މެމްބަރު ނާޒިމް.. ފޮޓޯ: މަޖިލިސް
މެމްބަރު ނާޒިމް.. ފޮޓޯ: މަޖިލިސް
ހަބަރު 04 Nov 2025 | 11:40

ހެކި ވަޒަން ނުކުރެވި ކުށްވެރިން މިނިވަންވެގެންދޭ: ނާޒިމް

ކޯޓުތަކަށް ހުށަހެޅޭ އެކި މައްސަލަތަކުގައި ހެކި ވަޒަން ނުކުރެވި ކުށްވެރިން މިނިވަންވެގެންދާ މައްސަލަ ބޮޑުަކަމަށް ރައްޔިތުން މަޖިލީހުގެ ނައިބު ރައީސް އަދި ދިއްގަރު ދާއިރާގެ މެންބަރު އަހްމަދު ނާޒިމް މިއަދު ވިދާޅުވެއްޖެއެވެ.

ހެތްކާ ބެހޭ ގާނޫނަށް ސަރުކާރުގެ ފަރާތުން ބިލެތްދޫ ދާއިރާގެ މެންބަރު އަހްމަދު އަސްލަމް ހުށަހެޅުއްވި އިސްލާހަށް ބަހުސްކުރައްވަމުން މެމްބަރު ނާޒިމް ވިދާޅުވީ، ހެތްކާ ގުޅޭ އެކިއެކި ކަންތައްތަކުގެ ސަބަބުން ކުށްވެރިން މިނިވަންވެގެންދާ ތަން އިތުރުވަމުންދާކަމަށެވެ. ހެތްކާބެހޭ ޤާނޫނު އައިފަހުންވެސް މިކަން އެމަގުން ހިނގަމުންދާކަން ފާހަގަކުރައްވަމުން ނާޒިމް ވިދާޅުވީ ހެކި ބަލައިގަތުމުގެ މައްސަލަތަކާއި ހެކި ވަޒަންކުރުމުގެ މައްސަލަތައް ފާހަގަ ކުރެވޭކަމަށެވެ.

ނާޒިމް ވިދާޅުވީ ޓެކްނޮލޮޖީއަށް މިހާރު އައިސްފައިވާ ބަދަލުތަކާއެކުވެސް ހެތްކާބެހޭ ޤާނޫނަށް އިސްލާހް ގެންނަން ޖެހޭކަމަށާއި، އިލެކްޓްރޯނިކަލީ ހެކި ބަލައިގަތުމާއި އަދި ހެކި ގެންގުޅެންވާ ގޮތާއި ޗެއިން އޮފް ކަސްޓަޑީއާއި މި ކަންތައްތަކަށް ބަލާއިރުވެސް ހެތްކާބެހޭ ޤާނޫނަށް ބަދަލު ގެންނަން ޖެހޭކަމަށެވެ.

މިމޭރުމުން ވާހަކަދައްކަވަމުން ނާޒިމް ވަނީ ދާދިފަހަކުން ކޯޓުތަކުގައި ހިނގާދިޔަ މިފަދަ ބައެއް މައްސަލަތައް ފާހަގަކުރައްވާފައެވެ. އެގޮތުން ބޭންކްތަކުގެ ބައެއް ޑޮކިއުމެންޓްތަކުގައި ސައްޙަކަން ކަށަވަރުކުރުމާ ބެހޭ ބައެއް ކަންތައްތަކުގައި އަދި ސުޕްރީމް ކޯޓު ދާދި ފަހުން ނެރުނު ހުކުމެއްގައި ވެސް ބޭންކުގެ އޮޑިޓަލް ތައްގަނޑު އޭގައި ޖަހާފައި އެއީ ބޭންކުން ޖެހި ތައްގަނޑެއް ނޫން ކަމަށް ބޭންކުން ބުނި މައްސަލަ ފާހަގަކޮށްލެވެއެވެ.

ކުރީގެ ޕޮރޮސެކިއުޓަރ ޖެނެރަލްއަށް ހަމަލާދިން ފަރާތްތައް ވެސް މިނިވެގެން ދިޔައީ، ސީސީޓީވީ ފުޓޭޖު ފެނޭ އެކަމަކު ސީސީޓީވީގެ ގަޑި އެ ސްކްރީނުން ފެންނަން އޮންނަ ގަޑި ދިމާނުވެގެން

