މުއައްޒަފަކާ ގުޅުވައިގެން ދައްކަމުންގެންދާ ވާހަކަތަކުގައި ހަގީގަތެއްނެތް: ހުޅުމާލެ ހޮސްޕިޓަލް

ހުޅުމާލޭ ހޮސްޕިޓަލްގެ މުއައްޒަފަކާ ގުޅިވައިގެން ސޯޝަލް މީޑިއާގައި ފަތުރަމުގެންދާ ވާހަކަތައް އެ ހޮސްޕިޓަލުން މިރޭ ދޮގުކޮށްފިއެވެ.

ޑޮކްޓަރަށް ދެއްކުމަށް ހުޅުމާލެ ހޮސްޕިޓަލަށް ދިޔަ ބަލިމީހަކަށް މެޑިކަލް އޮފިސަރަކު އަމަލުކުރިގޮތް ކަމަށް ބުނެ ސޯޝަލް މީޑިއާގައި ދައުރުވަމުންދާ ވާހަކަތަކާ ގުޅޭގޮތުން އެ ހޮސްޕިޓަލުން ނެރުނު ބަޔާނެއްގައި ބުނެފައިވަނީ، ދައުރުވަމުންދާ ވާހަކަތަކުގައި އެއްވެސްކަހަލަ ހަގީގަތެއްނެތް ކަމަށެވެ.

ހުޅުމާލެ ހސްޕިޓަލުން ބުނީ އެ ހޮސްޕިޒަލުން ފޯރުކޮށްދޭ، އެންމެހައި ޚިދުމަތްތަކަކީ ބަލިމީހުންގެ ރައްކާތެރިކަމާއި ކަރާމާތާއި އަމިއްލަ، މިނިވަންކަމުގެ އިތުރުން އިތުބާރު، ދެމެހެއްޓުމަށް، އިސްކަންދީގެން، ދެވޭ ޚިދުމަތްތަކެއް ކަމުގެ ޔަގީންކަން .އަރުވާ ކަމަށެވެ. އެގޮތުން ބަލިމީހުން، ހުށަހަޅާ ކޮންމެ، މައްސަލައަކީ ހޮސްޕިޓަލުން ނުހަނު ސީރިއަސް މައްސަލައެއްގެ ގޮތުގައި ޚާއްސަ އިސްކަމެއްދީގެން ބަލާނޭ މައްސަލަތަކެއް ކަމަށެވެ. އެގޮތުން އެފަދަ މައްސަލައެއް ބެލުމަށްފަހު ކަނޑައެޅިފައިވާ ސިޔަސަތުތަކާއި ފަންނީ މިންގަނޑުތަކުގެ އިތުރުން، ޢަމަލުކުރަންޖެހޭ ޤާނޫނުތަކާއި ގަވާއިދުތަކާ އެއްގޮތަށް، އަޅަންޖެހޭ، ފިޔަވަޅުތައް އަޅަމުންދާނޭކަމަށްވެސް ހުޅުމާލެ ހޮސްޕިޓަލުން ބުންޏެވެ.

ސޯޝަލް މީޑިއާގައި މިހާރު ދައުރުވަމުން އަންނަ ވާހަކަތަކާ ގުޅިގެން ބުނީ އެ ހޮސްޕިޓަލަކީ ބަލިމީހުންނަށް ދެވޭ ފަރުވާއާއި، ޞިއްޙީ ޚިދުމަތުގެ ފަންނީ މިންގަނޑުތައް އެންމެ މަތީ ދަރަޖައިގައި، "ހިފެހެއްޓުމަށް "އަބަދުވެސް. މަސައްކަތްކުރާ ދަޢުލަތުގެ މުއައްސަސާއެއް ކަމަށެވެ. ބަލިމީހުން ބަލައި ފަރުވާދިނުމުގައި ބަލިމީހާގެ ކަރާމާތާއި އަމިއްލަ މިނިވަންކަމަށް އިހުތިއާމުކުރުމާއި ބަލިމީހާގެ ރުހުން ހޯދުމުގެ. އިތުރުން ކަނޑައެޅިފައިވާ ފަންނީ މިންގަނޑުތަކާއި ކްލިނިކަލް އުސޫލުތަކާއި، އެއްގޮތަށް، އެންމެހާ މުވައްޒަފުންނާއި ޚިދުމަތްހޯދާ ފަރާތްތަކުން ޢަމަލުކުރުމަށް ހޮސްޕިޓަލުން އަބަދުވެސް، -ބާރުއަޅަމުން އަންނަކަމަށް ހުޅުމާލެ ހޮސްޕިޓަލުން ބުންޏެވެ.

އަދި ދަޢުލަތުގެ ޞިއްޙީ ޚިދުމަތްދޭ، މުއައްސަސާއަކަށްވުމުން ބަލިމީހުންނާއި މުވައްޒަފުންގެ އަމިއްލަ މަޢުލޫމާތާއި، ސިއްރުތައް ހިފެހެއްޓުމަކީ ކަނޑައެޅިފައިވާ ޤާނޫނުތަކާ ގަވާއިދުތަކާ އެއްގޮތަށް މިހޮސްޕިޓަލުގެ ފަރާތުން، ކަށަވަރުކުރާނެ ކަމެއްކަމަށްވެސް ބަޔާނުގައި ބުންޏެވެ. ހުޅުމާލެ ހޮސްޕިޓަލުން ބުނީ އެކަށިގެންވާ، ގޮތުގައި ޚިދުމަތްތައް ފޯރުކޮށްދިނުމުގައި، ދަތިތަކާ ކުރިމަތިވެގެން ދިޔަ ނުދިނުމަށް ކަށަވަރުނުވާ "ހަގީގަތާ ޚިލާފު މަޢުޫމާތުތައް ނުފެތުރުމަށް އެދޭކަމަށެވެ.