އިންޑިއާގެ މަނިޕާލް ހޮސްޕިޓަލުން އަލުން އާސަންދަ ލިބޭގޮތް ހަދައިފި
ލިޔުންތެރިޔާ
އަބްދުﷲ ހުސައިން
މެދުކަނޑާލާފައި އޮތުމަށްފަހު އިންޑިއާގެ މަނިޕާލް ހޮސްޕިޓަލުން އާސަންދައިގެ ހިދުމަތް އަލުން ލިބޭގޮތް ހަދައިފިއެވެ.
މަނިޕާލް ހޮސްޕިޓަލުން އާސަންދައިގެ ހިދުމަތް ވަގުތީގޮތުން މެދުކަނޑާލާފައިވަނީ، 2024 ވަނަ އަހަރުގެ ޖޫންމަހުގެ ތެރޭގައެވެ. އޭރު އެ ހޮސްޕިޓަލުން އާސަންދައިގެ ހިދުމަތް މެދުކަނޑާލާފައިވަނީ އެ ހޮސްޕިޓަލްގެ އަގުތައް ބޮޑުކަމުން، އަގު ހެޔޮކުރުމުގެ މަޝްވަރާކުރަމުން އަންނާތީކަމަށް އެންސްޕާއިން ވަނީ ބުނެފައެވެ.
ނަމަވެސް އާސަންދައިން މިހާރު ވަނީ ރާއްޖެއިން ބޭރުން ފަރުވާލިބޭ މަރުކަޒުތަކުގެ ލިސްޓްގައި އިންޑިއާގެ މަނިޕާލް ހޮސްޕިޓަލްގެ ނަން ހިމަނާފައެވެ. އެގޮތުން މައިސޫރު، ބެންގަލޫރުގައި މަނިޕާލްގެ އެކި ހޮސްޕިޓަލްތަކުން މިހާރު އާސަންދަ ލިބޭނޭކަމަށް އެ ކުންފުނިން ވަނީ ބުނެފައެވެ. މަނިޕާލް ހޮސްޕިޓަލުން އާސަންދައިގެ ހިދުމަތް އަލުން ފެށިތާ 3 މަސްވެފައިވާކަމަށް މައުލޫމާތު ލިބެއެވެ.
މަނިޕާލް ހޮސްޕިޓަލުން އާސަންދައިގެ ހިދުމަތް ހުއްޓާލިއިރު، އެ ހޮސްޕިޓަލަށް އާސަންދައިން ކަނޑައަޅާފައިވާ ރޭޓްގެ އިތުރަށް ބަލި މީހުންގެ އަތުން ފައިސާ ނަގާ ކަމުގެ ޝަކުވާތައް ވަރަށް ގިނައިން ލިބުނުކަން އެންސްޕާއިން ވަނީ ފާހަގަކޮށްފައެވެ.
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
