އަބްދުﷲ ޝާހިދު
އަބްދުﷲ ޝާހިދު
ހަބަރު 17 May 2026 | 15:21

ދުނިޔެ ސުލްޙަވެރިކަމާއި އުއްމީދުގެ އައްސޭރިއަކަށް ގެންގޮސްދިނުމުގެ ޒިންމާ އޮތީ ޒުވާނުންގެ އަތްމަތީގައި: ޝާހިދު

ދުނިޔެ ސުލްޙަވެރިކަމާއި އުއްމީދުގެ އައްސޭރިއަކަށް ގެންގޮސްދިނުމުގެ ޒިންމާ މިއަދު އޮތީ ޒުވާނުންގެ އަތްމަތީގައިކަމަށް އދ. ގެ އާންމު މަޖިލީހުގެ 76 ވަނަ ދައުރުގެ ރައީސް އަދި ރާއްޖޭގެ ކުރީގެ ފޮރިން މިނިސްޓަރު ޢަބްދުﷲ ޝާހިދު ވިދާޅުވެއްޖެއެވެ.

މިހާރު ކުރިއަށްދާ އޭޝިއާ ވޯލްޑް މޮޑެލް ޔުނައިޓެޑް ނޭޝަންސް (އޭ.ޑަބްލިޔު.އެމް.ޔޫ.އެން) ގެ 14 ވަނަ ބައްދަލުވުމުގައި  ވީޑިއޯ މެސެޖް މެދުވެރިކޮށް ޝާހިދުދެއްވި ތަގްރީރުގައި ޝާހިދު ވިދާޅުވީ، ޒުވާނުންނަކީ ހަމައެކަނި މުސްތަޤުބަލެއް ނޫން ކަމަށާއި، އެއީ މިއަދުގެވެސް ބާރު ކަމަށެވެ. އަދި މިއަދުގެ ދުނިޔެއަށް ބޭނުންވަނީ އެކަކު އަނެކަކަށް އަޅާލާ، ޖަވާބުދާރީވާނެ، އަދި ގުޅިގެން މަސައްކަތްކުރާނެ އައު ލީޑަޝިޕެއް ކަމަށެވެ.

އެގޮތުން ބައިބައިވުމުގެ ބަދަލުގައި ޑިޕްލޮމަސީ އިޚްތިޔާރުކުރުމަށް ޝާހިދު ވަނީ ޒުވާނުންނަށް ގޮވާލައްވާފައެވެ. ޝާހިދު ވިދާޅުވީ، މުސްތަޤުބަލުގެ ރާޅުތައް ދުނިޔެއާ ބައްދަލުކުރަމުންދާއިރު، ދުނިޔެ ސުލްޙަވެރިކަމާއި އުންމީދުގެ އައްސޭރިއަކަށް ގެންގޮސްދިނުމުގެ ޒިންމާ އޮތީ މިއަދުގެ ޒުވާނުންގެ އަތްމަތީގައި ކަމަށެވެ.

މި ތަގްރީރުގައި ޝާހިދު ވަނީ އެމަނިކުފާނު އދ. ގެ އާންމު މަޖިލީހުގެ ރައީސްކަން ކުރެއްވި ދުވަސްވަރަކީ ދުނިޔެއަށް ބޮޑެތި ގޮންޖެހުންތަކެއް ކުރިމަތިވި ދުވަސްވަރެއްކަން ފާހަގަކުރައްވާފައެވެ. އެގޮތުން އެމަނިކުފާނުގެ "އުންމީދުގެ ރިޔާސަތު" އިއްތިފާގުވީ ކޮވިޑް-19 ގެ ނާމާން ދުވަސްވަރާ ކަމަށާއި، އޭގެ ފަހުން އދ. ގެ ސަލާމަތީ މަޖިލީހުގެ ދާއިމީ މެންބަރެއް ކަމަށްވާ ރަޝިޔާއިން ޔޫކްރެއިނަށް އަރައިގަނެ، ހިނގި ކަންކަން ފާހަގަކުރެއްވިއެވެ. އަދި މިހާރުވެސް ދުނިޔެ އޮތީ ނުރައްކާތެރި ހަތަރުއަނގޮޅިއެއްގެ މަތީގައި ކަމަށާއި، ހަނގުރާމަތަކާއި، ލޭއޮހޮރުވުންތަކާއި، އިޤްތިޞާދީ ދަތިތަކުގެ އިތުރުން މޫސުމީ ބަދަލުތަކުގެ ސަބަބުން އިންސާނިއްޔަތަށް ބޮޑެތި ބިރުވެރިކަމެއް ކުރިމަތިވެފައިވާ ކަމަށް ޝާހިދު ވިދާޅުވިއެވެ.

