ނަތަންޔާހޫ އެމެރިކާ ދަތުރާ ގުޅިގެން އީރާނުގެ އިންޒާރެއް

އިސްރާއީލްގެ ހައްދުފަހަނަ އަޅާފައިވާ ބޮޑުވަޒީރު ބެންޔަމިން ނަތަންޔާހޫ އެމެރިކައަށް ކުރުމަށް ހަމަޖެހިފައިވާ ދަތުރާ ގުޅިގެން އީރާނުން އިންޒާރުގެ މެސެޖެއް ދީފިއެވެ.

ނަތަންޔާހޫ މާދަމާ އެމެރިކާއަށް ކުރުމަށް ހަމަޖެހިފައިވާ މި ދަތުރާ ގުޅިގެން އީރާނުގެ ތަރުޖަމާނު މުޙައްމަދު އަކްރަމީނިއާ ވަނީ ގަލްފް ސަރަހައްދުގައި އީރާނުން ކުރިއަށްގެންދިޔަ ބަދަލު ހިފުމުގެ އޮޕަރޭޝަން މިވަގުތަށް މެދުކަނޑާލާފައިވާކަން ހާމަކޮށްފައެވެ. ނަމަވެސް ނަތަންޔާހޫގެ ދަތުރާއެކު އެމެރިކާގެ ހަމަލާތައް އިތުރުކޮށްފިނަމަ، މުޅި ސަރަހައްދަށް ހަމަނުޖެހުންތައް ފެތުރިގެން ހިނގައިދާނޭކަމުގެ އިންޒާރު އޭނާ ވަނީ ދެއްވާފައެވެ.

ނަތަންޔާހޫ ވޮޝިންޓަނަށް މާދަމާ ދާއިރު، މި ދަތުރާ ގުޅިގެން މަޝްރަހް ވަނީ އިތުރަށް ގޯސްވެފައެވެ. މި ދަތުރުގެ މައިގަނޑު ވާހަކައަކީ އީރާނާ ދެކޮޅަށް ފަށާފައިވާ ހަނގުރާމައެވެ. ނަތަންޠާހޫ އެމެރިކައަށް ދާއިރު، އޭނާ ހިފާ ހައްޔަރުކުރުމަށް އިންޓަރނޭޝަނަލް ކްރިމިނަލް ކޯޓުން ވަނީ އަމުރެއް ނެރެފައެވެ. ނަމަވެސް އެމެރިކާއަކީ އައިސީސީގެ މެމްބަރު ޤައުމެއް ނޫނެވެ. ނަތަންޔާހޫ އެމެރިކާއަށް މާދަމާ ދިއުމަށް ހަމަޖެހިފައިވާއިރު ވޮޝިންޓަނުގައި ނަތަންޔާހޫއާ ދެކޮޅަށް މުޒާހަރާވެސް ކޮށްފައެވެ.