ތުލުސްދޫ.. ފޮޓޯ: ވޮއިސް
ތުލުސްދޫ.. ފޮޓޯ: ވޮއިސް
ހަބަރު 28 Oct 2025 | 15:51

ތުލުސްދޫއިން އެހެން ބަޔަކަށް ގޯތި ދޭނީ އެރަށު ރައްޔިތުންނަށް ގޯތި ކަށަވަރުކުރުމަށްފަހު: ރައީސް

ކ.ތުލުސްދޫއަށް އެހެން ބަޔަކު ގެނެސް އާބާދުކުރާނަމަ، އެކަންކުރާނީ އެރަށުގެ ރައްޔިތުންނަށް ގޯތި ކަށަވަރުކުރުމަށްފަހުކަަމަށް ރައީސުލްޖުމްހޫރިއްޔާ ޑރ.މުހައްމަދު މުއިއްޒު ވިދާޅުވެއްޖެއެވެ.

ތުލުސްދޫއަކީ ރާއްޖޭގެ ވަރަށްގިނަ ރަށްރަށުގެ މީހުން އާބާދުވާން ބޭނުންވާ ރަށެކެވެ. މިގޮތުން އާބާދީ މަދު ރަށްރަށުން ތުލުސްދޫއަށް ބަދަލުވުމުގެ ޝައުގުވެރިކަން މީގެ ކުރިން ވަނީ ފާޅުކޮށްފައެވެ.

ރައީސް ޑރ.މުއިއްޒު މިއަދު ތުލުސްދޫއަށް ވަޑައިގެން އެރަށު ރައްޔިތުންނާ ވާހަކަދައްކަވަމުން ވިދާޅުވީ، އާބާދީ އާއި ތަރައްޤީ އެއްފަސްކުރުމުގައި ތުލުސްދޫއަކީ ކާމިޔާބު މަސައްކަތްތަކެއް ކޮށްފައިވާ ރަށެއްކަމަށާއި، އަދި ކުރިއަށްއޮތް ދުވަސްތަކުގައި އެފަދަ ކަންކަމަށް އެރަށުގެ ރައްޔިތުން މަރުހަބާކިޔާނެކަން އެނގޭކަމަށް ރައީސް ވިދާޅުވިއެވެ.

ރައީސް ތުލުސްދޫ ރައްޔިތުންނާ ސަލާން ކުރުމުގައި... ފޮޓޯ: ރައީސް އޮފީސް

ރައީސް ވިދާޅުވީ ސަރުކާރުގެ ވިސްނުމަކީ ތުލުސްދޫ ރައްޔިތުންނަށް ބޭނުންވާވަރަށް ބޯހިޔާވަހިކަން ކަށަވަރުކުރުމަށްފަހު، އާބަދީ އެއްފަސް ކުރަން ބޭނުންވާ ރަށްރަށުގެ ރައްޔިތުންނަށް އެރަށުން ބޯހިޔާވަހިކަން ދިނުންކަމަށެވެ.

ތުލުސްދޫގެ ރައްޔިތުންގެ ގެދޮރުގެ މައްސަލައަށް ބޭނުންވާ ގޯތި ދިނުން ނޫނިއްޔާ ހައުސިންގެ މައްސަލަ ހައްލުވާ ވަރު ޔަގީންކުރުން އެއީ އަސާސީ އެއް ކަންތައް. އޭގެ އިތުރަށް ދެން ޖާގަ އޮތް މިންވަރަކުން އަޅުގަނޑުމެން އިރާދަކުރެއްވިއްޔާ ބޭނުންވަނީ އިތުރަށް ވެސް އާބާދީގެ ތަރައްޤީއަށް ފަސްކުރުމުގެ މަޝްރޫޢުތަ ރަށުގައި ހިންގަން

ރައީސް ވިދާޅުވިއެވެ

ރައީސް ވިދާޅުވީ ތުލުސްދޫގެ ތަރައްޤީއަށް ސަރުކާރުން ގިނަ ކަންތައްތަކެއް ކުރުމަށް ރާވާފައިވާކަމަށެވެ. އެގޮތުން އެންމެ މުހިންމު ކަމެއްގެ ގޮތުގައި މަގުހެދުމުގެ މަސައްކަތް ފަށާނޭކަމަށާއި، ސަރުކާރުގެ އަމާޒަކީ މިއަހަރު ނިމުމުގެ ކުރިން މި މަސައްކަތް ފެށުންކަމަށެވެ. މަގުތައް ހެދުންވާނީ ތުލުސްދޫ ރައްޔިތުންނާއި ރަށަށް ޒިޔާރަތްކުރާ ފަރާތްތަކަށް ލިބިގެންދާނޭ ވަރަށްބޮޑު ހިތްހަމަ ޖެހުމަކަށް ކަމަށް ރައީސް ފާހަގަކުރެއްވިއެވެ.