ނާޒިމް ވިދާޅުވިއެވެ

ހެތްކާ ބެހޭ ބިލަށް ހުށަހެޅިފައިވާ އިސްލާހަށް ވާހަކަދައްކަވަމުން ރައްޔިތުން މަޖިލީހުގެ ހަނިމާދޫ ދާއިރާގެ މެމްބަރު ޢަބްދުލް ޢަފޫރު ވިދާޅުވީ ހެއްކާ ބެހޭ ގާނޫނަކީ މިހާރު ވެސް ވަރަށް ފުރިހަމައަށް ތައްޔާރުކުރެވިފައިވާ ގާނޫނެއް ކަމަށާއި، އެ ގާނޫނު ތައްޔާރުކުރީ ކަމާބެހޭ ފަރާތްތައް މި މަޖިލީހަށް ގެނެސްގެން ކަމަށެވެ. ޒަމާނާ އެއްވަރަށް ޤާނޫނުތައްވެސް ބަދަލުވާންޖެހޭނެކަން ގަބޫލުކުރައްވާަކަން ގަބޫލުކުރައްވާ ކަމަށާއި، ނަމަވެސް ހުރިހާ ކަމަކީ ގާނޫނު މައްސަލައެއް ނޫންކަން އޭނާ ފާހަގަކުރެއްވިއެވެ.

އެގޮތުން ފަނޑިޔާރުންވެސް އަދުލުވެރިވާންޖެހޭކަމަށް މެމްބަރު ވަނީ ވިދާޅުވެފައެވެ.

ބައެއް ފަނޑިޔާރުން ފައިސާ ހޯދުމަށް އެ މައްސަލައިގައި ސަލާމަތްވޭނެ ގޮތްތައް ކިޔައިދޭ މަންޒަރު ވެސް އަޅުގަނޑު މެންނަށް ބައެއް ފަހަރަށް ފެނޭ. އަޅުގަނޑު މި ދަންނަވަނީ ރާއްޖޭގެ މަސައްކަތް ކުރާ ހުރިހާ ފަނޑިޔާރުންނަކީ ގޯސް ފަނޑިޔާރުނެއް ނޫން އެހެންނަމަވެސް ހަމަ އެކަށީގެންވާ ގޯސް ހަދާފައި ފަނޑިޔާރުން އެބަ އުޅޭ

ޤަފޫރު ވިިދާޅުވިއެވެ

މެމްބަރު އިތުރަށް ވިދާޅުވީ މަޖިލީހުން ފަނޑިޔާރުންގެ އިނާޔަތްތަކާ ކަންކަން އެބޭފުޅުން އެދޭގޮތަށް ރަނގަޅުކޮށްދެމުންދާއިރު، ފަނޑިޔާރުންގެ ފަރާތުން އަދުލުވެރިކަމާއެކު މަސައްކަތް ކުރާތަން ފެންނަންޖެހޭކަމަށެވެ.

މި ލިޔުން ކަމުދިޔަނަމަ، ލައިކެއް ދެއްވާ

ކޮމެންޓް ކުރޭ

ކޮމެންޓްތައް މޮޑަރޭޓް ކުރެވޭނެއެވެ.

ކޮމެންޓްސް

މިހާތަނަށް ކޮމެންޓެއް ނެތް

ގުޅޭ ލިޔުންތައް

އުމްރާއަށް ގެންދާނެ ކަމަށް ބުނެ އަސްކޮއެ ގުރޫޕުން 109 މީހަކަށް ލަނޑުދިން މައްސަލަ: ދައުވާކޮށްދޭން އެދިއްޖެ
22 Nov 2026 ހަބަރު

އުމްރާއަށް ގެންދާނެ ކަމަށް ބުނެ އަސްކޮއެ ގުރޫޕުން 109 މީހަކަށް ލަނޑުދިން މައްސަލަ: ދައުވާކޮށްދޭން އެދިއްޖެ

އެ ފައިސާގެ އަދަދު 2،660،300ރ (ދެމިލިއަން ހަލައްކަ ފަސްދޮޅަސް ހާސް ތިންސަތޭކަ ރުފިޔާ) އަށް އަރަ އެވެ.

ކަސްޓަމްސްގެ އޮޕަރޭޝަންތަކުގައި ސަވައިލަންސް ޑްރޯން އާއި ބޮޑީވޯން ކެމެރާ ބޭނުންކުރަން ފަށައިފި
22 Nov 2026 ހަބަރު

ކަސްޓަމްސްގެ އޮޕަރޭޝަންތަކުގައި ސަވައިލަންސް ޑްރޯން އާއި ބޮޑީވޯން ކެމެރާ ބޭނުންކުރަން ފަށައިފި

މި އޮޕަރޭޝަންތަކުގައި ބޭނުންކުރުމަށް ހަމަޖެހިފައިވާ ބޮޑީވޯން ކެމެރާއަކީ އެމެރިކާއިން ހަދިޔާކޮށްފައިވާ ވަސީލަތެކެވެ.

