މަޖިލީސް އިންތިހާބުގައި ވާދަކުރި 368 ކެނޑިޑޭޓުންގެ ތެރެއިން މާލީ ބަޔާން ހުށައެޅީ 91 ކެނޑިޑޭޓުން: އީސީ
ނިމިދިޔަ 20 ވަނަ ރައްޔިތުންގެ މަޖިލީސް އިންތިހާބުގައި ވާދަކުރި 368 ކެނޑިޑޭޓުންގެ ތެރެއިން މިހާތަނަށް މާލީ ބަޔާން ހުށަހަޅާފައިވަނީ 91 ކެނޑިޑޭޓުންކަމަށް އިލެކްޝަން ކޮމިޝަން (އީސީ) އިން ބުނެފިއެވެ.
މިފަހަރުގެ މަޖިލިސް އިންތިހާބުގައި ވާދަކުރި ކެނޑިޑޭޓުންނަށް މާލީ ބަޔާން ހުށަހެޅުމަށް އީސީ އިން ދީފައިވާ މުއްދަތު މާދަމާ އަށް ހަމަވާއިރު، މިހާތަނަށް 277 ކެނޑިޑޭޓުން ގެ މާލީ ބަޔާން ހުށަހަޅާފައެއް ނުވެއެވެ.
އީސީ އިން ބުނީ މާލީ ބަޔާން ހުށަހެޅި 91 ކެނޑިޑޭޓުންގެ ތެރޭގައި ހިމެނެނީ ޕާޓީތަކުން ވާދަކުރެއްވި 56 ކެނޑިޑޭޓުންނާއި އަމިއްލަ ގޮތުން ވާދަކުރެއްވި 35 ކެނޑިޑޭޓުން ކަމަށެވެ.
މަޖިލިސް އިންތިހާބުގައި ވާދަކޮށް ނުހޮވުނު ނަމަވެސް މާލީ ބަޔާން ހުށަހަޅަން ޖެހޭއިރު، އީސީން ދީފައިވާ މުއްދަތުގައި މާލީ ބަޔާން ހުށަހަޅާފައި ނުވާނަމަ ނުވަތަ މާލީ ބަޔާނުގައި ދޮގު މައުލޫމާތު ހިމަނާފައިވާނަމަ އެއް އަހަރު ދުވަހުގެ ޖަލު ހުކުމެއް ނުވަތަ 72،000 ރުފިޔާގެ ޖޫރިމަނާއެއް އަންނާނެ އެވެ.
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
