އެމް.އާރު.އެމް އުވާލުމަށް އީސީން ނިންމީ ޤާނޫނާ ޚިލާފަށް: ސިވިލްކޯޓް
މޯލްޑިވްސް ރިފޯމް މޫވްމަންޓް (އެމް.އާރު.އެމް) އުވާލުމަށް އިލެކްޝަންސް ކޮމިޝަނުން ނިންމާފައިވަނީ ޤާނޫނާއި ޚިލާފަށް ކަމަށް ސިވިލްކޯޓުން މިއަދު ހުކުމް ކޮށްފިއެވެ.
ކުރީގެ ރައީސް އަލްއުސްތާޛް މައުމޫން އަބްދުލްޤައްޔޫމް އިސްވެ ހުންނަވައިގެން އުފައްދަވާފައިވާ މޯލްޑިވްސް ރީފޯމް މޫވްމަންޓް (އެމްއާރުއެމް) އުވާލަން މިދިޔަ އަހަރުގެ މެއި މަހުގެ 24 ވަނަ ދުވަހު އިލެކްޝަންސް ކޮމިޝަނުން ނިންމާފައިވަނީ 3000 މެމްބަރުން ހަމަނުވެގެން ދެ ވަނަ ނޯޓިސްއެއް ދިނުމަށް ފަހުގައެވެ.
އެ މައްސަލަ އެމްއާރްއެމްގެ ފަރާތުން ސިވިލް ކޯޓަށް ހުށަހެޅުމުން، ސިވިލް ކޯޓުން އަމުރު ނެރެފައިވަނީ، އެ ޕާޓީ އުވާލަން އީސީން ނިންމި ނިމުމަށް އަމަލުކުރަން އެ ވަގުތަށް ފަސް ކުރުމަށެވެ. އީސީގެ ފަރާތުން ވަނީ އެ އަމުރު މުރާޖައާ ކޮށްދޭން އެދި ސިވިލް ކޯޓަށް ހުށަހަޅާފައެވެ.
ނަމަވެސް އެ މައްސަލާގައި ސިވިލް ކޯޓުން އޭރު ބުނެފައިވަނީ އީސީން ހުށަހެޅި ކަންކަމަށް ބަލާ، ގައިރު ހާޒިރުގައި އަމުރު ނެރެދިނުމަށް ހުރަސްއެޅޭ ފަދަ ހަގީގަތެއް އެމްއާރުއެމްގެ ފަރާތުން ހާމަނުކޮށް އޮތްކަން އީސީއަށް ބަޔާންކޮށްދެވިފައި ނުވާތީ އެކޮމިޝަންގެ އަމުރު މުރާޖައާ ކޮށްދެވެން ނެތް ކަމަށެވެ.
ސިވިލް ކޯޓުގެ ހުކުމް މިއަދު މިއައި ގޮތުން އަނެއްކާވެސް ސިޔަސީ ޕާޓީއެއްގެ ގޮތުގައި ހަރަކާތްތެރިވުމުގެ ފުރުޞަތު މޯލްޑިވްސް ރީފޯމް މޫވްމަންޓް (އެމްއާރުއެމް) އަށް ލިބިގެން ދިޔައީއެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
