އައިޖީއެމްއެޗް އިން ”ޓޯޓަލް ހިޕް ރިޕްލޭސްމަންޓް“ ފުރިހަމަކުރި ޔާސީން ބުނީ ”އެއީ އެންމެ ރަނގަޅު އޮޕްޝަން“ ކަމަށް
ލިޔުންތެރިޔާ
ޚަދީޖާ އަރުފާ
ސަރުކާރުގެ މައި ހޮސްޕިޓަލް، އައިޖީއެމްއެޗްގައި "ޓޯޓަލް ހިޕް ރިޕްލޭސްމަންޓް" ސާޖަރީ ފުރިހަމަކުރި މުހައްމަދު ޔާސިން އޭނާގެ ތަޖުރިބާ ހިއްސާ ކޮށްފިއެވެ.
ޔާސީން ބުނެފައިވާގޮތުން، އޭނާގެ ޙާލަތާގުޅޭ ގޮތުން އިންޑިޔާގެ މުމްބައިގެ ހޮސްޕިޓަލުތަކުންވެސް ޑޮކްޓަރުންގެ ޚިޔާލު ހޯދިއެވެ. އަދި ޓޯޓަލް ހިޕް ރިޕްލޭސްމަންޓް އަކަށް ދާންޖެހޭކަން އެކޮޅުން ފާހަގަކުރިއިރު، ރާއްޖޭގައި، އައިޖީއެމްއެޗުގައި ދެއްކި ޑޮކްޓަރުވެސް ލަފާދިނީ ވީހާވެސް އަވަހަށް ސާޖަރީއަށް ދިޔުމަށެވެ.
”އެކޮޅަށްވުރެ އައިޖީއެމްއެޗް ހުރިހާ ގޮތަކުންވެސް އައިޖީއެމްއެޗް އެންމެ ރަނގަޅު އޮޕްޝަންއަށްވީ އާސަންދައިން ހުރިހާ އެއްޗެއް ކަވާވެފައި، އަނެއްކޮޅުން ފެމިލީ ކައިރީގައި ތިބޭނެތީ.“ ޔާސީން ބުންޏެވެ.
ޔާސީން ބުނީ ސާޖަރީ ކުރުމަށް ހޭނެއްތުމުގެ ކަންކަން ކުރިއިރުވެސް އެއްވެސް ތަދެއް އިހްސާސް ނުވާ ކަމަށާ، އަދި ސާޖަރީއަށްފަހުވެސް ތަދު ހުރީ އެންމެ ހަފްތާއެއް ވާންދެން ކަމަށެވެ.
”10 ދުވަސް ތެރޭ އެއްވެސް ސަޕޯޓްއަކާނުލައި އަޅުގަނޑު ހިނގަން ފަށައިފިން. އަޅުގަނޑު ހީކުރި ވަރަށްވުރެ ވަރަށް ރަނގަޅު އެކްސްޕީރިއަންސް. ނަރުސްކުދިންވެސް، އާފްޓާކެއާވެސް ވަރަށް ރަނގަޅު. ވަރަށް ހިތްހަމަޖެހޭ. ޑޮކްޓަރުންވެސް، އެއްވެސް މައްސަލައެއް އުޅެންޏާ ގުޅާލީމާ ރޭގަނޑު ދަންވަރުވެސް، 12 ނޫނީ 1 ގައިވެސް ކޮންމެސް ކަހަލަ ހައްލެއް ހޯދައިދޭ. ވަރަށް ސްމޫތްކޮށް ދިޔައީ. މިހާރު ގާތްގަނޑަކަށް ފިޓުވެފައި މިހުރީ. ޚިދުމަތްތަކާމެދު އެއްވެސް ކޮންޕްލެއިންއެއް ނެތް އަޅުގަނޑުގެ“ ޔާސީން ބުންޏެވެ.
މި އޮޕަރޭޝަނަށްފަހު ޔާސިންގެ ހާލަތު ރަނގަޅުވެ، މިހާރު ދަނީ އެއްވެސް ދަތިކަމެއްނެތި އާންމު ދިރިއުޅުމުގެ ހަރަކާތްތަކުގައި ބައިވެރިވަމުންކަން އައިޖީއެމްއެޗުން ފާހަގަކުރެއެވެ.
"ބައިލެޓަރަލް ޓޯޓަލް ހިޕް ރިޕްލޭސްމަންޓް" ނުވަތަ އުނަގަނޑުގެ ދެހުޅު އެއްފަހަރާ ބަދަލުކުރުމުގެ އޮޕަރޭޝަނުގެ އިތުރުންވެސް އައިޖީއެމްއެޗްގެ ކަށީގެ ޑިޕާޓްމަންޓުން އަންނަނީ އެންމެ ޒަމާނީ ވަސީލަތްތަކާއެކު ގިނަ ޚިދުމަތްތަކެއް ދެމުންނެވެ. އެގޮތުން ސްޕައިން ޑިސްއޯޑަރސް، ޕީޑިއަޓްރިކް އޯތޮޕީޑިކްސް، ސްޕޯޓްސް މެޑިސިން، ޖޮއިންޓް ރިޕްލޭސްމަންޓް އަދި ޓްރޯމާ ފަދަ ސަބް-ސްޕެޝަލިޓީތަކުން ޚިދުމަތް ލިބެން ހުރެއެވެ. އަދި ކަކުލާއި އުނަގަނޑުގެ ހުޅު ބަދަލުކުރުމާއި ، މައިބަދައިގެ އޮޕަރޭޝަންތަކާއި، ކުޅިވަރުގެ އަނިޔާތަކަށް ދޭ ފަރުވާތައް ހިމެނެއެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
