ރައީސް މުޢިއްޒު ބިލު ތަސްދީގު ކުރައްވަނީ- ފޮޓޯ/ ރައީސް އޮފީސް
ރައީސް މުޢިއްޒު ބިލު ތަސްދީގު ކުރައްވަނީ- ފޮޓޯ/ ރައީސް އޮފީސް
ހަބަރު 31 Aug 2026 | 14:13

ފަޅުރަށާއި ފަޅު ކުއްޔަށް ދިނުމާ ބެހޭ ބިލު ތަސްދީޤުކުރައްވައިފި؛ ހުޅުވިގެން މިދަނީ އިޤުތިޞާދީ ބޮޑު ދޮރެއް: ރައީސް މުޢިއްޒު

ދިވެހިރާއްޖޭގެ ފަޅުރަށްރަށާއި ފަޅުތައް އެކި ބޭނުންތަކަށް ކުއްޔަށް ދިނުމާ ގުޅޭ އުސޫލުތައް ކަނޑައަޅާ ބިލު ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު މިއަދު ތަސްދީޤުކުރައްވައިފިއެވެ.

ރައީސުލްޖުމްހޫރިއްޔާގެ އޮފީހުގައި ބޭއްވި ޚާއްޞަ ރަސްމިއްޔާތެއްގައި މި ބިލު ތަސްދީޤުކުރެއްވުމަށްފަހު ވާހަކަފުޅު ދައްކަވަމުން ރައީސް ވިދާޅުވީ، މިއީ ރާއްޖޭގެ އިޤުތިޞާދު އިތުރަށް ފުޅާކުރުމަށްޓަކައި އެޅިގެންދިޔަ ވަރަށް މުހިންމު ފިޔަވަޅެއް ކަމަށެވެ.

"(މިއީ) ރާއްޖޭގެ އިގްތިޞާދު ފުޅާ ކުރުމަށް އެޅިގެން ދިޔަ ފިޔަވަޅެއް. މިހާތަނަށް ޤާނޫނުގައި އޮތްގޮތުންވިއްޔާ ސިނާއީ އިގްތިސާދީ އެކިކަހަލަ ބޭނުންތަކަށް ފަޅުތަކާއި ފަޅުރަށްރަށް މިގޮތަށް ދެވޭކަށް ނޯވޭ. އެހެންނަމަވެސް މި ޤާނޫނުގެ ސަބަބުން އެކިއެކި ބޭނުންތަކަށް ފަޅުތަކަށް އިންވެސްޓްކުރެވޭނެ. އެކިއެކި ބޭނުންތަކަށް ފަޅުތައް ނަގައިގެން ފަޅުރަށްރަށް ނަގައިގެން އިންވެސްޓްމެންޓްތައް ގެނެސް އޭގެ ސަބަބުން ރާއްޖެއަށް ވަރަށް ބޮޑެތި ފައިދާތަކެއް ކުރުމަށް މަގުފަހި ވެގެންދާނެ. މި ގާނޫނު ސަބަބުން ވަރަށް ބޮޑު އިގްތިޞާދީ ދޮރެއް ހުޅުވިގެން މިދަނީ. މީގެ ސަބަބުން އެކި ދާއިރާތަކުން ފަޅުތަކަށް އިންވެސްޓް ކުރާނެ ފަރާތްތައް ލިބިގެންދާނެ،" ކަމަށެވެ.

ރައީސް މުޢިއްޒު

މި ޤާނޫނުގެ ދަށުން ފަޅުރަށެއް ކުއްޔަށް ދޫކުރެވޭނީ 21 އަހަރުގެ މުއްދަތަކަށެވެ. ނަމަވެސް، އެ މުއްދަތު އިތުރުކުރަން ބޭނުންވެއްޖެ ޙާލަތެއްގައި 50 އަހަރާ ހަމައަށް ދިގުކުރުމުގެ ފުރުޞަތު ލިބިގެންދާނެ ކަމަށް ބިލުގައި ބަޔާންކޮށްފައިވެއެވެ. ފަޅުރަށްރަށް ދޫކުރެވޭނެ މައިގަނޑު ދާއިރާތަކުގެ ތެރޭގައި ހިމެނެނީ؛

