މާލިއްޔަތު ކޮމިޓީގެ މުޤައްރިރަކަށް ޤާސިމް، 241 ކޮމިޓީގެ މުޤައްރިރަކަށް ސަލީމް
ވިހިވަނަ ރައްޔިތުންގެ މަޖިލީހުގެ މާލިއްޔަތު ކޮމިޓީގެ މުގައްރިރުކަން ޖުމްހޫރީ ޕާޓީގެ ލީޑަރު ގާސިމް އިބްރާހީމަށް އަދި 241 ކޮމިޓީގެ މުގައްރިރަކަށް އޭދަފުށީ ދާއިރާގެ މެންބަރު އަހްމަދު ސަލީމް އައްޔަނު ކުރަން ނިންމައިފިއެވެ.
މި ދެ ކޮމިޓީގެ މުގައްރިރުންނަށް އެ ދެ ބޭފުޅުން އައްޔަނުކުރަން ނިންމެވީ، މިއަދު ބޭއްވި ޕާލިމަންޓްރީގެ ގްރޫޕުގެ ބައްދަލުވުމުގައެވެ.
މީގެ އިތުރުން، މިއަދުގެ ބައްދަލުވުމުގައި، ސަރުކާރު ހިއްސާވާ ކުންފުނިތަކާ ބެހޭ ކޮމިޓީއަށްވެސް ވަނީ މުގައްރިރެއް ކަނޑައަޅާފައެވެ. އެގޮތުން ސަރުކާރު ހިއްސާވާ ކުންފުނިތަކާ ބެހޭ ކޮމިޓީގެ މުގައްރިރަކަށް ހަމަޖައްސަން ނިންމާފައިވަނީ، މި މަޖިލިސް އިންތިޚާބުގައި އެންމެ ގިނަ ވޯޓު ހޯއްދަވައިގެން އިންތިޚާބުވި ބާރަށު ދާއިރާގެ މެންބަރު އިބްރާހިމް ޝުޖާއުއެވެ.
އަދި ޖުޑީޝަރީ ކޮމިޓީގެ މުގައްރިރަކަށް ހަމަޖައްސަން ނިންމާފައިވަނީ މަނަދޫ ދާއިރާގެ އިންތިޚާބީ މެމްބަރު ހުސްނީ މުބާރަކެވެ.
ވިހިވަނަ ރައްޔިތުންގެ މަޖިލީހުގެ މެމްބަރުން ހުވާކުރުމުގެ ޖަލްސާ ބާއްވަން ހަމަޖެހިފައި ވަނީ މާދަމާއެވެ. މި ޖަލްސާގެ ރިޔާސަތު ބަލަހައްޓަވަން ކަނޑައަޅާފައިވަނީ މީދޫ ދާއިރާގެ އިންތިޚާބީ މެމްބަރު އަޙްމަދު ސިޔާމް މުޙައްމަދެވެ.
މާލިއްޔަތު ކޮމިޓީގެ މުޤައްރިރަކަށް ޤާސިމް، 241 ކޮމިޓީގެ މުޤައްރިރަކަށް ސަލީމް
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
