މޯލްޑިވިއަން ބްލަޑް ސަރވިސަސް އިން ހޮޓްލައިން ނަންބަރެއް ތައާރަފުކޮށްފި
ލޭ ބޭނުންވާ ފަރާތްތަކަށް ހިދުމަތްދެމުން އަންނަ މޯލްޑިވިއަން ބްލަޑް ސަރވިސަސް (އެމް.ބީ.އެސް) އިން ހޮޓްލައިން ނަންބަރެއް ތައާރަފުކޮށްފިއެވެ.
އެމް.ބީ.އެސް އިން އެކްސްގައި ކޮށްފައިވާ ޕޯސްޓެއްގައި ބުނެފައިވަނީ، ހޮޓްލައިން ނަންބަރެއް ތަޢާރަފްކުރަން ނިންމީ، އެމް.ބީ.އެސްގެ ޚިދުމަތްތައް ހޯދުމުގައި މިހާރަށްވުރެ ބޮޑަށް ލުއި ފަސޭހަކުރުމުގެ މަޤްސަދުގައި ކަމަށެވެ.
އެމް.ބީ.އެސް އިން އަލަށް ތަޢާރަފްކުރި ހޮޓްލައިން ނަންބަރަކީ 7333645 އެވެ.
އެމް.ބީ.އެސް އިން ބުނެފައިވާ ގޮތުގައި، އެ އިދާރާ ހުޅުވާފައި ހުންނަ ވަގުތުތަކުގައި މި ހޮޓްލައިން ނަންބަރު މެދުވެރިކޮށް ހުރިހާ ފަރާތްތަކަށް ވެސް މައުލޫމާތު ސާފުކުރެވޭނެ ކަމަށާއި، އަދި ވައިބަރގެ އިތުރުން ވަޓްސްއެޕް މެދުވެރިކޮށް ވެސް މައުލޫމާތު ސާފު ކުރެވޭނެގޮތް ހަމަޖެހިފައިވާ ކަމަށެވެ.
މޯލްޑިވިއަން ބްލަޑް ސާވިސްއިން އިން ވަނީ މިއަހަރުގެ އޭޕްރިލްމަހުން ފެށިގެން އެ އިދާރާއިން ހިދުމަތްތައް ދެމުން އަންނަ ވަގުތު އިތުރުކޮށްފައެވެ. އެގޮތުން މިހާރު ކޮންމެ ހަފްތާއެއްގެ ހޮނިހިރު ދުވަހުން ފެށިގެން ބުރާސްފަތި ދުވަހުގެ ނިއަލަށް ހެނދުނު 08:00 އިން ރޭގަނޑު 21:00 އަށް އެ އިދާރާއިން ހިދުމަތްދެއެވެ.
މޯލްޑިވިއަން ބްލަޑް ސަރވިސަސްގެ ޚިދުމަތްތަށް މިހާރު ދެމުންއަންނަނީ ހުޅުމާލޭ އޮރެންޖު ހިޔާގައެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
