ތާރީހީ ކާމިޔާބެއް: އަރަބިއްޔާގެ އެންމެ މޮޅު ދަރިވަރުންނަށް ދެބެއިން
ލިޔުންތެރިޔާ
އަހުމަދު ހަމީދު އާދަމް
އަލްމަދަރުސަތުލް އިސްލާމިއްޔާގެ, ދެހާސްސައުވީސް ވަނަ އަހަރު އެންމެ މޮޅު ދަރިވަރުންނަށް ދެބައިން ހޮވި އެ ސުކޫލުގެ ތާރީހުން އެ ދެބެން ޖާގަ ހޯދައިފި އެވެ.
އަރަބިއްޔާ ސުކޫލުގެ އެންމެ މޮޅު ދަރިވަރުންނަށް ހޮވުނީ މުއައްޔަދު މަބާހް މުހައްމަދާއި މުހައްމަދު މަބާހް މުހައްމަދެވެ.
މަތީ ސާނަވީ ބައިން އެއްވަނަ ދަރިވަރަކީ މުހައްމަދު މަބާހް މުހައްމަދެވެ. އަދި ސާނަވީން އެއްވަނަ ދަރިވަރަކީ އޭނާގެ ކޮއްކޮ މުއައްޔަދު މަބާހް މުހައްމަދެވެ.
މި މަހުގެ 10 ވަނަ ދުވަހުގެ ރޭ އޮތް އަހަރީ އިނާމު ދިނުމުގެ ޖަލްސާގައި މި ދެ ދަރިވަރުންގެ ކާމިޔާބީ ވަނީ ފާހަގަކޮށްފަ އެވެ.
ތައުލީމްގެ އިތުރުން މި ދެ ދަރިވަރުންނަކީ އިތުރު ހަރަކާތްތަކުގައި ވެސް ފާހަގަކޮށްލެވޭ ދަރިވަރުންނެވެ. ހާއްސަކޮށް ވާހަކަ ދެއްކުމުގެ ހުނަރެވެ. ވާހަކަ ދެއްކުމުގެ ގައުމީ މުބާރާތުން މި ދެ ދަރިވަރުން ވެސް ވަނީ ވަނަ ހޯދާފަ އެވެ.
މިއީ އަރަބިއްޔާ ސުކޫލުގައި ވެސް ވަރަށް ފާހަގަކޮށްލެވޭ އިސް މަގާމުތަކެއް ފުރާފައިވާ ދެ ދަރިވަރުންނެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