ތުލުސްދޫގެ މަގެއް... ފޮޓޯ: ވޮއިސް

ތުލުސްދޫއަކީ އެރަށުގެ މަގުތަކުގެ ހާލަތު ވަރަށް ދަށުގައި އޮތް ރަށެކެވެ. ވާރޭ ވެހިއްޖެނަމަ ތުލުސްދޫ މަގުތަކުގއި ހިނގާބިނގާވެ އުޅެން ދަތިވާވަރަށް މަގުތަކުގެ ހާލަތު ގޯސްވާކަމަށް ރަށު ރައްޔިތުންނާއި އެރަށަށް ޒިޔާރަތްކުރާ މީހުން ފާހަގަކުރެއެވެ.

މީގެ އިތުރުން ރަށުގެ ހިއްކާފައިވާ ސަރަހައްދުގައި ގޯތިގެދޮރު އެޅުމުގެ މަސައްކަތާއި، އިތުރު ބަނދަރެއް ހެދުމުގެ މަސައްކަތްތާއި، ބޭންކް އޮފް މޯލްޑިވްސްގެ ބްރާންޗަކާއި ޑޮލަރު އޭޓީއެމެއް ރަށުގައި ބެހެއްޓުމަށް ނިންމާފައިވާކަން ރައީސް ވިދާޅުވިއެވެ.

މި ލިޔުން ކަމުދިޔަނަމަ، ލައިކެއް ދެއްވާ

ކޮމެންޓް ކުރޭ

ކޮމެންޓްތައް މޮޑަރޭޓް ކުރެވޭނެއެވެ.

ކޮމެންޓްސް

މިހާތަނަށް ކޮމެންޓެއް ނެތް

ގުޅޭ ލިޔުންތައް

އުމްރާއަށް ގެންދާނެ ކަމަށް ބުނެ އަސްކޮއެ ގުރޫޕުން 109 މީހަކަށް ލަނޑުދިން މައްސަލަ: ދައުވާކޮށްދޭން އެދިއްޖެ
22 Nov 2026 ހަބަރު

އުމްރާއަށް ގެންދާނެ ކަމަށް ބުނެ އަސްކޮއެ ގުރޫޕުން 109 މީހަކަށް ލަނޑުދިން މައްސަލަ: ދައުވާކޮށްދޭން އެދިއްޖެ

އެ ފައިސާގެ އަދަދު 2،660،300ރ (ދެމިލިއަން ހަލައްކަ ފަސްދޮޅަސް ހާސް ތިންސަތޭކަ ރުފިޔާ) އަށް އަރަ އެވެ.

ކަސްޓަމްސްގެ އޮޕަރޭޝަންތަކުގައި ސަވައިލަންސް ޑްރޯން އާއި ބޮޑީވޯން ކެމެރާ ބޭނުންކުރަން ފަށައިފި
22 Nov 2026 ހަބަރު

ކަސްޓަމްސްގެ އޮޕަރޭޝަންތަކުގައި ސަވައިލަންސް ޑްރޯން އާއި ބޮޑީވޯން ކެމެރާ ބޭނުންކުރަން ފަށައިފި

މި އޮޕަރޭޝަންތަކުގައި ބޭނުންކުރުމަށް ހަމަޖެހިފައިވާ ބޮޑީވޯން ކެމެރާއަކީ އެމެރިކާއިން ހަދިޔާކޮށްފައިވާ ވަސީލަތެކެވެ.

އެފްޑީސީއަށް ހުށަހެޅުނު މައްސަލަތަކުގެ 87 އިންސައްތަ ހައްލުކޮށްފި
22 Nov 2026 ހަބަރު

އެފްޑީސީއަށް ހުށަހެޅުނު މައްސަލަތަކުގެ 87 އިންސައްތަ ހައްލުކޮށްފި

ފަހި ދިރިއުޅުން ކޯޕަރޭޝަން (އެފްޑީސީ) އިން ހުޅުމާލޭގައި ތަރައްޤީކޮށްފައިވާ "އަމާން އުދަރެސް" އަދި "އަމާން ދޯދި" ޓަވަރުތަކުގައި ދިރިއުޅޭ ރައްޔިތުން ހުށަހެޅި ޝަކުވާތަކާއި މައްސަލަތަކުގެ 87 އިންސައްތަ ހައްލުކޮށްދީފިއެވެ.

ޝާހިދު ބަންދުކުރަން ކުރި އަމުރަށް ހައިކޯޓުން ތާއީދު ކޮށްފި
22 Nov 2026 ހަބަރު

ޝާހިދު ބަންދުކުރަން ކުރި އަމުރަށް ހައިކޯޓުން ތާއީދު ކޮށްފި

18 އަހަރުން ދަށުގެ ކުޑަކުއްޖަކަށް ޖިންސީ ގޯނާކުރިކަމުގެ ތުހުމަތުގައި، ދިވެހިރާއްޖޭގެ ކުރީގެ ފޮރިން މިނިސްޓަރު އަދި އެމްޑީޕީގެ ކުރީގެ ރައީސް އަބްދުﷲ ޝާހިދު ހައްޔަރުކުރުމަށް ކްރިމިނަލް ކޯޓުން ނެރުނު އަމުރަށް ހައިކޯޓުން ތާއީދު ކޮށްފިއެވެ.