ފަތުރުވެރިކަން

ސިނާއީ މަސައްކަތްތައް

މަސްވެރިކަން

ދަނޑުވެރިކަން

އިޤުތިޞާދީ އެހެނިހެން ބޭނުންތައް

އިޖުތިމާޢީ އަދި ދައުލަތުގެ ބޭނުންތައް

މީގެއިތުރުން ވަކި ޤާނޫނެއްގައި ކަނޑައަޅައިފައިވާ ޚާއްޞަ ބޭނުންތަކަށް ވެސް ރަށްރަށް ދޫކުރެވޭނެއެވެ.

ބިލުގައިވާ ގޮތުން، ފަތުރުވެރިކަމާއި ސިނާއީ ބޭނުންތައް ފިޔަވައި، ކައުންސިލްތަކުގެ އިޚުތިޞާޞުގައި ހިމެނޭ ފަޅުރަށްރަށް އެކި ބޭނުންތަކަށް ކަނޑައެޅުމުގެ ބާރު ލިބިގެންވަނީ އެ ރަށެއް ނިސްބަތްވާ ރަށު ނުވަތަ ސިޓީ ކައުންސިލަށެވެ. އެހެންނަމަވެސް، ފަތުރުވެރިކަމަށް ނުވަތަ ސިނާއީ ރަށެއްގެ ގޮތުގައި ތަރައްޤީކުރުމަށް އެކަށައަޅާ ފަޅުރަށްރަށް، ކައުންސިލުތަކުގެ އިޚުތިޞާޞުން ވަކިކުރެވޭނެ ކަމަށް ބިލުގައި ބަޔާންކޮށްފައިވެއެވެ.

ވަކި ޚާއްޞަ ބޭނުމަކަށް އެކަށައެޅިފައި ނުވާ ރަށްރަށް ވަރުވާއަށް ދޫކުރެވޭނީ ގިނަވެގެން ފަސް އަހަރުގެ މުއްދަތަށެވެ. އަދި މި މުއްދަތު އިތުރުކުރެވޭނީ ވެސް އިތުރު ފަސް އަހަރަށެވެ.

މި ޤާނޫނާ ޚިލާފުވާ ފަރާތްތަކާމެދު ހަރުކަށި ފިޔަވަޅުތަކެއް އެޅުމަށް ވެސް ބިލުގައި ވަނީ ކަނޑައަޅައިފައެވެ. އެގޮތުން، ވަރުވާއަށް ދޫކުރާ ރަށެއްގައި ޤާނޫނާ ޚިލާފު ޢަމަލެއް ހިންގައިފިނަމަ 500,000 (ފަސްލައްކަ) ރުފިޔާއާ ހަމައަށް ޖޫރިމަނާކުރެވޭނެއެވެ. އަދި އެހެނިހެން ބޭނުންތަކަށް ދޫކުރާ ފަޅުރަށްރަށާއި ފަޅުތަކުގައި ޤާނޫނާ ޚިލާފު ޢަމަލެއް ހިންގައިފިނަމަ 1,000,000 (އެއްމިލިއަން) ރުފިޔާއާ ހަމައަށް ޖޫރިމަނާ ކުރެވޭނެ ކަމަށް ބަޔާންކޮށްފައިވެއެވެ.

މި ޤާނޫނުގެ ދަށުން ކުއްޔަށް ދޫކުރެވޭ ފަޅުރަށްރަށާއި ފަޅުތަކުގެ އިކުއިޒިޝަން ފީ ކަނޑައެޅުމުގެ އެންމެހައި ޒިންމާތައް ޙަވާލުކޮށްފައި ވަނީ މިނިސްޓްރީ އޮފް ފިނޭންސާއެވެ.

މި ލިޔުން ކަމުދިޔަނަމަ، ލައިކެއް ދެއްވާ

ކޮމެންޓް ކުރޭ

ކޮމެންޓްތައް މޮޑަރޭޓް ކުރެވޭނެއެވެ.

