ޗާގޯސް
ޗާގޯސް
ހަބަރު 28 Mar 2026 | 11:36

ޗާގޯސް މޮރިޝަސް އަށް ދިނުން ބަލައެއް ނުގަނެވޭނެ: ސަރުކާރު

ޗާގޯސް ޖަޒީރާ ނުވަތަ ފޯޅަވަހި މޮރިޝަސްއާ ހަވާލުކުރުމަށް އިނގިރޭސިވިލާތުން ނިންމާފައިވާ ނިންމުން ދިވެހި ސަރުކާރުން ބަލައިނުގަންނަކަން އިނގިރޭސި ސަރުކާރަށް އަންގައިފިއެވެ.

މިކަމާ ގުޅޭގޮތުން ރައީސް އޮފީހާ ހަވާލާދީ ބީބީސީން މިއަދު ބުނެފައިވަނީ، ޗާގޯސް މައްސަލާގައި ކަންބޮޑުވުންތައް ހިއްސާކޮށް، ދެ ފަހަރެއްގެ މަތިން އިނގިރޭސި ސަރުކާރަށް ލިޔުމުން އެކަން ހިއްސާކޮށްފައިވާކަމަށެވެ. މީގެ އިތުރުން އިނގިރޭސި ޑެޕިއުޓީ ޕްރައިމް މިނިސްޓަރު ޑޭވިޑް ލެމީއަށް ފޯނުން ގުޅުއްވައިވެސް މިކަން ވަނީ ހިއްސާކޮށްފައިވާކަމަށް ބީބީސީން ބުންޏެވެ.

ޗާގޯސް މައްސަލާގައި ދިވެހި ސަރުކާރުން ބުނަމުންދަނީ ޗާގޯސްއަކީ ދިވެހިރާއްޖޭގެ ސިޔާދަތީ ބާރު ހިނގާ ތަނެއްކަން ދިވެހި ސަރުކާރުން ޤަބޫލުކުރާ ކަމަށެވެ. އެގޮތުން މި ހައްގު ހޯދުމަށްޓަކައި ޤާނޫނީ ގޮތުން ކުރެވެން ހުރި ކަންކަން ކުރާނޭކަމަށް ސަރުކާރުން ވަނީ ބުނެފައެވެ. މިކަމާ ގުޅޭގޮތުން ރައީސް އޮފީހުން އިނގިރޭސި ސަރުކާރަށް ފޮނުވި ބަޔާނުގައި ބުނެފައިވަނީ، ދިވެހިރާއްޖޭގެ މަސްލަހަތުތަކަށް އެއްވެސް ރިއާޔަތްކުރުމެއް ނެތި، ހަމައެކަނި މޮރިޝަސްއާ މަޝްވަރާކޮށްގެން އިނގިރޭސިވިލާތުން މި ނިންމުން ނިންމުމަކީ އިންތިހާއަށް ކަންބޮޑުވާ ކަމެއް ކަމަށެވެ.

މި މައްސަލާގައި އިނގިރޭސި ފޮރިން އޮފީހުގެ މިނިސްޓަރު ސްޓީފަން ޑޯޓީ މިދިޔަ ފެބުރުއަރީމަހު ވިދާޅުވެފައިވަނީ، ޗާގޯސްގެ ސިޔާދަތީ ބާރުގެ މައްސަލައަކީ ހަމައެކަނި ބްރިޓަން އާއި މޮރިޝަސްއާ ގުޅޭ ކަމެއް ކަމަށާއި، އޭގެ ތެރެއަށް ރާއްޖެ ވަންނަން ނުޖެހޭނެ ކަމަށެވެ. އިނގިރޭސި ސަރުކާރުގެ މަސްދަރުތަކުން ބުނާ ގޮތުގައި ބައިނަލްއަގުވާމީ ކޯޓުތަކުން މީގެ ކުރިން ވަނީ ޗާގޯސްގެ މިލްކުވެރިކަން އޮތީ މޮރިޝަސްއަށް ކަމަށް ނިންމާފައެވެ.

އިނގިރޭސިވިލާތުން 19 ވަނަ ގަރުނުން ފެށިގެން ކޮންޓްރޯލް ކުރަމުންދާ ޗާގޯސްގެ ބޮޑު ރަށް ކަމަށްވާ ޑިއޭގޯ ގާސިއާގައި އޮންނަ އިނގިރޭސި-އެމެރިކާ އަސްކަރީ މަރުކަޒުގެ ރައްކާތެރިކަމަށްޓަކައި، އެ ސަރަހައްދު މޮރިޝަސްއަށް ބަދަލުކުރުމަށް މިދިޔަ އަހަރު އެއްބަސްވުމަކަށް އާދެވުނެވެ. މި އެއްބަސްވުމުގެ ދަށުން އަހަރަކު ގާތްގަނޑަކަށް 101 މިލިއަން ޕައުންޑް ކުލީގެ ގޮތުގައި މޮރިޝަސްއަށް ދިނުމަށް ވަނީ ހަމަޖެހިފައެވެ. އެހެންނަމަވެސް، އެމެރިކާގެ ރައީސް ޑޮނަލްޑް ޓްރަމްޕް މި އެއްބަސްވުމާ ދެކޮޅު ހެއްދެވުމާ ގުޅިގެން، މިހާރު މި މަރުހަލާ އޮތީ މަޑުޖެހިފައެވެ.

