އާރުޑީސީން ހޮޅުދޫގެ މަގުތައް ތަރައްޤީކުރުމުގެ މަސައްކަތް ބާރު ސްޕީޑްގައި ކުރިޔަށް

ރޯޑް ޑިވެލޮޕްމަންޓް ކޯޕަރޭޝަން (އާރުޑީސީ) އިން ނ. ހޮޅުދޫގެ މަގުތަށް ޒަމާނީ ފެންވަރަށް ތަރައްޤީކުރުމުގެ މަސައްކަތް ބާރަށް ކުރިއަށްދާކަމަށް އެކުންފުނިން ބުނެފިއެވެ.

އާރުޑީސީން ބުނީ ހޮޅުދޫ މަގުތައް ހެދުމުގެ މަސައްކަތް ހަމަޖެހިފައިވާ ގޮތަށް ކުރިއަށްދާކަމަށެވެ. އެގޮތުން މިހާރު ކުރިއަށްދަނީ އެރަށުގެ މޫސާކަލޭފާނު މަގުގައި ކޭބަލް ޖަންކްޝަން ބެހެއްޓުމުގެ އިތުރުން އެރަށޫ ޗާންދަނީ މަގުގައި ޓްރީޕިޓް ބެހެއްޓުމުގެ މަސައްކަތްކަމަށް އާރުޑީސީން ބުންޏެވެ.

ނ. ހޮޅުދޫގެ މަގު ހެދުމުގެ މަސައްކަތް އާރުޑީސީ އިން ފަށާފައިވަނީ 2023 ވަނަ އަހަރުގެ ޖޫން މަހުގެ 1 ވަނަ ދުވަހުގައެވެ.  އަދިހަމައެހެންމެ، ފެން ހިންދާ ނިޒާމު ޤާއިމުކުރުމުގެ އިތުރުން މަގު ބައްތި ޖެހުމުގެ މަސައްކަތްވެސް މި މަޝްރޫޢުގެ ދަށުން ވަނީ ކުރިޔަށް ގެންގޮސްފައެވެ. އަދި 4.3 ކިލޯ މީޓަރު ދިގު ސަރަހައްދެއްގައި ތާޅު އަޅައި ނިމިފައިވާކަމަށް އެކުންފުނިން ބުނެފިއެވެ.

ހޮޅުދޫ މަގުހެދުމުގެ މަޝްރޫޢަށް ގާތްގަނޑަކަށް 71 މިލިއަން ރުފިޔާ ހަރަދުވާނޭކަމަށް އެކުންފުނިން ބުނެއެވެ.