އިންތިހާބާއި ދިމާކޮށް ކަޑަޖަހާ ވެރިއަކަށް ނުވާނަން: ރައީސް

އިންތިހާބާއި ދިމާކޮށް، އިޤްތިޞާދަށް ބެލުމެއްނެތި ތަރައްޤީގެ މަޝްރޫއުތައް ހިންގުމަށް ކަނޑަޖަހާ ވެރިއަކަށް ވެ ވަޑައި ނުގަންނަވާނެކަމަށް ރައީސުލްޖުމުހޫރިއްޔާ ޑރ. މުހައްމަދު މުއިއްޒު ވިދާޅު ވެއްޖެއެވެ.

އެމަނިކުފާނު މިފަދައިން ވިދާޅުވެފައި ވަނީ ރާއްޖޭގެ ރައީސުލް ޖުމުހުރިއްޔާ ކަމުގެ މަޤަމާއި ހަވަލުވެ ވަޑައިގެންނެވުމަށް ފަހު ފުރަތަމަ ފަހަރަށް ރާއްޖޭގެ އަތޮޅުތަކަށް  ކުރައްވަން ފެއްޓެވި ދަތުރުފުޅުގައއި މިއަދު ތ.ދިޔަމިގިއްޔަށް ވަޑައިގެން ދެއްކެވި ވާހަކަފުޅުގައެވެ.

ދިޔަމިގިލި ރައްޔިތުންނާއި ބައްދަލުކުރައްވާ ރައީސް ޑރ.މުހައްމަދު މުއިއްޒު ވިދާޅުވީ އެމަނިކުފާނު ސަރުކާރާއި ހަވާލުވެ ވަޑައިގެންނެވި އިރު ރާއްޖޭގެ އިޤްތިޞާދީ ހާލަތު އޮތީ ވަރަށް ނާޒުކު ފައްތަރެއްގައި ކަމަށާއި، އެހާލަތުން އަރައިގަނެ އަމިއްލަ ފަރުދުންނާއި ރައްޔިތުންގެ ފުދުންތެރިކަން އިތުރުކުރުމަށް ބުރަ މަސައްކަތްތަކެއް ކުރައްވަމުން އަންނަކަމަށެވެ.

"އަޅުގަނޑު ބޭނުންވަނީ ކޮންމެ ރައްޔިތަކަށް އިގްތިސާދީ ބާރުވެރިކަން ލިބި މުއްސަނދިކަން ލިބިގެން ދާން، ކުރިއެރުން ގެނެސްދޭން. އެ މަގުން އެގޮތަށް ކުރިއަށް ގެންދިއުމަށް އިގްތިސާދީ ތަރައްގީގެ، މަސައްކަތްތައް ބައްޓަން މި ކުރަނީ"

ރައީސް ވިދާޅުވި އެވެ.

ރައީސުލް ޖުމުހުރިއްޔާ ވިދާޅުވީ އިޤްތިޞާދީ ހާލަތަކީ ރަށްރަށުގެ ތަރައްޤި ގެނެސް ދިނުމަށް އޮތް ހުރަކަށް ދައްކަވަން ބޭނުން ނުވި ނަމަވެސް ޤައުމުގެ ހާލަތު އޮތްގޮތް ރައްޔިތުންނަށް ސާފުކޮށް އޮޅުން ފިވުވައިދެއްވަން ބޭނުންފުޅުވެ ވަޑައިގަންނަވާ ކަމަށެވެ. ރައީސް ވިދާޅުވީ އެއްވެސް ހާލެއްގައި މިހާލަތުގައި ރަސްރަށަށް ވަޑައިގެން ތަރައްޤީގެ ހުރިހާ މަޝްރޫއެއް ކުރިއަށް ގެންދަވާނަމޭ ވިދާޅުވާ ވެރިއަކަށް އެމަނިކުފާނު ވެ ވަޑައި ނުގަންނަވާނެ ކަމަށެވެ.

"އެހެންޏާ ކަންތައްތައްވާ ގޮތަށް އިންތިހާބަށް މަހެއް ނުވަތަ ދޮޅުމަސް ވީމާ އައިސް މިއިން އެއްވެސް ކަމަކަށް ބެލުމެއްނެތި ހަމަ ކުއްލިއަކަށް ބިންގާ އަޅައި، ކަޑަޖަހާ އުސޫލުން ކަންކަންކޮށްފައި ދިޔައީމާ ރައްޔިތުންނަށް ވާ ފައިދާއެއް ނޯވޭ. އެއީ އަމިއްލަ ނަފްސަށް އޮޅުވާލެވޭ އޮޅުވާލުމެއް".

ރައީސް ވިދާޅުވި އެވެ

ރައީސުލްޖުމުހޫރިއްޔާ މިފަދައިން ވިދާޅުވެފައިވާއިރު ނިމިދިޔަ ރައީސް އިބްރާޙިމް މުޙައްމަދު ޞާލިޙްގެ ސަރުކާރުން ވަނި ރިޔާސީ އިންތިހާބާއި ދިމާކޮށް އެއްވެސް ބެލުމެއް ނެތި ގިނަ މަޝްރޫޢުތަކެއް ރާއްޖޭގެ އެކިއެކި ކަންކޮޅުތަކުގައި ފަށާފައެވެ.

އޭރު ފަށާފައި ހުރި ގިނަ މަޝްރޫޢުތަކަކަށް ދޭންޖެހޭ އެތަށް ބައިވަރު ފައިސާތަކެއް ވަނީ ނިމިދިޔަ ސަރުކާރުން ނުދީއެވެ. މި ސަރުކާރު ވެރިކަމާއި ހަވާލުވުމަށްފަހު އޭގެ ތެރެއިން ބޮޑު އަދަދެއް މިހާރުވަނީ އެ ފަރާތްތަކާއި ހަވާލުކޮށްފައެވެ.