ވެލިދޫގައި އާރްޑީސީން ކުރިއަށް ގެންދާ ޕްރޮޖެކްޓްތަކަށް ބޭނުންވާ ސާމާނުތައް ގެންގޮސްފި

ނ. ވެލިދޫގައި އާރްޑީސީން ކުރިއަށް ގެންދާ ޕްރޮޖެކްޓްތަކަށް ބޭނުންވާ ސާމާނުތައް އެރަށަށް ގެނެސްފިއެވެ.

އާރްޑީސީން ބުނީ ނ.ވެލިދޫ ހޮސްޕިޓަލްގެ އައު އިމާރާތުގެ މަސައްކަތާއި އެރަށުގައި ޤާއިމްކުރެވޭ ކޮމިޔުނިޓީ ބޭސްޑް ރިހެބިލިޓޭޝަން ސެންޓަރުގެ މަސައްކަތުގެ އިތުރުން ޕޮލިސް ސްޓޭޝަންގެ މަސައްކަތް ފެށުމަށް ބޭނުންވާ ސާމާނު އެރަށަށް ފޮނުވާފައިވާ ކަމަށެވެ.

ވެލިދޫ ހޮސްޕިޓަލްގެ އައު ޢިމާރާތުގެ މަސައްކަތް ހަވާލުކުރީ ޖުމުލަ 108,322,537.03 ރުފިޔާ އަށެެވެ. އެ ހޮސްޕިޓަލުގެ މަސައްކަތް އާރުޑީސީއާ ހަވާލު ކުރީ 540 ދުވަހުގެ ތެރޭގައި ނިންމުމަށެވެ.

ވެލިދޫގައި އަޅާ ޕޮލިސް ސްޓޭޝަންގެ އައު އިމާރާތުގެ މަސައްކަތް އެ ކުންފުންޏާ ހަވާލު ކުރެވުނީ، މި އަހަރުގެ މާރިޗު މަހުގެ 14 ވަނަ ދުވަހުގައެވެ.

އަދި އެ ރަށު ރިހެބިލިޓޭޝަން ސެންޓަރުގެ މަސައްކަތް އެ ކުންފުންޏާ ހަވާލުކޮށްފައިވަނީ މާރިޗު މަހުގެ 29 ވަނަ ދުވަހުއެވެ.