ފީވަކުގައި ގިނަވަމުންދާ "ފުރުޓް ފްލައި" ގެ އާބާދީ ކޮންޓްރޯލް ކުރުމުގެ މަސައްކަތް ފަށައިފި

ށ.ފީވަކުގައި ގިނަވަމުންދާ "ފުރުޓް ފްލައި" ގެ އާބާދީ ކޮންޓްރޯލް ކުރުމުގެ މަސައްކަތް ފަށާފައިވާކަމަށް ދަނޑުވެރިކަމާއި ދިރޭތަކެއްޗާއި ބެހޭ ވުޒާރާއިން ބުނެފިއެވެ.

ދަނޑުވެރިކަމާއި ބެހޭ ވުޒާރާއިން ވިދާޅުވީ، ތަރުކާރީއާއ މޭވާގެ ގިނަ ވައްތަރުތަކުގައި އަށަގަންނަ ނުރައްކާތެރި ފަނިފަކްސާއެއްކަމުގައި ވާ "ފުރުޓް ފްލައި" ށ. ފީވަކުގައި ގިނަވަމުންދާކަމުގެ ޝަކުވާ އެ ވުޒާރާ އަށް ލިބުމުން، ފެރޮމޯން ދަންތުރަ ބޭނުންކޮށްގެން އޭގެ އާބާދީ މަދުކުރުމުގެ މަސައްކަތް ކުރަމުންދާ ކަމަށެވެ.

އެ ވުޒާރާއިން ވިދާޅުވީ، އެ ވުޒާރާގެ ފަންނީ ޓީމަކުން އަންނަނީ ފީވަކު ކައުންސިލާއި، ދަނޑުވެރިންނާއި ގުޅިގެން އެރަށުގައި ހަރަކާތްތެރިވަމުން އަންނަ ކަމަށެވެ.

މި ސޫފި އެންމެ ފުރަތަމަ ރާއްޖެއިން ފެނިފައިވަނީ 2015 ވަނަ އަހަރު ށ. ފީވަކުންނެވެ.

ފްރުޓް ފްލައި އަހަރަކު ދިހަ ފަހަރު ބިސް އަޅާއިރު، މިއީ ވަރަށް އަވަހަށް ވިހާ، އާލާވާ ސޫތްޕެކެވެ. މި ސޫފި އިންސާނުންނަށް ގެއްލުން ނުދިންނަމަވެސް، އޭގެ ސަބަބުން، ދަނޑުވެރިން ހައްދާ މޭވާއާއި، ތަރުކާރީފަދަ ތަކެއްޗަށް ބޮޑެތި ގެއްލުންތަކެއްލިބެއެވެ. މިގޮތުން، މީގެ ސޫފި މޭވާއަށް ކަށިޖެހުމަށްފަހު އޭގެ ބިސް މޭވާގެ އެތެރެއަށް ފޮނުވާލައެވެ. އެއާއިއެކު، އެބިހުން އާލާވާ ފަނިތަކުން މޭވާގެ އެތެރ ހަލާކުކޮށްލާއިރު، ގަސްގަހުގައި އަޅާ ތަރުކާރީ ނުވަތަ މޭވާގެ ނުވަދިހަ އިންސައްތަ އާއި ސަތޭކަ އިންސައްތައާއި ދެމެދު މިސޫފި ހަލާކުކޮށްލައެވެ.