ދުނިޔެއަށް ކުރިމަތިވަމުންދާ މޫސުމީ ބަދަލުތަކަށް އަލިއަޅުއްވާލައްވަމުން ޝާހިދު ވިދާޅުވީ، ކަނޑުގެ ލޮނުގަނޑު އުފުލުމާއި މޫސުމީ ގޮންޖެހުންތަކަކީ ދިވެހިރާއްޖެއަށް ދުރުގައި އޮތް ޚިޔާލެއް ނޫން ކަމަށާއި، އެއީ ރާއްޖޭގެ ރައްޔިތުން ކޮންމެ ދުވަހަކު ތަޙައްމަލުކުރަމުންދާ ޙަޤީޤަތެއް ކަމަށެވެ. އެހެންނަމަވެސް، ރާއްޖެއަކީ މޫސުމީ ބަދަލުތަކުގެ ޝިކާރައަކަށްވާތަން ބަލައިގެން ތިބޭނެ ޤައުމެއް ނޫންކަން ފާހަގަކުރައްވައި، ރާއްޖެއަކީ ކަންކަމާ ކުރިމަތިލުމުގެ ހިތްވަރާއި، ދެމެހެއްޓެނިވިކަމުގެ ނަމޫނާއެއް ކަމަށް ވިދާޅުވިއެވެ.

އަދި ރާއްޖޭގެ ފަތުރުވެރިކަމަކީ ހަމައެކަނި އިޤްތިޞާދުގެ ތަނބެއް ނޫން ކަމަށާއި، އެއީ ބައިނަލްއަޤުވާމީ މުޖުތަމަޢާ ރާއްޖެ ގުޅުވައިދޭ އަދި ދުނިޔެ ރައްކާތެރިކުރުމުގެ މުހިންމުކަން ހަނދާންކޮށްދޭ ފާލަމެއް ކަމުގައިވެސް ވިދާޅުވިއެވެ.

މޮޑެލް ޔުނައިޓެޑް ނޭޝަންސް ފަދަ ތަޢުލީމީ ޙަރަކާތްތަކުގެ މުހިންމުކަމާ ބެހޭގޮތުން ވާހަކަދައްކަވަމުން، މިއީ ހަމައެކަނި ދަރިވަރުންގެ މެދުގައި ރަޙުމަތްތެރިކަން އުފައްދާ ބައްދަލުވުންތަކެއް ނޫން ކަމަށް ޝާހިދު ވިދާޅުވިއެވެ. މިފަދަ ޙަރަކާތްތަކަކީ ފަތުރުވެރިކަން ކުރިއެރުވުމަށާއި، އާ އީޖާދުތަކަށް މަގުފަހިކުރުމަށާއި، އަދި ޤައުމުތަކުގެ މެދުގައި އޮންނަ ސަގާފީ އަދި އިޖުތިމާޢީ ގުޅުންތައް ބަދަހިކުރުމަށް ލިބޭ ރަން ފުރުޞަތުތަކެއްކަން އެމަނިކުފާނު ފާހަގަކުރެއްވިއެވެ.

