މާލޭގައި އިތުރު ހަތަރު، ބަސް ސްޓޮޕް އިމާރާތްތަކެއް، އޭޓީއެމް ހުންނާނެ
ލިޔުންތެރިޔާ
އަހުމަދު ހަމީދު އާދަމް
މާލޭގައި އޭޓީއެމްގެ ހިދުމަތް ލިބޭ ގޮތަށް ބަސް ސޮޓޮޕް އިމާރާތްތަކެއް ތަރައްގީ ކުރުމަށް، މާލެ ސީޓީ ކައުންސިލާއި މޯލްޑިވްސް އިސްލާމިކް ބޭންކް (އެމްއައިބީ) އާއި އެކު އެއްބަސްވުމެއްގައި ސޮއިކޮށްފި އެވެ.
އެކަމުގެ އެއްބަސްވުމުގައި ކައުންސިލާއި އެމްއައިބީން މިހާރު ވަނީ ސޮއިކޮށްފަ އެވެ.
ސިޓީ ކައުންސިލުން ބުނީ މި އެއްބަސްވުމުގެ ދަށުން މާލޭގެ ހަތަރު ސަރައްދެއްގައި އިމާރާތްތަކެއް ކުރާނެ ކަމަށެވެ. އެ ގޮތުން މާލޭގެ މީހުން ގިނައިން އެއްވެ އުޅޭ މުހިއްމު ސަރަހައްދުތައް ކަމަށްވާ މަޖީދީމަގާއި މާފަންނު މައިޒާނާއި އަމީނީމަގުގައި ހުންނަ ސިނަމާލެ ތިނަކާއި ބޮޑުތަކުރުފާނު މަގުގައި ހުންނަ ތައިސޭކޮށި އަދި ބޮޑުތަކުރުފާނު މަގު ރާޅުގަނޑު ސަރަހައްދުގައި މި އިމާރާތްތައް ތަރައްގީ ކުރުމަށް ވަނީ ހަމަޖެހިފައެވެ.
އާންމު ބޭނުންތަކަށް ތަރައްގީ ކުރެވޭ ވަސީލަތައް ގާއިމްކުރުމުގެ މި މަސައްކަތުގެ ހުރިހާ ހަރަދެއް އެމްއައިބީ އިން، ކުރުމަށް އެއްބަސްވެފައިވާއިރު، މި އިންތިޒާމް ބައްޓަން ކުރެވިފައިވަނީ ދިހަ އަހަރުގެ މުއްދަތަށް ކުލި ދައްކަން ނުޖެހޭ ގޮތަށެވެ. އެ ގޮތުން ބަސް ސްޓޮޕް އިމާރާތްތަކާއި، އޭޓީއެމް ކިއޮސްކްތައް ހިމެނޭ މި ވަސީލަތްތައް ފަރުމާކޮށް، އިމާރާތްކޮށް، އަދި ބެލެހެއްޓުމުގެ ޒިންމާ އަކީ އެމްއައިބީ ގެ ޒިންމާއެއް ކަމުގައި މި އެއްބަސްވުމުގައިވެ އެވެ. އަދި އެއްބަސްވުމުގެ މުއްދަތު ހަމަވުމުން ނުވަތަ ނިމުމަކަށް އައުމުން، ކުރެވިފައިވާ އިމާރާތްތަކާއި ދާއިމީ ސްޓްރަކްޗާތައް، ވެގެންދާނީ މާލެ ސިޓީ ކައުންސިލުގެ ތަނެއްގެ ގޮތުގައި ކަމަށް ވެސް އެ އެއްބަސްވުމުގައި ބަޔާންކޮށްފައިވެ އެވެ.
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
