ޢަބްދުއްރަހީމްގެ ރައްދެއް އައްބާސްއަށް; ޕީއެންސީ ޕީޖީ މާ ވަރުގަދަވާނެ

ވެރިކަންކުރާ ޕާޓީ، ޕީއެންސީ ޕީޖީގްރޫޕް ތެރޭގައި ބައިބައިވުން އޮތްކަމަށް ރައްޔިތުންގެ މަޖިލިހުގެ ވެލިދޫ ދާއިރާގެ އެމްޑީއޭގެ މެމްބަރު މުހައްމަދު ރޭ ދެއްކެވި ވާހަކަތަކަށް ޕީއެންސީގެ ޗެއާޕާސަން ޢަބްދުއްރަހީމް ޢަބްދުﷲ މިއަދު ރައްދު ދީފި އެވެ.

އެމްޑީއޭގެ މެމްބަރު ފޭސްބުކްގައި ކުރެއްވި ޕޯސްޓެއްގައި ވިދާޅުވެފައި ވަނީ، ކުރިއަށް އޮތް މަދު ދުވަސްކޮޅެއްގެ ތެރޭގައިި ޕީ.އެން.ސީ ގެ 13 ނުވަތަ 14 މެންބަރުން ގޮޑި ގެއްލުނަސް ހެޔޮކަމުގައި އެ ޕާޓީއާ ފެއަށް ޖެހިލައި ރައްޔިތުންގެ ފަޅިއަށް އެރުމަށް ތައްޔާރުވެފައިވާކަމަށެވެ.  އެގޮތުން އިއްޔެ ބޭއްވުނު ޕީއެންސީ ޕީޖީ ގްރޫޕް ގެ ބައްދަލުވުމުގައި މެންބަރުންގެ ކަންބޮޑުވުންތަށް ބަންޑުން ކޮށްލާފައިވާ ކަމަށް އައްބާސްގެ ވާހަކާގައި ފާހަގަ ކުރެއްވި އެވެ.

މިކަމާ ގުޅިގެން ޕީއެންސީގެ ޗެއާޕާސަން އަދި ރައްޔިތުން މަޖިލީހުގެ ރައީސް ޢަބްދުއްރަހީމް އަބްދުﷲ މިއަދު އެކްސްގައި ކުރެއްވި ޕޯސްޓްގައި ވަނީ އައްބާސްގެ ވާހަކަތައް ދޮގުކުރައްވާފައެވެ. އަދުރޭ ވިދާޅުވީ، އައްބާސް އެ ވިދާޅުވާ ބައްދަލުވުމުގައި އެމަނިކުފާނުވެސް ހުންނެވި ކަމަށާއި، އައްބާސްގެ ވާހަކަތަކަކީ ކަނޑައެޅިގެން ހަގީގަތާ ހިލާފްވާހަކަތަކެއް ކަމަށެވެ. އަދުރޭ ވިދާޅުވީ އެގޮތަށް ފަތުރާ ދޮގު ޚަބަރުތަކުން ބައިބައިވާ ވަރަށްވުރެ ޕީއެންސީގެ ޕީޖީ މާ ވަރުގަދަވާނޭކަމަށެވެ.

އައްބާސްގެ ވާހަކަތަކާ ގުޅިގެން ޕީއެންސީގެ މެމްބަރުންދަނީ އައްބާސްގެ ވާހަކަތައް ކުށްވެރިކުރަމުންނެވެ.

އައްބާސް ރޭ ކުރެއްވި ޕޯސްޓްގައި ވިދާޅުވެފައިވަނީ، ޕީއެންސީގެ ބައެއް މެންބަރުން ވިދާޅުވެފައި ސަރުކާރުން މިހާރު ކަންކަމުގައި ގެންގުޅެމުންދާ ސިޔާސަތުތަކަށް އެބޭފުޅުން ތާއީދު ނުކުރަށްވާކަމަށާއި، ރ.މުއިއްޒު ދެކިލައްވާ ގޮތުގައި ރައްޔިތުންގެ މަޖުލީސް މެންބަރުންނަކީ އެއްވެސް ބައެއް ނޫންކަމަށެވެ. އެގޮތުން ކަންކަމުގައި މެމްބަރުންނާ މަޝްވަރާވެސް ނުކުަރައްވާކަމަށް އައްބާސްގެ ޕޯސްޓްގައި ވަނީ ވިދާޅުވެފައެވެ.