މި ލިޔުން ކަމުދިޔަނަމަ، ލައިކެއް ދެއްވާ

ކޮމެންޓް ކުރޭ

ކޮމެންޓްތައް މޮޑަރޭޓް ކުރެވޭނެއެވެ.

ކޮމެންޓްސް

މިހާތަނަށް ކޮމެންޓެއް ނެތް

ގުޅޭ ލިޔުންތައް

އުމްރާއަށް ގެންދާނެ ކަމަށް ބުނެ އަސްކޮއެ ގުރޫޕުން 109 މީހަކަށް ލަނޑުދިން މައްސަލަ: ދައުވާކޮށްދޭން އެދިއްޖެ
22 Nov 2026 ހަބަރު

އުމްރާއަށް ގެންދާނެ ކަމަށް ބުނެ އަސްކޮއެ ގުރޫޕުން 109 މީހަކަށް ލަނޑުދިން މައްސަލަ: ދައުވާކޮށްދޭން އެދިއްޖެ

އެ ފައިސާގެ އަދަދު 2،660،300ރ (ދެމިލިއަން ހަލައްކަ ފަސްދޮޅަސް ހާސް ތިންސަތޭކަ ރުފިޔާ) އަށް އަރަ އެވެ.

ކަސްޓަމްސްގެ އޮޕަރޭޝަންތަކުގައި ސަވައިލަންސް ޑްރޯން އާއި ބޮޑީވޯން ކެމެރާ ބޭނުންކުރަން ފަށައިފި
22 Nov 2026 ހަބަރު

ކަސްޓަމްސްގެ އޮޕަރޭޝަންތަކުގައި ސަވައިލަންސް ޑްރޯން އާއި ބޮޑީވޯން ކެމެރާ ބޭނުންކުރަން ފަށައިފި

މި އޮޕަރޭޝަންތަކުގައި ބޭނުންކުރުމަށް ހަމަޖެހިފައިވާ ބޮޑީވޯން ކެމެރާއަކީ އެމެރިކާއިން ހަދިޔާކޮށްފައިވާ ވަސީލަތެކެވެ.

އެފްޑީސީއަށް ހުށަހެޅުނު މައްސަލަތަކުގެ 87 އިންސައްތަ ހައްލުކޮށްފި
22 Nov 2026 ހަބަރު

އެފްޑީސީއަށް ހުށަހެޅުނު މައްސަލަތަކުގެ 87 އިންސައްތަ ހައްލުކޮށްފި

ފަހި ދިރިއުޅުން ކޯޕަރޭޝަން (އެފްޑީސީ) އިން ހުޅުމާލޭގައި ތަރައްޤީކޮށްފައިވާ "އަމާން އުދަރެސް" އަދި "އަމާން ދޯދި" ޓަވަރުތަކުގައި ދިރިއުޅޭ ރައްޔިތުން ހުށަހެޅި ޝަކުވާތަކާއި މައްސަލަތަކުގެ 87 އިންސައްތަ ހައްލުކޮށްދީފިއެވެ.

ޝާހިދު ބަންދުކުރަން ކުރި އަމުރަށް ހައިކޯޓުން ތާއީދު ކޮށްފި
22 Nov 2026 ހަބަރު

ޝާހިދު ބަންދުކުރަން ކުރި އަމުރަށް ހައިކޯޓުން ތާއީދު ކޮށްފި

18 އަހަރުން ދަށުގެ ކުޑަކުއްޖަކަށް ޖިންސީ ގޯނާކުރިކަމުގެ ތުހުމަތުގައި، ދިވެހިރާއްޖޭގެ ކުރީގެ ފޮރިން މިނިސްޓަރު އަދި އެމްޑީޕީގެ ކުރީގެ ރައީސް އަބްދުﷲ ޝާހިދު ހައްޔަރުކުރުމަށް ކްރިމިނަލް ކޯޓުން ނެރުނު އަމުރަށް ހައިކޯޓުން ތާއީދު ކޮށްފިއެވެ.