ކޮމެންޓްސް

މިހާތަނަށް ކޮމެންޓެއް ނެތް

ގުޅޭ ލިޔުންތައް

އުމްރާއަށް ގެންދާނެ ކަމަށް ބުނެ އަސްކޮއެ ގުރޫޕުން 109 މީހަކަށް ލަނޑުދިން މައްސަލަ: ދައުވާކޮށްދޭން އެދިއްޖެ
22 Nov 2026 ހަބަރު

އުމްރާއަށް ގެންދާނެ ކަމަށް ބުނެ އަސްކޮއެ ގުރޫޕުން 109 މީހަކަށް ލަނޑުދިން މައްސަލަ: ދައުވާކޮށްދޭން އެދިއްޖެ

އެ ފައިސާގެ އަދަދު 2،660،300ރ (ދެމިލިއަން ހަލައްކަ ފަސްދޮޅަސް ހާސް ތިންސަތޭކަ ރުފިޔާ) އަށް އަރަ އެވެ.

ކަސްޓަމްސްގެ އޮޕަރޭޝަންތަކުގައި ސަވައިލަންސް ޑްރޯން އާއި ބޮޑީވޯން ކެމެރާ ބޭނުންކުރަން ފަށައިފި
22 Nov 2026 ހަބަރު

ކަސްޓަމްސްގެ އޮޕަރޭޝަންތަކުގައި ސަވައިލަންސް ޑްރޯން އާއި ބޮޑީވޯން ކެމެރާ ބޭނުންކުރަން ފަށައިފި

މި އޮޕަރޭޝަންތަކުގައި ބޭނުންކުރުމަށް ހަމަޖެހިފައިވާ ބޮޑީވޯން ކެމެރާއަކީ އެމެރިކާއިން ހަދިޔާކޮށްފައިވާ ވަސީލަތެކެވެ.

އެފްޑީސީއަށް ހުށަހެޅުނު މައްސަލަތަކުގެ 87 އިންސައްތަ ހައްލުކޮށްފި
22 Nov 2026 ހަބަރު

އެފްޑީސީއަށް ހުށަހެޅުނު މައްސަލަތަކުގެ 87 އިންސައްތަ ހައްލުކޮށްފި

ފަހި ދިރިއުޅުން ކޯޕަރޭޝަން (އެފްޑީސީ) އިން ހުޅުމާލޭގައި ތަރައްޤީކޮށްފައިވާ "އަމާން އުދަރެސް" އަދި "އަމާން ދޯދި" ޓަވަރުތަކުގައި ދިރިއުޅޭ ރައްޔިތުން ހުށަހެޅި ޝަކުވާތަކާއި މައްސަލަތަކުގެ 87 އިންސައްތަ ހައްލުކޮށްދީފިއެވެ.

ޝާހިދު ބަންދުކުރަން ކުރި އަމުރަށް ހައިކޯޓުން ތާއީދު ކޮށްފި
22 Nov 2026 ހަބަރު

ޝާހިދު ބަންދުކުރަން ކުރި އަމުރަށް ހައިކޯޓުން ތާއީދު ކޮށްފި

18 އަހަރުން ދަށުގެ ކުޑަކުއްޖަކަށް ޖިންސީ ގޯނާކުރިކަމުގެ ތުހުމަތުގައި، ދިވެހިރާއްޖޭގެ ކުރީގެ ފޮރިން މިނިސްޓަރު އަދި އެމްޑީޕީގެ ކުރީގެ ރައީސް އަބްދުﷲ ޝާހިދު ހައްޔަރުކުރުމަށް ކްރިމިނަލް ކޯޓުން ނެރުނު އަމުރަށް ހައިކޯޓުން ތާއީދު ކޮށްފިއެވެ.