މީގެ އިތުރުން، ޗާގޯސްގެ ޑިއޭގޯ ގާސިއާ އަކީ މެދުއިރުމަތީގައި ކުރިއަށްދާ އޮޕަރޭޝަން އެޕިކް ފިއުރީ ފަދަ އަސްކަރީ ހަރަކާތްތަކުގައި އެމެރިކާއަށް ނުހަނު ބޭނުންތެރި، ސްޓްރެޓީޖިކް ގޮތުން މުހިންމު މަރުކަޒެކެވެ. މި ރަށަކީ ދުރު ރާސްތާއަށް އުދުހޭ B-2 ސްޓެލްތު ބޮމާ ފަދަ ބިޔަ ބޯޓުފަހަރު ބޭނުންކޮށްގެން ހަމަލާދިނުމަށް އޮތް އެންމެ ރައްކާތެރި ތަނެއްގެ ގޮތުގައި އެމެރިކާއިން ފާހަގަކުރާ ތަނެކެވެ.

މި ލިޔުން ކަމުދިޔަނަމަ، ލައިކެއް ދެއްވާ

ކޮމެންޓް ކުރޭ

ކޮމެންޓްތައް މޮޑަރޭޓް ކުރެވޭނެއެވެ.

ކޮމެންޓްސް

މިހާތަނަށް ކޮމެންޓެއް ނެތް

ގުޅޭ ލިޔުންތައް

އުމްރާއަށް ގެންދާނެ ކަމަށް ބުނެ އަސްކޮއެ ގުރޫޕުން 109 މީހަކަށް ލަނޑުދިން މައްސަލަ: ދައުވާކޮށްދޭން އެދިއްޖެ
22 Nov 2026 ހަބަރު

އުމްރާއަށް ގެންދާނެ ކަމަށް ބުނެ އަސްކޮއެ ގުރޫޕުން 109 މީހަކަށް ލަނޑުދިން މައްސަލަ: ދައުވާކޮށްދޭން އެދިއްޖެ

އެ ފައިސާގެ އަދަދު 2،660،300ރ (ދެމިލިއަން ހަލައްކަ ފަސްދޮޅަސް ހާސް ތިންސަތޭކަ ރުފިޔާ) އަށް އަރަ އެވެ.

ކަސްޓަމްސްގެ އޮޕަރޭޝަންތަކުގައި ސަވައިލަންސް ޑްރޯން އާއި ބޮޑީވޯން ކެމެރާ ބޭނުންކުރަން ފަށައިފި
22 Nov 2026 ހަބަރު

ކަސްޓަމްސްގެ އޮޕަރޭޝަންތަކުގައި ސަވައިލަންސް ޑްރޯން އާއި ބޮޑީވޯން ކެމެރާ ބޭނުންކުރަން ފަށައިފި

މި އޮޕަރޭޝަންތަކުގައި ބޭނުންކުރުމަށް ހަމަޖެހިފައިވާ ބޮޑީވޯން ކެމެރާއަކީ އެމެރިކާއިން ހަދިޔާކޮށްފައިވާ ވަސީލަތެކެވެ.

އެފްޑީސީއަށް ހުށަހެޅުނު މައްސަލަތަކުގެ 87 އިންސައްތަ ހައްލުކޮށްފި
22 Nov 2026 ހަބަރު

އެފްޑީސީއަށް ހުށަހެޅުނު މައްސަލަތަކުގެ 87 އިންސައްތަ ހައްލުކޮށްފި

ފަހި ދިރިއުޅުން ކޯޕަރޭޝަން (އެފްޑީސީ) އިން ހުޅުމާލޭގައި ތަރައްޤީކޮށްފައިވާ "އަމާން އުދަރެސް" އަދި "އަމާން ދޯދި" ޓަވަރުތަކުގައި ދިރިއުޅޭ ރައްޔިތުން ހުށަހެޅި ޝަކުވާތަކާއި މައްސަލަތަކުގެ 87 އިންސައްތަ ހައްލުކޮށްދީފިއެވެ.

ޝާހިދު ބަންދުކުރަން ކުރި އަމުރަށް ހައިކޯޓުން ތާއީދު ކޮށްފި
22 Nov 2026 ހަބަރު

ޝާހިދު ބަންދުކުރަން ކުރި އަމުރަށް ހައިކޯޓުން ތާއީދު ކޮށްފި

18 އަހަރުން ދަށުގެ ކުޑަކުއްޖަކަށް ޖިންސީ ގޯނާކުރިކަމުގެ ތުހުމަތުގައި، ދިވެހިރާއްޖޭގެ ކުރީގެ ފޮރިން މިނިސްޓަރު އަދި އެމްޑީޕީގެ ކުރީގެ ރައީސް އަބްދުﷲ ޝާހިދު ހައްޔަރުކުރުމަށް ކްރިމިނަލް ކޯޓުން ނެރުނު އަމުރަށް ހައިކޯޓުން ތާއީދު ކޮށްފިއެވެ.