ރާއްޖެއިން ފުރަތަމަ ފަހަރަށް "ރުފަސް-ޓެއިލްޑް ރޮކް ތުރަޝް" ދޫނި ފެނިއްޖެ
22 Nov 2026 ހަބަރު

ރާއްޖެއިން ފުރަތަމަ ފަހަރަށް "ރުފަސް-ޓެއިލްޑް ރޮކް ތުރަޝް" ދޫނި ފެނިއްޖެ

ދިވެހިރާއްޖެއިން މީގެ ކުރިން ދުވަހަކުވެސް ފެނިފައިނުވާ ދޫނީގެ ބާވަތެއް ކަމަށްވާ "ރުފަސް-ޓެއިލްޑް ރޮކް ތުރަޝް" މ. މުލި އިން ފެނިއްޖެއެވެ.

އަލިފާން ނިއްވުމާ ގުޅޭ އަސްކަރީ ތަމްރީންތަކެއް މާލެ ސަރަހައްދުގައި ފަށައިފި
22 Nov 2026 ހަބަރު

އަލިފާން ނިއްވުމާ ގުޅޭ އަސްކަރީ ތަމްރީންތަކެއް މާލެ ސަރަހައްދުގައި ފަށައިފި

ކުއްލި ނުރައްކަލުގެ ހާލަތްތަކުގައި އިދާރާތައް ގުޅިގެން ހަރަކާތްތެރިވުމުގެ ގާބިލުކަން އިތުރުކުރުމުގެ ގޮތުން، އެމްއެންޑީއެފުން މާލެ ސަރަހައްދުގައި ކުރިއަށްގެންދާ އަސްކަރީ ތަމްރީނުތަކުގެ ތެރެއިން އަލިފާން ނިއްވުމުގެ ހާއްސަ ހަރަކާތްތަކެއް މިއަދު ފަށައިފިއެވެ.

ދައުލަތުގެ އިމާރާތްތަކުގައި ހުޅުޖެހުމަށް ހިތްވަރުދިން ޒިހާންގެ ބަންދަށް އިތުރު 16 ދުވަސް
22 Nov 2026 ހަބަރު

ދައުލަތުގެ އިމާރާތްތަކުގައި ހުޅުޖެހުމަށް ހިތްވަރުދިން ޒިހާންގެ ބަންދަށް އިތުރު 16 ދުވަސް

ދައުލަތުގެ އިމާރާތްތަކުގައި ހުޅުޖެހުމަށް ހިތްވަރުދިން މައްސަލައިގައި ހައްޔަރުކޮށްފައިވާ ޒިހާން ހަސަންގެ ބަންދަށް އިތުރު 16 ދުވަސް ކޯޓުން ޖަހައި، ޖުމްލަ 45 ދުވަހަށް ބަންދުގެ މުއްދަތު އިތުރުވެއްޖެއެވެ.

ޝާހިދު މައްސަލައިގެ އިސްތިއުނާފު އަޑުއެހުން ކެންސަލްކޮށްފި
15 Nov 2026 ހަބަރު

ޝާހިދު މައްސަލައިގެ އިސްތިއުނާފު އަޑުއެހުން ކެންސަލްކޮށްފި

އެގޮތުން، ޝާހިދު ހައްޔަރުކުރަން ކޯޓުން ނެރުނު އަމުރުގެ އިސްތިއުނާފުގެ އަޑުއެހުން ފުރަތަމަ ތާވަލްކޮށްފައިވަނީ، މިއަދު މެންދުރު 1:00 ގައި ބޭއްވުމަށެވެ. ނަމަވެސް، އެ އަޑުއެހުން މިހާރު ވަނީ ކެންސަލްކޮށްފައެވެ. އަދި ކެންސަލްކުރި ސަބަބު ކޯޓުން އަދި ބަޔާންކޮށްފައެއް ނުވެއެވެ.