ރިޒާވް ދަށްވެ ކާޑާއި ބޭހާ ތެލަށް ދައްކާނެ ފައިސާއެއް ނެތް: ނަޝީދު
ލިޔުންތެރިޔާ
އަހުމަދު ހަމީދު އާދަމް
ދިވެހި ސަރުކާރުން އިންޑިއާ ސަރުކާރަށް ދައްކަން ޖެހޭ ބޮންޑު ދެއްކުމުން އެމްއެމްއޭގެ ޔޫސަބަލް ރިޒާވް ވަރަށް ބޮޑަށް ދަށަށް ގޮސް އަސާސީ ތަކެއްޗަށް ދައްކާނެ ފައިސާ ނެތް ހާލަތަށް ދާނެ ކަމަށް ކުރީގެ ރައީސް މުހައްމަދު ނަޝީދު ވިދާޅުވެއްޖެ އެވެ.
ނަޝީދު މިހެން ވިދާޅުވީ އެކްސްގައި ކުރެއްވި ޕޯސްޓެއްގަ އެވެ.
އެމަނިކުފާނު ވިދާޅުވީ ދިވެހި ސަރުކާރުން އިންޑިއާ ސަރުކާރަށް ދައްކަން ޖެހޭ 50 މިލިއަން ޑޮލަރުގެ ބޮންޑު މިއަދުގެ ނިޔަލަށް ދައްކަން ޖެހޭ ކަމަށެވެ.
"އެހެން ކަމުން މާދަމާ އިން ފެށިގެން އެމްއެމްއޭގެ ޔޫސަބަލް ރިޒާވް ވަރަށް ބޮޑު ތަނުން ދަށްވާނެ," ނަޝީދު ވިދާޅުވި އެވެ.
އަދި ވިދާޅުވީ ކާޑާއި ތެލާއި އަދި ބޭހަށް ދައްކާނެ ފައިސާ ދެން ސަރުކާރުގައި ނުހުންނާނެ ކަމަށެވެ.
ދިވެހި ސަރުކާރުން އިންޑިއާ ސަރުކާރަށް ދައްކަން ޖެހޭ 50 މިލިއަން ޑޮލަރުގެ ބޮންޑު މިއަދުގެ ނިޔަލަށް ދައްކަން ޖެހޭއިރު މި ސަރުކާރުން ވަނީ ރެކޯޑް އަދަދަކަށް ދަރަނި ދައްކާފަ އެވެ.
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
