ރާއްޖޭގައި ހުންނަ ލަންކާ ސަފީރުގެ ތައުރީފް ދިވެހިންނަށް
ސްރީލަންކާއަށް ކުރިމަތިވި ކުރިމަތިވި ހިތާމަވެރި މި ދަނޑިވަޅުގައި އެހީއަށް އެދުމުން އެންމެފުރަތަމަ އިޖާބަދިން ޤައުމަކީ ދިވެހިރާއްޖެ ކަމަށް ސިލޯނާއެކު ސްރީލަންކާއިން ރާއްޖެއަށް ކަނޑައަޅުއްވާފައި ހުންނަވާ ސަފީރު ސަފީރު މުހައްމަދު ރިޒްވީ ހަސަން ވިދާޅުވެއްޖެއެވެ.
ދައުލަތުގެ މީޑިއާ، ޕީއެސްއެމާއި އަމިއްލަ މީޑިއާތައް ގުޅިގެން މިއަދު ފެށި ސިލޯނާއެު ދިވެހިން ތެލެތޯންގައި ވާހަކަދައްކަވަމުން ސަފީރު ވިދާޅުވީ އެންމެފުރަތަމަ ލަންކާގެ ރައްޔިތުންނަށް އެހީވުމަށް ދިވެހިން ނިކުތްކަން ފާހަގަކޮށް އެކަމަށް ޝުކުރުއަދާކުރައްވާފައެވެ. އަދި ރާއްޖެއަކީ ލަންކާއަށް މިގޮތަށް އެހީތެރިކަމަށް އެދެންޖެހޭ ހާލަތުގައި އަބަދުވެސް އެންމެ އަވަހަށް އެހީތެރިކަން ފޯރުކޮށްދޭ ޤައުމުކަން ސަފީރު ވިދާޅުވިއެވެ.
ސަފީރު ވިދާޅުވީ ހާލުގައި ޖެހިފައިވާ ލަންކާގެ ރައްޔިތުންނަށް އެންމެފުރަތަމަ ފޯރުކޮށްދެމުންގެންދަނީ އަސާސީގޮތުން ފޯރުކޮށްދޭންޖެހޭ ކޮންމެހެން ބޭނުންވާ ތަކެތިކަމަށެވެ. ލަންކާގެ ބައެއް ސަރަަހައްދުތަކަށް ވަރަށްބޮޑެތި ގެއްލުންލިބުނުކަން ފާހަގަކުރައްވަމުން ސަފީރު ވިދާޅުވީ ގެއްލުންތައް ލިބިފައިވާ ސަރަހައްދުތަކުން ރައްކާތެރި ސަރަހައްދުތަކަށް މީހުން ބަދަލުކުރުމުގެ މަސައްކަތް ހުއްޓުމެއްނެތި ކުރިއަށްދާަކަމަށެވެ.
ރާއްޖެއާ ލަންކާ އާ ދެމެދު އޮތް ގުޅުމަށް އިޝާރާތް ކުރައްވައި ސަފީރު ވިދާޅުވީ ދެ ޤައުމުގެ ދެމެދުގައި އޮތީ ޒަމާންވީ އަހުވަންތަ ވަރަށް ވަރުގަދަ ގުޅުމެއް ކަމަށެވެ. ސަފީރު ވަނީ ގުދުރަތީގޮތުން ކުރިމަތިވާ ކަންކަމުގައި ދެ ޤައުމު ގުޅިގެން މަސައްކަތްކުރުމުގެ މުހިންމުކަން ފާހަގަކުރައްވާފައެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