ރާއްޖެއިން ފުރަތަމަ ފަހަރަށް "ރުފަސް-ޓެއިލްޑް ރޮކް ތުރަޝް" ދޫނި ފެނިއްޖެ
22 Nov 2026 ހަބަރު

ރާއްޖެއިން ފުރަތަމަ ފަހަރަށް "ރުފަސް-ޓެއިލްޑް ރޮކް ތުރަޝް" ދޫނި ފެނިއްޖެ

ދިވެހިރާއްޖެއިން މީގެ ކުރިން ދުވަހަކުވެސް ފެނިފައިނުވާ ދޫނީގެ ބާވަތެއް ކަމަށްވާ "ރުފަސް-ޓެއިލްޑް ރޮކް ތުރަޝް" މ. މުލި އިން ފެނިއްޖެއެވެ.

އަލިފާން ނިއްވުމާ ގުޅޭ އަސްކަރީ ތަމްރީންތަކެއް މާލެ ސަރަހައްދުގައި ފަށައިފި
22 Nov 2026 ހަބަރު

އަލިފާން ނިއްވުމާ ގުޅޭ އަސްކަރީ ތަމްރީންތަކެއް މާލެ ސަރަހައްދުގައި ފަށައިފި

ކުއްލި ނުރައްކަލުގެ ހާލަތްތަކުގައި އިދާރާތައް ގުޅިގެން ހަރަކާތްތެރިވުމުގެ ގާބިލުކަން އިތުރުކުރުމުގެ ގޮތުން، އެމްއެންޑީއެފުން މާލެ ސަރަހައްދުގައި ކުރިއަށްގެންދާ އަސްކަރީ ތަމްރީނުތަކުގެ ތެރެއިން އަލިފާން ނިއްވުމުގެ ހާއްސަ ހަރަކާތްތަކެއް މިއަދު ފަށައިފިއެވެ.

ދައުލަތުގެ އިމާރާތްތަކުގައި ހުޅުޖެހުމަށް ހިތްވަރުދިން ޒިހާންގެ ބަންދަށް އިތުރު 16 ދުވަސް
22 Nov 2026 ހަބަރު

ދައުލަތުގެ އިމާރާތްތަކުގައި ހުޅުޖެހުމަށް ހިތްވަރުދިން ޒިހާންގެ ބަންދަށް އިތުރު 16 ދުވަސް

ދައުލަތުގެ އިމާރާތްތަކުގައި ހުޅުޖެހުމަށް ހިތްވަރުދިން މައްސަލައިގައި ހައްޔަރުކޮށްފައިވާ ޒިހާން ހަސަންގެ ބަންދަށް އިތުރު 16 ދުވަސް ކޯޓުން ޖަހައި، ޖުމްލަ 45 ދުވަހަށް ބަންދުގެ މުއްދަތު އިތުރުވެއްޖެއެވެ.

ދުންފަތް ކޮންޓްރޯލް ކުރުމާއި ޑިޖިޓަލް ރައްކާތެރިކަމުގެ ފިޔަވަޅުތަކަކީ ކުޑަކުދިންގެ ޙައްޤުގައި އެޅި މުހިންމު ފިޔަވަޅުތަކެއް: ރައީސް މުޢިއްޒު
20 Nov 2026 ހަބަރު

ދުންފަތް ކޮންޓްރޯލް ކުރުމާއި ޑިޖިޓަލް ރައްކާތެރިކަމުގެ ފިޔަވަޅުތަކަކީ ކުޑަކުދިންގެ ޙައްޤުގައި އެޅި މުހިންމު ފިޔަވަޅުތަކެއް: ރައީސް މުޢިއްޒު

ދުންފަތް ކޮންޓްރޯލް ކުރުމަށް ސަރުކާރުން ގެންނަ އިޞްލާޙުތަކާއި، ޑިޖިޓަލް ދުނިޔޭގައި ކުދިންގެ ރައްކާތެރިކަން ކަށަވަރުކުރުމަށް އަޅަމުންދާ ފިޔަވަޅުތަކަކީ، ކުޑަކުދިންގެ ދުޅަހެޔޮކަމަށް ކުރިމަތިވާ އާ ގޮންޖެހުންތަކުން އެކުދިން ސަލާމަތްކުރުމަށް ސަރުކާރުން ދޭ އަހައްމިއްޔަތުކަން ހާމަކޮށްދޭ ކަމެއް ކަމަށް ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ވިދާޅުވެއްޖެއެވެ.