ކައްދޫ އެއަރޕޯޓުގެ %100 ހިއްސާދާރުގެ ގޮތުގައި ރީޖަނަލް އެއަރޕޯޓްސް ހަމަޖައްސައިފި
ލ. ކައްދޫ އެއާޕޯޓް ހިންގުން ރީޖަނަލް އެއާޕޯޓްސް ކޮމްޕެނީ (އާރުއޭސީއެލް) އާ ހަވާލުކޮށްފިއެވެ.
އާރުއޭސީއެލްގެ އިން ބުނި ގޮތުގައި އިއްޔެއިން ފެށިގެން ކައްދޫ އެއާޕޯޓް ހިންގުން ވަނީ އެކުންފުންޏާ ހަވާލުކޮށްފައިއެވެ.
އަދި މިއީ ރައީސް މުހައްމަދު މުއިއްޒުގެ ދުރުވިސްނުންފުޅުގެ ތެރެއިން ރާއްޖޭގެ ވައިގެ ދަތުރުގެ ނިޒާމް އިތުރަށް ފުޅާކޮށް ހަރުދަނާ ކުރުމުގެ ސިޔާސަތުގެ ތެރެއިން ނިންމެވި ނިންމުމެއް ކަމަށް ވެސް ބުނެފައިވެއެވެ.
އާރްއޭސީއެލް އިން ބުނެފައުވާ ގޮތުގައި ރައީސުލްޖުމްހޫރިއްޔާ ޑޮކްޓަރ މުއީޒުގެ މިނިންމެވު ާމއެއްކޮށް ކައްދޫ އެއަރޕޯޓްގެ %100 ހިއްސާދާރެއްގެ ގޮތުގައި ރީޖަނަލް އެއަރޕޯޓްސް ކޮމްޕެނީ ލިމިޓެޑް ވެގެންދިޔައީއެވެ.
ކައްދޫ އެއަރޕޯޓް އަކީ ރާއްޖޭގައި ހުޅުވުނު ފުރަތަމަ ޑޮމެސްޓިކް އެއަރޕޯޓް ތަކުގެ ތެރެއިން އެއް އެއަރޕޯޓްއެވެ. ރައީސުލްޖުމްހޫރިއްޔާ ޑޮކްޓަރ މުހައްމަދު މުއިއްޒުގެ ރިޔާސީ ވަޢުދުފުޅާ އެއްގޮތައް ލ. ކައްދޫ އެއަރޕޯޓް އިންޓަނޭޝަނަލް ކުރުމަށް ކުރަންޖެހޭ ކަންކަން ފުރިހަމަކުރުމަށްޓަކައި ޗައިނާގެ ސީ އެމް ސީއީ ކުންފުންޏާ އެކު މި ހިނގާ އެޕްރީލް މަހުގެ 11 ވަނަ ދުވަހު ވަނީ އެމް އޯ ޔޫ އެއްގައި ސޮއި ކުރެވިފައެވެ.
ކައްދޫ އެއަރޕޯޓްގެ ހިންގުމަށް މިއައި ބަދަލާ އެއްކޮށް، ރީޖަނަލް އެއަރޕޯޓްސް ކޮމްޕެނީ ލިމިޓެޑް އިން ދަނީ ކައްދޫ އެއަރޕޯޓް މިހާރު ހިންގަމުން އަންނަ ކޭ އޭ ސީ އެލް އާއެއްކޮށް އެއަރޕޯޓްގެ އޮޕަރޭޝަންއާ ހަވާލުވުމުގެ މަސައްކަތް ކުރިޔަށް ގެންދިއުމަށް ތައްޔާރު ވަމުން ކަމަށް އެ ކުންފުނިން ބުނެއެވެ.
ކައްދޫ އެއަރޕޯޓް ރީޖަނަލް އެއަރޕޯޓްސް ކޮމްޕެނީގެ ދަށަށް ގެނެވުމާއެއްކޮށް ރީޖަނަލް އެއަރޕޯޓްސް ކޮމްޕެނީގެ ދަށުން އޮޕަރޭޓް ކުރަމުންއަންނަ އެއަރޕޯޓް ތަކުގެ އަދަދު ވަނީ 8 ކަށް އަރާފައެވެ.
ރީޖަނަލް އެއެރޕޯޓްސް ކޮމްޕެނީއަކީ މިވަގުތު ރާއްޖޭގަ އޮތް އެންމެގިނަ އެއަރޕޯޓްތައް ހިންގަމުންދާ ކުންފުންޏެވެ. އަދި ރީޖަނަލް އެއެރޕޯޓްސް ކޮމްޕެނީއާ ޑޮމެސްޓިކް އެއެރޕޯޓްތަކުގެ ހިންގުން ހަވާލު ކު ެރވުނުފަހުން އެއެއަރޕޯޓް ތަކުގެ ހިންގުން ރަނގަޅުކުރުމާއި ރެގިއުލޭޓަރީ މިންގަނޑުތައް ފުރިހަމަކުރަމުން ގޮސްފައިވެއެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
