އީރާނުގެ ވައިގެ ދަތުރުފަތުރަށް އެމެރިކާއިން ދަތިކުރާ މައްސަލަ އދ އަށް
އީރާނުގެ ވައިގެ ދަތުރުފަތުރަށް އެމެރިކާއިން އަޅާފައިވާ ދަތިކުރުމުގެ ފިޔަވަޅުތަކާ ގުޅިގެން އެޤައުމުން އެ މައްސަލަ އދ. އަށް ހުށަހަޅައިފިއެވެ.
އީރާނުގެ ސިވިލް އޭވިއޭޝަންގެ ވެރިޔާ އަބޫޒާރް ޝީރޫދީ ވިދާޅުވި ގޮތުގައި އެ ޤައުމުން ވަނީ ކެނެޑާގެ މޮންޓްރީލްގައި ހުންނަ އދ. ގެ ބައިނަލްއަޤުވާމީ މަދަނީ ވައިގެ ދަތުރުފަތުރާ ބެހޭ ޖަމިއްޔާ (އައިކާއޯ) އަށް ރަސްމީކޮށް މައްސަލަ ހުށަހަޅާފައެވެ.
އައިކާއޯ އަކީ ދުނިޔޭގެ މަދަނީ ވައިގެ ދަތުރުފަތުރުގެ މިންގަނޑުތައް ކަނޑައަޅައި ބެލެހެއްޓުމުގެ ޒިންމާ އުފުލާ އދ. ގެ އިދާރާއެކެވެ. ޝީރޫދީ ވިދާޅުވިއެވެ. އޭގެ އިތުރުން ޚާރިޖީ ވުޒާރާއާ ގުޅިގެން ދަ ހޭގްގައި އޮންނަ ބައިނަލްއަޤުވާމީ ކޯޓް އޮފް ޖަސްޓިސް އަށް ވެސް މައްސަލައެއް ހުށަހަޅާފައިވާ ކަމަށް ޝީރޫދީ ވިދާޅުވިއެވެ.
މި މަހުގެ ކުރީކޮޅު އެމެރިކާއިން ވަނީ އީރާނުގެ ވައިގެ ދަތުރުފަތުރުގެ ދާއިރާއަށް ދަތިކުރުމުގެ ފިޔަވަޅުތައް އަޅައި އީރާނުގެ އެއާލައިންތަކާ އެކު މަސައްކަތް ކުރިއަށް ގެންދާ ބައިނަލްއަޤުވާމީ ކުންފުނިތަކަށް އިންޒާރު ދީފައެވެ. އެ ދަތިކުރުންތަކުގެ ސަބަބުން އީރާނުގެ ބައެއް ދަތުރުތައް ވެސް ކެންސަލް ކުރަން ޖެހިފައިވެއެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