ރާއްޖެއިން ފުރަތަމަ ފަހަރަށް "ރުފަސް-ޓެއިލްޑް ރޮކް ތުރަޝް" ދޫނި ފެނިއްޖެ
22 Nov 2026 ހަބަރު

ރާއްޖެއިން ފުރަތަމަ ފަހަރަށް "ރުފަސް-ޓެއިލްޑް ރޮކް ތުރަޝް" ދޫނި ފެނިއްޖެ

ދިވެހިރާއްޖެއިން މީގެ ކުރިން ދުވަހަކުވެސް ފެނިފައިނުވާ ދޫނީގެ ބާވަތެއް ކަމަށްވާ "ރުފަސް-ޓެއިލްޑް ރޮކް ތުރަޝް" މ. މުލި އިން ފެނިއްޖެއެވެ.

އަލިފާން ނިއްވުމާ ގުޅޭ އަސްކަރީ ތަމްރީންތަކެއް މާލެ ސަރަހައްދުގައި ފަށައިފި
22 Nov 2026 ހަބަރު

އަލިފާން ނިއްވުމާ ގުޅޭ އަސްކަރީ ތަމްރީންތަކެއް މާލެ ސަރަހައްދުގައި ފަށައިފި

ކުއްލި ނުރައްކަލުގެ ހާލަތްތަކުގައި އިދާރާތައް ގުޅިގެން ހަރަކާތްތެރިވުމުގެ ގާބިލުކަން އިތުރުކުރުމުގެ ގޮތުން، އެމްއެންޑީއެފުން މާލެ ސަރަހައްދުގައި ކުރިއަށްގެންދާ އަސްކަރީ ތަމްރީނުތަކުގެ ތެރެއިން އަލިފާން ނިއްވުމުގެ ހާއްސަ ހަރަކާތްތަކެއް މިއަދު ފަށައިފިއެވެ.

ދައުލަތުގެ އިމާރާތްތަކުގައި ހުޅުޖެހުމަށް ހިތްވަރުދިން ޒިހާންގެ ބަންދަށް އިތުރު 16 ދުވަސް
22 Nov 2026 ހަބަރު

ދައުލަތުގެ އިމާރާތްތަކުގައި ހުޅުޖެހުމަށް ހިތްވަރުދިން ޒިހާންގެ ބަންދަށް އިތުރު 16 ދުވަސް

ދައުލަތުގެ އިމާރާތްތަކުގައި ހުޅުޖެހުމަށް ހިތްވަރުދިން މައްސަލައިގައި ހައްޔަރުކޮށްފައިވާ ޒިހާން ހަސަންގެ ބަންދަށް އިތުރު 16 ދުވަސް ކޯޓުން ޖަހައި، ޖުމްލަ 45 ދުވަހަށް ބަންދުގެ މުއްދަތު އިތުރުވެއްޖެއެވެ.

ދުންފަތް ކޮންޓްރޯލް ކުރުމާއި ޑިޖިޓަލް ރައްކާތެރިކަމުގެ ފިޔަވަޅުތަކަކީ ކުޑަކުދިންގެ ޙައްޤުގައި އެޅި މުހިންމު ފިޔަވަޅުތަކެއް: ރައީސް މުޢިއްޒު
20 Nov 2026 ހަބަރު

ދުންފަތް ކޮންޓްރޯލް ކުރުމާއި ޑިޖިޓަލް ރައްކާތެރިކަމުގެ ފިޔަވަޅުތަކަކީ ކުޑަކުދިންގެ ޙައްޤުގައި އެޅި މުހިންމު ފިޔަވަޅުތަކެއް: ރައީސް މުޢިއްޒު

ދުންފަތް ކޮންޓްރޯލް ކުރުމަށް ސަރުކާރުން ގެންނަ އިޞްލާޙުތަކާއި، ޑިޖިޓަލް ދުނިޔޭގައި ކުދިންގެ ރައްކާތެރިކަން ކަށަވަރުކުރުމަށް އަޅަމުންދާ ފިޔަވަޅުތަކަކީ، ކުޑަކުދިންގެ ދުޅަހެޔޮކަމަށް ކުރިމަތިވާ އާ ގޮންޖެހުންތަކުން އެކުދިން ސަލާމަތްކުރުމަށް ސަރުކާރުން ދޭ އަހައްމިއްޔަތުކަން ހާމަކޮށްދޭ ކަމެއް ކަމަށް ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ވިދާޅުވެއްޖެއެވެ.