއްޖެއިން މީގެ ކުރިން ދުވަހަކުވެސް ފެނިފައިނުވާ ދޫނީގެ ބާވަތެއް ކަމަށްވާ "ރުފަސް-ޓެއިލްޑް ރޮކް ތުރަޝް" މ. މުލި އިން ފެނިއްޖެއެވެ.

އަލިފާން ނިއްވުމާ ގުޅޭ އަސްކަރީ ތަމްރީންތަކެއް މާލެ ސަރަހައްދުގައި ފަށައިފި
22 Nov 2026 ހަބަރު

އަލިފާން ނިއްވުމާ ގުޅޭ އަސްކަރީ ތަމްރީންތަކެއް މާލެ ސަރަހައްދުގައި ފަށައިފި

ކުއްލި ނުރައްކަލުގެ ހާލަތްތަކުގައި އިދާރާތައް ގުޅިގެން ހަރަކާތްތެރިވުމުގެ ގާބިލުކަން އިތުރުކުރުމުގެ ގޮތުން، އެމްއެންޑީއެފުން މާލެ ސަރަހައްދުގައި ކުރިއަށްގެންދާ އަސްކަރީ ތަމްރީނުތަކުގެ ތެރެއިން އަލިފާން ނިއްވުމުގެ ހާއްސަ ހަރަކާތްތަކެއް މިއަދު ފަށައިފިއެވެ.

ދައުލަތުގެ އިމާރާތްތަކުގައި ހުޅުޖެހުމަށް ހިތްވަރުދިން ޒިހާންގެ ބަންދަށް އިތުރު 16 ދުވަސް
22 Nov 2026 ހަބަރު

ދައުލަތުގެ އިމާރާތްތަކުގައި ހުޅުޖެހުމަށް ހިތްވަރުދިން ޒިހާންގެ ބަންދަށް އިތުރު 16 ދުވަސް

ދައުލަތުގެ އިމާރާތްތަކުގައި ހުޅުޖެހުމަށް ހިތްވަރުދިން މައްސަލައިގައި ހައްޔަރުކޮށްފައިވާ ޒިހާން ހަސަންގެ ބަންދަށް އިތުރު 16 ދުވަސް ކޯޓުން ޖަހައި، ޖުމްލަ 45 ދުވަހަށް ބަންދުގެ މުއްދަތު އިތުރުވެއްޖެއެވެ.

މިހާރުވެސް ރިސޯޓުތައް އޮޑިޓް ކުރަން: މީރާ
11 Nov 2026 ހަބަރު

މިހާރުވެސް ރިސޯޓުތައް އޮޑިޓް ކުރަން: މީރާ

މޯލްޑިވްސް އިންލަންޑް ރެވެނިއު އޮތޯރިޓީ (މީރާ) އިން ވިޔަފާރިތައް އޮޑިޓް ކުރުމުގައި ޓޫރިޒަމް ދާއިރާގެ ވިޔަފާރިތަކާއި ރިސޯޓުތައް ވެސް މިހާރު އޮޑިޓް ކުރަމުންދާ ކަމަށާއި، މި މަސައްކަތް ކުރިއަށް ގެންދަނީ ވަކި ބަޔަކަށް ބެލުމެއްނެތި ހަމަހަމަ އުސޫލަކުން ކަމަށް އެ އިދާރާއިން ބުނެފިއެވެ.