ރާއްޖެއިން ފުރަތަމަ ފަހަރަށް "ރުފަސް-ޓެއިލްޑް ރޮކް ތުރަޝް" ދޫނި ފެނިއްޖެ
22 Nov 2026 ހަބަރު

ރާއްޖެއިން ފުރަތަމަ ފަހަރަށް "ރުފަސް-ޓެއިލްޑް ރޮކް ތުރަޝް" ދޫނި ފެނިއްޖެ

ދިވެހިރާއްޖެއިން މީގެ ކުރިން ދުވަހަކުވެސް ފެނިފައިނުވާ ދޫނީގެ ބާވަތެއް ކަމަށްވާ "ރުފަސް-ޓެއިލްޑް ރޮކް ތުރަޝް" މ. މުލި އިން ފެނިއްޖެއެވެ.

އަލިފާން ނިއްވުމާ ގުޅޭ އަސްކަރީ ތަމްރީންތަކެއް މާލެ ސަރަހައްދުގައި ފަށައިފި
22 Nov 2026 ހަބަރު

އަލިފާން ނިއްވުމާ ގުޅޭ އަސްކަރީ ތަމްރީންތަކެއް މާލެ ސަރަހައްދުގައި ފަށައިފި

ކުއްލި ނުރައްކަލުގެ ހާލަތްތަކުގައި އިދާރާތައް ގުޅިގެން ހަރަކާތްތެރިވުމުގެ ގާބިލުކަން އިތުރުކުރުމުގެ ގޮތުން، އެމްއެންޑީއެފުން މާލެ ސަރަހައްދުގައި ކުރިއަށްގެންދާ އަސްކަރީ ތަމްރީނުތަކުގެ ތެރެއިން އަލިފާން ނިއްވުމުގެ ހާއްސަ ހަރަކާތްތަކެއް މިއަދު ފަށައިފިއެވެ.

ދައުލަތުގެ އިމާރާތްތަކުގައި ހުޅުޖެހުމަށް ހިތްވަރުދިން ޒިހާންގެ ބަންދަށް އިތުރު 16 ދުވަސް
22 Nov 2026 ހަބަރު

ދައުލަތުގެ އިމާރާތްތަކުގައި ހުޅުޖެހުމަށް ހިތްވަރުދިން ޒިހާންގެ ބަންދަށް އިތުރު 16 ދުވަސް

ދައުލަތުގެ އިމާރާތްތަކުގައި ހުޅުޖެހުމަށް ހިތްވަރުދިން މައްސަލައިގައި ހައްޔަރުކޮށްފައިވާ ޒިހާން ހަސަންގެ ބަންދަށް އިތުރު 16 ދުވަސް ކޯޓުން ޖަހައި، ޖުމްލަ 45 ދުވަހަށް ބަންދުގެ މުއްދަތު އިތުރުވެއްޖެއެވެ.

ދުންފަތް ކޮންޓްރޯލް ކުރުމާއި ޑިޖިޓަލް ރައްކާތެރިކަމުގެ ފިޔަވަޅުތަކަކީ ކުޑަކުދިންގެ ޙައްޤުގައި އެޅި މުހިންމު ފިޔަވަޅުތަކެއް: ރައީސް މުޢިއްޒު
20 Nov 2026 ހަބަރު

ދުންފަތް ކޮންޓްރޯލް ކުރުމާއި ޑިޖިޓަލް ރައްކާތެރިކަމުގެ ފިޔަވަޅުތަކަކީ ކުޑަކުދިންގެ ޙައްޤުގައި އެޅި މުހިންމު ފިޔަވަޅުތަކެއް: ރައީސް މުޢިއްޒު

ދުންފަތް ކޮންޓްރޯލް ކުރުމަށް ސަރުކާރުން ގެންނަ އިޞްލާޙުތަކާއި، ޑިޖިޓަލް ދުނިޔޭގައި ކުދިންގެ ރައްކާތެރިކަން ކަށަވަރުކުރުމަށް އަޅަމުންދާ ފިޔަވަޅުތަކަކީ، ކުޑަކުދިންގެ ދުޅަހެޔޮކަމަށް ކުރިމަތިވާ އާ ގޮންޖެހުންތަކުން އެކުދިން ސަލާމަތްކުރުމަށް ސަރުކާރުން ދޭ އަހައްމިއްޔަތުކަން ހާމަކޮށްދޭ ކަމެއް ކަމަށް ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ވިދާޅުވެއްޖެއެވެ.