އެފްޑީސީއަށް ހުށަހެޅުނު މައްސަލަތަކުގެ 87 އިންސައްތަ ހައްލުކޮށްފި
22 Nov 2026 ހަބަރު

އެފްޑީސީއަށް ހުށަހެޅުނު މައްސަލަތަކުގެ 87 އިންސައްތަ ހައްލުކޮށްފި

ފަހި ދިރިއުޅުން ކޯޕަރޭޝަން (އެފްޑީސީ) އިން ހުޅުމާލޭގައި ތަރައްޤީކޮށްފައިވާ "އަމާން އުދަރެސް" އަދި "އަމާން ދޯދި" ޓަވަރުތަކުގައި ދިރިއުޅޭ ރައްޔިތުން ހުށަހެޅި ޝަކުވާތަކާއި މައްސަލަތަކުގެ 87 އިންސައްތަ ހައްލުކޮށްދީފިއެވެ.

ޝާހިދު ބަންދުކުރަން ކުރި އަމުރަށް ހައިކޯޓުން ތާއީދު ކޮށްފި
22 Nov 2026 ހަބަރު

ޝާހިދު ބަންދުކުރަން ކުރި އަމުރަށް ހައިކޯޓުން ތާއީދު ކޮށްފި

18 އަހަރުން ދަށުގެ ކުޑަކުއްޖަކަށް ޖިންސީ ގޯނާކުރިކަމުގެ ތުހުމަތުގައި، ދިވެހިރާއްޖޭގެ ކުރީގެ ފޮރިން މިނިސްޓަރު އަދި އެމްޑީޕީގެ ކުރީގެ ރައީސް އަބްދުﷲ ޝާހިދު ހައްޔަރުކުރުމަށް ކްރިމިނަލް ކޯޓުން ނެރުނު އަމުރަށް ހައިކޯޓުން ތާއީދު ކޮށްފިއެވެ.

ރާއްޖެއިން ފުރަތަމަ ފަހަރަށް "ރުފަސް-ޓެއިލްޑް ރޮކް ތުރަޝް" ދޫނި ފެނިއްޖެ
22 Nov 2026 ހަބަރު

ރާއްޖެއިން ފުރަތަމަ ފަހަރަށް "ރުފަސް-ޓެއިލްޑް ރޮކް ތުރަޝް" ދޫނި ފެނިއްޖެ

ދިވެހިރާއްޖެއިން މީގެ ކުރިން ދުވަހަކުވެސް ފެނިފައިނުވާ ދޫނީގެ ބާވަތެއް ކަމަށްވާ "ރުފަސް-ޓެއިލްޑް ރޮކް ތުރަޝް" މ. މުލި އިން ފެނިއްޖެއެވެ.

އަލިފާން ނިއްވުމާ ގުޅޭ އަސްކަރީ ތަމްރީންތަކެއް މާލެ ސަރަހައްދުގައި ފަށައިފި
22 Nov 2026 ހަބަރު

އަލިފާން ނިއްވުމާ ގުޅޭ އަސްކަރީ ތަމްރީންތަކެއް މާލެ ސަރަހައްދުގައި ފަށައިފި

ކުއްލި ނުރައްކަލުގެ ހާލަތްތަކުގައި އިދާރާތައް ގުޅިގެން ހަރަކާތްތެރިވުމުގެ ގާބިލުކަން އިތުރުކުރުމުގެ ގޮތުން، އެމްއެންޑީއެފުން މާލެ ސަރަހައްދުގައި ކުރިއަށްގެންދާ އަސްކަރީ ތަމްރީނުތަކުގެ ތެރެއިން އަލިފާން ނިއްވުމުގެ ހާއްސަ ހަރަކާތްތަކެއް މިއަދު ފަށައިފިއެވެ.

ދައުލަތުގެ އިމާރާތްތަކުގައި ހުޅުޖެހުމަށް ހިތްވަރުދިން ޒިހާންގެ ބަންދަށް އިތުރު 16 ދުވަސް
22 Nov 2026 ހަބަރު

ދައުލަތުގެ އިމާރާތްތަކުގައި ހުޅުޖެހުމަށް ހިތްވަރުދިން ޒިހާންގެ ބަންދަށް އިތުރު 16 ދުވަސް

ދައުލަތުގެ އިމާރާތްތަކުގައި ހުޅުޖެހުމަށް ހިތްވަރުދިން މައްސަލައިގައި ހައްޔަރުކޮށްފައިވާ ޒިހާން ހަސަންގެ ބަންދަށް އިތުރު 16 ދުވަސް ކޯޓުން ޖަހައި، ޖުމްލަ 45 ދުވަހަށް ބަންދުގެ މުއްދަތު އިތުރުވެއްޖެއެވެ.

ޓެކުހާއި ގުޅޭ ތިން ބިލެއް ރައީސް ތަސްދީގު ކުރައްވައިފި
20 Nov 2026 ހަބަރު

ޓެކުހާއި ގުޅޭ ތިން ބިލެއް ރައީސް ތަސްދީގު ކުރައްވައިފި

ޓެކުހާއި ގުޅޭ ތިން ބިލެއް ރައީސް ވަނީ ތަސްދީގު ކުރައްވައިފަ އެވެ.