ށ. މިލަންދޫގައި އެފްއެސްއެމުން ތަރައްޤީކުރި ފިއުލް ސްޓޭޝަން ހުޅުވައިފި
ފިއުލް ސަޕްލައި މޯލްޑިވްސް (އެފް.އެސް.އެމް) އިން ށ. މިލަންދޫގައި އިމާރާތްކުރި ފިއުލް ސްޓޭޝަން ހުޅުވައިފިއެވެ.
މިއީ އެފްއެސްއެމުން ފަށާފައިވާ މަޝްރޫޢުގެ ދަށުން ރާއްޖޭގައި ހުޅުވުނު 5 ވަނަ ފިއުލް ސްޓޭޝަނެވެ.
މިލަންދޫގައި މި ޚިދުމަތް ފެށުމަކީ އަތޮޅުތަކަށް ތެޔޮ ފޯރުކޮށްދިނުމުގެ ވިއުގަ ފުޅާކުރުމަށް ސަރުކާރުން ކަނޑައަޅާފައިވާ އަމާޒަށް ވާސިލްވުމަށް އެޅުނު މުހިންމު ފިޔަވަޅެއްކަމަށް އެފްއެސްއެމުން ބުންޏެވެ. މި ސްޓޭޝަނަކީ ށ. އަތޮޅުގެ ރައްޔިތުންނަށް ބޭނުންވާ ތެޔޮ ފޯރުކޮށްދިނުމަށް ޤާއިމުކުރެވުނު މަރުކަޒެކެވެ.
ސަރުކާރުން މުޅި ރާއްޖޭގައި ތެޔޮ ލިބޭނެ އިންތިޒާމު ފަސޭހަކުރުމަށް ފަށާފައިވާ މަސައްކަތުގެ ދަށުން، ރާއްޖޭގެ އެކި ކަންކޮޅުތަކުގައި ޖުމްލަ 18 ފިއުލް ސްޓޭޝަން ތަރައްޤީކުރުމުގެ މަސައްކަތް ދަނީ ކުރިއަށެވެ. މި މަޝްރޫޢުގެ މައިގަނޑު ސިޔާސަތަކީ ރާއްޖޭގެ ކޮންމެ އަތޮޅެއްގައި މަދުވެގެން އެއް ފިއުލް ސްޓޭޝަން ޤާއިމުކުރުމެވެ.
މި މަޝްރޫޢުގެ ދަށުން މިހާތަނަށް 5 ސަރަޙައްދެއްގައި ސްޓޭޝަންތައް ހުޅުވައި ޚިދުމަތް ދޭން ފަށާފައިވާއިރު، ބާކީ ހުރި ސްޓޭޝަންތަކުގެ މަސައްކަތްތައް ވެސް ރާއްޖޭގެ އެކި އަތޮޅުތަކުގައި މިހާރު ދަނީ ކުރިއަށެވެ.
މި މަސައްކަތްތައް ކުރިއަށްދަނީ ރާއްޖޭގެ ހުރިހާ އަތޮޅަކަށް ތެޔޮ ލިބުމުގެ ދަތިކަން ޙައްލުކޮށް، އެކަށީގެންވާ އިންތިޒާމެއްގެ ދަށުން ތެޔޮ ފޯރުކޮށްދިނުމަށް ސަރުކާރުން ގެންގުޅޭ ތަޞައްވުރާ އެއްގޮތްވާ ގޮތުގެ މަތިންނެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
